Sinulo 4:11 - Luyana Bible Translation

¹¹ “Ombumu ni Nyambe wetu kame ofanena wene oku tambula ekanya, elikute ni maata, Kakuli tiwe ona umbu einu yonje, mi kame ina kwikalako kumbiwa mukusinga kowe.”

Sinulo 4:11 Iomraidhean Croise

Tikezo 14:15

“Alume, ikene aba mutenda ngesi? naaci tuli alume kanyi aanyi, mi kame tuna militele amaywi no kuwaba, nji kame mufanena okusiuluka okutunda ku inu eyi no mbulwa tuso okuta kuwa Nyambe no kuyoya woyo ona kutenda eliwilu ni litunga, ni liwate, neyo yonje ilimo.

Tikezo 17:24

Nyambe ona ku tenda elitunga niinu yonje ilimo, bakutenda Ombumu no liwilu ni litunga, ka yoyo mu tikeleke ti yakilwe ni maoko nwaanu.

Maloma 11:36

Kakuli einu yonje kame itunda kwa Yonyene, kame inaiyi mwa Yonyene, mi kame itendelwa Yonyene. Kwa Yonyene kwikale ekanya mu nako ni nako! Ameni.

Maefese 3:9

mi ni kumonisa aanu onje nji omulelo no kunutu ina kushwekelwa ana kukale mwa Nyambe woyo ona kuumba einu yonje,

Mahebelu 1:10

Kame sebeli wamba nji, “Weene, Mbumu, ku matatekelo kame ona kuumba elitunga, mi amawilu kame atendile omusebezi no maoko owe.

Mahebelu 1:2

kono mu tinako tino no mamaneneno, kame aamba kwaaci mwa Mwanaye woyo abekile oku yola einu yonje, woyo kame mwa yonyene kame anatende elitunga.

Sinulo 1:6

mi na kututenda omubuso no apulisita kwa Nyambe waye ni sitaye, kwa yonyene okutenda ekanya ni kubusa mu nako yonje! Ameni.

Sinulo 10:6

mi sebeli lyeeta mu litina lya woyo oyoya okuta oko no kwaabwa woyo ona kuumba eliwilu neyi ilimo, elitunga neyi ilimo ni liwate neyo ilimo ni kwamba nji, “Ka kutamba kuliyeha!

Sinulo 14:7

Mi sebeli lyamba ni liywi linene nji, “Mucile Nyambe mi mumube ekanya! kakuli enako yaye no kwatula yaiya kale. Mu mukubamene woyo ona kuumba eliwilu ni litunga, eliwate mane ni mawelu-welu no meyi!

Sinulo 19:1

Munyima no eyi sebeli ni yupa omulumo no kuneneba noukufeka kanyi eliywi no anu no kupula mu wilu, akuweleza nji, “Haleluya! Okuyoyisiwa, ni kanya, ni maata kame ili kwa Nyambe wetu!

Sinulo 5:12

mi sebeli aamba mukukuweleza ni liywi linene nji, “Okufanena nikwa Mukoko ona kwiibaiwa oku tambula amaata, esifumu, ni ku shangama, ni kongola, ni likute, ni kanya, ni timbuyoti!”

Sinulo 5:2

Mi sebeli ni mona elingeloi eli no kongola, eli likuwa ni liywi linene nji, “Anyine otwesa ocola ni kulamutula omuputo ou?”

Sinulo 5:9

Cwale sebeli aimba olusimo no ubya nji, Kame ofanena oku shimba omuputo ni kucola esilamatela sawo. Kakuli kame ana kwiibaiwa, mi ounyinga waye nauku liulula anu kwa Nyambe okutunda ku mushobo onje, ni tindimi, nanu, ni litunga.