Sinulo 11:17 - Luyana Bible Translation

¹⁷ ni okwamba nji, “Kame tuku tumela kwa wene! Mbumu Nyambe Omwambakani woyo oliko ni woyo ona kwikalako! Mi nushimbi amaata owe no kuneneba mi nutateke okubusa!

Sinulo 11:17 Iomraidhean Croise

Mateu 11:25

Mu nako eyo Jesu sebeli wamba nji, “Kame ni ku lumbeka Sitange, Ombumu no litunga ni liwilu, kakuli na ushweeke eyi inu kwasi kushangama naawo asiku kwiyeta, mi kame ona tishootwele aana acana.

Luka 10:21

Mu hola eyeyo luli Jesu sebeli owabelelwa mu Mebo No Kukena ni kwamba nji, “Kame ni kutumela kwa wene Sitange, Ombumu no liwilu ni litunga, kakuli namushweeke eyi inu kwawo no kushangama na sikukwiyeta mi namwi shootwele anuke acana. Eee, Sitange, kakuli mona kusingela nji kutendahalele.

Jowani 11:41

Cwale sebeli atundisa eliwee. Jesu sebeli waliketa amiyo aye ku wilu ni kwamba nji, “Sitange, kame ni kutumela mwa wene, kakuli nuni yupu.

2 Makolinte 2:14

Kono tuku tumele kwa Nyambe woyo mwa Kilesite enako yonje kame atutwaletela mu kukoma ni mwaaci kame alita omumwee no zibo yaye mu ibaka yonje

2 Makolinte 9:15

Kulumbiwe Nyambe mulibaka no mpo yaye no kwatwesiwa okutalusiwa.

1 Timoteya 1:12

Kame nikutumelo kwa Jesu Kilesite Ombumu wetu, woyo onanibi amaata no musebezi wange. Kakuli nanimono okusepahala okuniketa mu musebezi waye

Sinulo 1:4

Mene Jowani kame nin̄olela etikeleke mutanu ni timbili (7) tili mu Esiya, Esishemo kwaanyi ni kozo okutunda kwa Nyambe woyo oliko ni woyo ona kwikalako mane ni kwa woyo soiya, ni kutunda ku mebo mutanu ni twiili eyo ili balubala no lubona lwaye,

Sinulo 1:8

Time Alufa ni Omega, kame kwamba Mbumu Nyambe, woyo oliko ona kwikalako woyo soiya woyo no Maata onje.

Sinulo 11:15

Cwale elingeloi no mutanu ni twiili sebeli lipeta etolombita ya lyo, mi sebeli kuyupahala amaywi manene mu wilu, aamba nji, “Omubuso no litunga nautende omubuso wa Mbumu wetu ni wa Kilesite waye mi kame saubuse okuta oku no kwaabwa.

Sinulo 15:3

Mi sebeli aimba olusimo lwa Mushe, omubika wa Nyambe mane ni lusimo no Mukoko olu lwamba nji, “Okuneneba ni uuwa emisebelibezi yowe, Ombumu Nyambe no maata, oku sebelipahala ni niti etindila towe wene Ombumu no macaba!

Sinulo 16:14

Eyo kame itendile emebo no mandimona eyo itenda etimakazo. Eyi ita kwa mbumu no litunga lyonje, ni kwa waneka bamweya ba ndwaa ba liywaaa linene lya Nyambe no Maata.

Sinulo 16:5

Mi sebeli niyupa elingeloi no meyi elyamba nji, “Ekatulo yowe niya niti, wene no Kukena oliko mi kame ona kwikalako.

Sinulo 16:7

Cwale sebeli niyupa eliywi okutunda ku aletale eli lyaamba nji,“Eee, wene Mbumu Nyambe no Maata! etikatulo towe nitaniti luli!”

Sinulo 18:8

Mulibaka elyo, etikoto taye kame sati monahale mu liywaa limweya, elifu, ni kulila ni lishebo, mi kame sa cin̄iwe ni mulilo, kakuli woyo no maata ni Mbumu Nyambe, woyo omwatula.”

Sinulo 19:11

Cwale sebeli ni mona eliwilu eliyatuluka, mi sebeli ku monahala ombii no likena! Komumone, woyo oikalilebo kame aisaniwa nji wa Niti ni ku Sepahala, mi mu Kuluka kame aatula ni kutenda etindwaa.

Sinulo 19:6

Cwale sebeli ni yupa omulumo okufekile kanyi eliywi no anu no kupula, kanyi omulumo no meyi no kupula mi kanyi omulumo no mbula elyamba nji, “Haleluya! Kakuli Ombumu Nyambe wetu no maata, kame abusa!