Sinulo 13:7 - Luyana Bible Translation

⁷ Kame sina ku pumenenwa okulwisa anu no kukena a Nyambe ni kwakoma, mi kame si na kubiwa amaata ku mishobo yonje, ni kwaanu, niku tipuo ni kwa simacaba.

Sinulo 13:7 Iomraidhean Croise

Luka 4:6

Odiyabulozi sebeli wamba kwa yonyene nji, “Kwa wene kame sa ni kube amaata onje ni kanya yawo yonje, kakuli yonje eye kame ina ibiwi, mi kame niiba kwa woyo ni singa.

Jowani 19:11

Jesu sebeli omutambula nji, “Kaukwite amaata beulu yange konji na wabiwi okutunda ku wilu, cwalehe woyo ona kubi mene kwa wene yokwite esibi no kuneneba.”

Sinulo 10:11

Cwale sebeli linambela nji, “Ouke kame okanuhe eyi no anu no kupula ni mishobo ni tipuwo mane nambumu.”

Sinulo 11:18

Amacaba na kutina, kono okutweba kowe na kwiiyi, ni nako no afu okwatuliwa, ni kuba abika owe omupuzo, anuhi mane ni anu no kukena a Nyambe nawo acilile elitina lyowe, bamweya kwa acana naa no kuneneba mane ni kusinya awo asinya elitunga!”

Sinulo 11:7

Cwale aba sa mane okuba oupaki woo, esibatana sasi tunde mu mukoti mbasa alwisi ni kwakoma mane ni kwaibaa.

Sinulo 12:17

Cwale esibatana sebeli sitinena onene omukati mi sebeli sita nukalwisa olusika lwaye, awo ateula emilawo ya Nyambe ni kuba oupaki kwa Jesu,

Sinulo 17:15

Cwale sebeli wamba kwa mene nji, “Ameyi ona kumona, abo liikalile elihule, kame atendile anu, okupula na simacaba mane ni tipuo.

Sinulo 5:9

Cwale sebeli aimba olusimo no ubya nji, Kame ofanena oku shimba omuputo ni kucola esilamatela sawo. Kakuli kame ana kwiibaiwa, mi ounyinga waye nauku liulula anu kwa Nyambe okutunda ku mushobo onje, ni tindimi, nanu, ni litunga.