Sinulo 2:1 - Luyana Bible Translation

¹ “On̄olele ku lingeloi no keleke na mu Efese nji, “Aa amaywi atunda kwa woyo olemine etitungweti mutanu ni twiili (7) mu lyoko lyaye no silyo ni woyo wenda bakaci no tutala no tilambi no gauda mutanu ni twiili (7).

Sinulo 2:1 Iomraidhean Croise

Mateu 18:20

Kame namba eyi kakuli omo kuli ayiili simba aatu aa aku wanine mu litina lyange, kame nili noo mukaci koo.

Mateu 28:20

Mi mwaiyete oku mamela einu yonje nina milaelele. Mi mupuluke nji, kame nili nenu mu nako yonje, okutwala ku mamaneneno no litunga.”

Jowani 5:35

Yonyene neli olumonyi lu tumbuka, ni lambi eyi imonyeka, mi anyi namu singi oku wabelelwa enako icana mu liseli lyaye.

Tikezo 18:19

Cwale sebeli akeela mu Efese, mi sebeli waasiyamo, kono yonyene sebeli ota mu ndoo no milapelo mu ku kanana ni Majuda.

Tikezo 18:21

Kono aba kwaasiya, sebeli waambela nji, “Kame sani kauke kwaaci nji Nyambe mba singi.” Cwale sebeli oluta okusiya Efese.

Tikezo 19:1

Apolosi yoli mu Kolinte Paulusi sebeli okaula enaha eyi ilumbile ni kwiiya mu Efese. Omo sebeli owana aiyetwa anjili.

2 Makolinte 6:16

Ibine etumelelano ili ku ndoo ya Nyambe ni ifekiso no kulapela? Kakuli kame tuli Endoo ya Nyambe no kuyoya! Kanyi Nyambe aba anamba nji, Kame sa niyoye mwa onyene ni kwenda mukaci koo mi kame sa nitende Nyambe woo, onyene atende aanu ange.

Sinulo 1:16

mi mu lyoko lyaye na ku silyo yo lemine etitungweti mutanu ni twiili (7), mi mukanwa kaye sebeli mutunda omukwale no kushenga oku noku, mi cwale olubala kanyi eliywaa no kubenya onene.

Sinulo 1:20

Ino ekunutu eyo ni myambela no titungweti mutanu ni twiili (7) tili mu lyooko lyange na ku silyo, mane ni tutala no tilambi mutanu ni twiili (7) no gauda, etitungweti mutanu ni twiili (7) amangeloi no tikeleke mutanu ni twiili, mi kame otutala no tilampi mutanu ni twiili etikeleke mutanu ni twiili.

Sinulo 12:1

Cwale esisupo sinene sebeli simonahala mu wilu. Seli kumonahala omukati yoku mangile eliywaa ni kweti kunji no makondo aye, mi ba mutwi waye abali omushukwe no titungweti likumi ni twiili (12).

Sinulo 2:12

“On̄olele ku lingeloi no keleke namu Pegamamu nji, “Aa amaywi awo atunda kwa woyo okwite omukwale otwebile oku nooku.

Sinulo 2:18

“On̄olele ku lingeloi no keleke namu Tiyatila nji, “Aa amaywi a Mwana Nyambe, woyo amiyo aye kame akufekile kanyi olulimi no mulilo, mi amakondo aye kame abenya kanyi esondo no mucaa.

Sinulo 2:8

“On̄olele ku lingeloi no keleke namu Simina nji, “Aa amaywi a woyo no matatekelo ni mamaneneno, woyo ona kufa mane ni ku yoya kame.

Sinulo 3:1

On̄olele ku lingeloi no keleke namu Sadisi nji, “Amaywi a woyo okwite emebo mutanu ni twiili (7) ya Nyambe ni titungweti titanu ni timbili (7). Kame nilimukile emisebezi yowe kame okwite elitina no kuyoya, kono uli wa kufa!

Sinulo 3:14

“Ku lingeloi no keleke na mu Laodesiya on̄ole nji, “Aa amaywi no Ameni, opaki no kusepahala ni niti amatatekelo no yumbiwa ya Nyambe.

Sinulo 3:7

“Ku lingeloi no keleke namu Filadelufiya on̄ole nji, “Amaywi awoyo no kukena ni niti woyo okwite etinotolo ta Dabida, mi aba ayatulula kakwisa woyo so yatila. Woyo oyatila mi kakwisa woyo so yatulula.