Sinulo 5:6 - Luyana Bible Translation

⁶ Sebeli ni mona Omukoko oimanine mukaci no lubona kanyi nauibaiwa outingulukilwe ku yumbiwa inee na kulu, ni manaka mutanu na yiili ni miyo mutanu na yili (7) neli emebo mutanu ni yiili (7) ya Nyambe ina kutumiwa mu litunga.

Sinulo 5:6 Iomraidhean Croise

Luka 1:69

Mi na tulitele omuyoyisi no maata, mu ndoo ya mubika waye Dabida.

Jowani 1:29

Eliywaa lina ku tatamako Jowani sebeli omona Jesu yoiya kwa yonyene, mi sebeli wamba nji, “Komumone, uno omukoko wa Nyambe woyo utundisa esibi no litunga!

Jowani 1:36

mi aba anaku mona Jesu yoenda sebeli wamba nji, “Komumone omukoko wa Nyambe!”

Tikezo 8:32

Cwale ekalulo no lin̄olo anaku bala neli eyi, “Kanyi omukoko utwaliwa mukwiibaiwa simba akana no mukoko nokwalila owoya wako aba upatuliwa, kasi yaamisa akanwa kaye.

Sinulo 1:4

Mene Jowani kame nin̄olela etikeleke mutanu ni timbili (7) tili mu Esiya, Esishemo kwaanyi ni kozo okutunda kwa Nyambe woyo oliko ni woyo ona kwikalako mane ni kwa woyo soiya, ni kutunda ku mebo mutanu ni twiili eyo ili balubala no lubona lwaye,

Sinulo 12:11

Cwale kame ana mukomo ni unyinga no Mukoko ni maywi no upaki oo, kakuli kasiku singa omoyo oo oku utwala ku lifu.

Sinulo 13:8

Nawo onje ayoya ba litunga kame sa si lapele, awo onje amatina oo ka sikun̄oliwa abo amatatekelo no litunga akasiiya kale mu buka no moyo eyo no Mukoko owo ona kwibaiwa.

Sinulo 14:1

Cwale sebeli naliketa ni kumona Omukoko owimanine ba lilunndu lya Sione nanu wawo no kukwana omwanda ni makumi anee ni tunee no ikiti (144;000) awo an̄olilwe elitina lyawo ni lya sitawo mu timala too.

Sinulo 17:14

Kame salwise Omukoko, kono Omukoko kame sawakome, kakuli yo Mbumu no ambumu mi yo Mbumu no anu onje mi awo ali naye naisaniwa ni kuketiwa mane nasepahala.”

Sinulo 21:22

Cwale kanasi mona kale endoo ya Nyambe mu mulenen̄i, kakuli endoo ya Nyambe yawo neli Mbumu Nyambe no maata ni Mukoko.

Sinulo 21:23

Omulenen̄i kausikusaela eliywaa simba okweti okubenya mo, kakuli ekanya ya Nyambe eliseli mi elambi yawo ni Mukoko.

Sinulo 22:1

Cwale sebeli oni monisa omusindi no meyi no moyo, no kukena kanyi kilisitale, aa abuba okutunda ba lubona lwa Nyambe nolu no Mukoko

Sinulo 22:3

Kakutamba kwikala eso so kutiwa. Kono olubona lwa Nyambe nolu no Mukoko kame saikalemo, mi abika aye mba mulumbeke.

Sinulo 4:8

Eyumbiwa inee noku yoya, esinjili ni sinjli kame sili ni maando mutanu ni kamweya, (6) eyi iyalile amiyo olutu longe ni mukaci, mi ousiku ni munji kaisi kupumulanga okwiimba nji, No kukena, no kukena, no kukena, Ombumu Nyambe no maata onje, ona kwikalako, woyo oliko, mi woyo soiya kame.”

Sinulo 5:11

Cwale sebeli naliketa mi sebeli niyupa ba lubona lutingulukilwe ni yumbiwa noku yoya naakulu ni liywi no mangeloi no kupula olule-lule ni itiki-kiti,

Sinulo 5:12

mi sebeli aamba mukukuweleza ni liywi linene nji, “Okufanena nikwa Mukoko ona kwiibaiwa oku tambula amaata, esifumu, ni ku shangama, ni kongola, ni likute, ni kanya, ni timbuyoti!”

Sinulo 5:13

Cwale sebeli niyupa eyumbiwa yonje mu wilu, ni mu litunga mane ni munji no litunga, ni mu liwate neyo ilimo, mi yonje eyamba nji, “Kwa yonyene oikalile ba lubona ni ba mukoko, afuyolwe mi akutekiwe, ni kanya, ni maata, no kuta oko no kwaabwa!”

Sinulo 5:14

Cwale eyumbiwa no ku yoya sebeli yamba nji, “Ameni!” Mi akulu sebeli akwela banji ni kuba etumbo.

Sinulo 6:16

Seli aisana ku malundu ni mawee nji, “Mukwele beulo wetu mi mutu shweeke ku lubala lyaye woyo oikalile ba lubona, ni ku kutweba no Mukoko!