Sinulo 21:7 - Luyana Bible Translation

⁷ Woyo so koma kame sa yole eyi, mi kame sani tende Nyambe waye mi yonyene mba tende Mwanange.

Sinulo 21:7 Iomraidhean Croise

Mateu 19:29

Cwale omunu yonje woyo onasiyi etindoo, simba amandaye, simba inawaye, simba sitaye simba aana ni matema aye mulibaka no litina lyange, kame sa tambule onene oku bitelela omwanda, mi kame salye esanda no mooyo no kwaabwa.

Mateu 25:21

Omolyaye sebeli wamba kwa yonyene nji, ‘Nu tende wino, mi uli mubika no kuwaba ni ku sepahala! Nu sepahala ku inu no kucaniba, mba niku beeke okubusa eyi no kupula. Wingene mu kuwabelwa kwa molyowe!’

Mateu 25:34

Cwale molyoo kame saambe kwaawo ali ku lyoko lyaye no silyo nji, ‘Komwiye! anyi muna fuyolwa kwa Sitange! Mu yole omubuso ona ku lukisetwa anyi okutunda ku matatekelo no litunga.

Maleka 10:17

Cwale Jesu abana tateka okwenda omwendo waye, sebeli kwiiya omulume yoitukela kway onyene ni kukwela ku makondo aye okukubama balubala lwaye ni kumwibanguta nji, “Weene omwiyeti no kuwaba, ngasibine sa nitende nji ni kawane omooyo no kwaabwa?”

Maloma 8:14

Kakuli onje awo aendisiwa ku mebo ya Nyambe, ao naana a Nyambe.

Maloma 8:19

Kakuli eyumbiwa yonje kame itatelele mu kushukela onene okushotolwa no aana a Nyambe.

2 Makolinte 6:16

Ibine etumelelano ili ku ndoo ya Nyambe ni ifekiso no kulapela? Kakuli kame tuli Endoo ya Nyambe no kuyoya! Kanyi Nyambe aba anamba nji, Kame sa niyoye mwa onyene ni kwenda mukaci koo mi kame sa nitende Nyambe woo, onyene atende aanu ange.

2 Makolinte 6:18

Kame sani tende sitenu, mi anyi mu tende anange no andumbana naa no akatana, kame kwamba Ombumu no maata onje.”

Mahebelu 8:10

Cwale, ou wo kame oulikani sani kuleme na sindoo ya Isilaele munyima no maywaa awo, Kame kwamba Ombumu. Kame sani ingenyeke emilawo yange mu tingana too, ni kwin̄ola ba micima yoo. mi kame sa ni tende Nyambe woo, mi onyene atende aanu ange.

1 Pitolosi 3:9

Mulese okuusa ouyi ku uyi simba okukuta, kono anyi mufuyole kakuli okufuyola kwana kumisepisa Nyambe aba ana kumiisana nji mutambule embuyoti.

Sinulo 2:11

Woyo okwite amatwi, ayupe eso Emebo yaamba ku tikeleke! “Woyo so koma katamba ku lemekiwa ku lifu no wiili.”

Sinulo 2:17

“Woyo okwite amatwi, ayupe eso Emebo yaamba ku tikeleke! “Kwa woyo so koma kame sanimube ku maana ashwekilwe mi kame sani mube eliwee no kukena ni litina no ubya elyo lin̄olilwe baliwee elyo kakwisa omunu olilimuka konji yonyene woyo oli tambula.

Sinulo 2:25

Moongotetete kweso muli naso konji aba saniiye kame,

Sinulo 2:7

Woyo okwite amatwi, ayupe eso Emebo yambela etikeleke! Kwa yonyene woyo so matuka mbani mubi okulya ku sitondo no moyo eso sili mu paladaisi ya Nyambe.

Sinulo 21:3

Seli ni yupa eliywi no kuneneba okutunda ba lubona elyamba nji, “Komumone, omundi wa Nyambe kame oli naanu. Kame saikale noo, mi kame satende anu aye, mi Nyambe yonyene luli kame saikale noo.