Mafilipi 2:6 - Luyana Bible Translation

⁶ anyine simba ngeso ona kwikala mu sumbiwa sa Nyambe, kasikukubala nji kame akukumanena ni Nyambe ni sinu esi sa lemenene.

Mafilipi 2:6 Iomraidhean Croise

Mateu 1:23

“Komumone, omukatana no kwa kuwana ni mulume mbaikala ba meyi no ubya mi mba leye omwana no ndumbani, mi mbamwisana nji Imanuwele.” (Okutalusa nji, “Nyambe kame ali netu).”

Jowani 1:18

Kakwisa omunu onaku monabo Nyambe. Konji Omwana feela, woyo oli ba saali sa Sitaye, yo kame woyo ona mutende nji alimukiwe.

Jowani 10:30

Mene ni Sitange kame tuli bamweya.”

Jowani 10:33

Amajuda sebeli amutambula nji, “Katuku pwacaulele omusebezi no kuwaba, kono ni mu kunyefula, kakuli wene kame oli omunu mi kame okutenda nji tiwe Nyambe!”

Jowani 10:38

Kono nji kame niitenda, simba nji anyi kamuni pumene, mupumene amaywi awo mufanena oku limuka niku yupisisa nji Sitange kame ali mwa mene mane ni mene mwa Sitange.

Jowani 14:28

Na mukuyupa eyi nina myambele nji, ‘Kame nita, mi mba niiyi kwaanyi.’ Kambe namukunisinga, kambe mbamu wabelelwe kakuli kame nita kwa Sitange, kakuli Sitange wa kuneneba okubita mene.

Jowani 14:9

Jesu sebeli omwambela nji, “Kame nina ikala naanyi enako no kuleba, mi kausi nilimuka Filipi? Woyo ona nimono kame ana mono ni Sitange. Ngasibine aba wamba nji, ‘Otu monise Sitetu’?

Jowani 17:5

Cwale bano Sitange, onikanyise ba lubala lowe ni kanya iya nina kwikala nayo ni weene abo elitunga ekalya sumbiwa kale.”

Jowani 20:28

Tomasi sebeli otambula nji, “Ombumu wange, ni Nyambe wange!”

Jowani 5:18

Elibaka elyo aendisi no Majuda ana kusinga oku mwibaela okubita ba weli, kakuli kasi kumatuka feela omulawo no Pumulo, kono kame yonyene ni kwisana Nyambe nji Sitaye mane nuukubeeka ba siyemo simweya ni Nyambe.

Jowani 5:23

nji onje awo akuteke Omwana kanyi omo akutekela Sitange. Woyo no kwakuteka Omwana ka kuteke ni Sitange ona mu tumu.”

Maloma 9:5

onyene kame ali asi mukowa munene omo ina tundu emikowa yonje mane ni Kilesite mwana leiwa muunu, Nyambe woyo oli beulu no inu yonje, alumbekwe okuta oko nokwaabwa! Ameni

2 Makolinte 4:4

Mu taba yoo onyambe no litunga lino kame ana fokolisa etingana tawo no kwapumena okwaulwisa okumona eliseli no liywi no kuwaba no kanya ya Kelisite woyo oli mu sifekiso sa Nyambe.

2 Makolinte 8:9

Kakuli kame muyii esishemo sa Mbumu wetu Jesu Kilesite nji naaba ana kufuma, cwale mulibaka lyenu natende osikusheba nji cwale mukusheba kwaye mufanene okufuma.

1 Timoteya 1:17

Kwa Mbumu no kuta oku nokwaabwa, no kwaafa, no kwa monwa, yonyene Nyambe yomboci, abiwe elikute ni kanya mu tinako ni tinako Ameni.

1 Timoteya 3:16

Omunene luli woyo tupumena no kuneneba mu tumelo yetu. Naku monahala mu unu, kame anatendiwa woyo no kuluka ku mebo, kame ana kumoniwa ku mangeloi. kame ana kukutaziwa mukaci no aanu, kame ana kutumeniwa mu litunga mane nakushimbeliwa mu kanya.

Tite 2:13

me tu tatelele esepo yetu ili ni mbuyoti, ni ku monahala ni kanya ya Nyambe wetu no kuneneba, neyi ya Muyoisi Jesu Kilesite.

Mahebelu 1:3

Yokame woyo omonisa ekanya ya Nyambe ni sifekiso esi ali mwa sonyene, kame a shimba einu yonje mu liywi no maata aye. Aba ana kumana okukenisa eibi, sebeli oikala ku lyooko no silyo lya Nyambe no maata onje naku wilu.

Mahebelu 1:6

Mi kame aba sa lite mwanaye no mweli mu litunga, sebeli wamba nji, “Mulesele amangeloi onje a Nyambe amu lumbeke.”

Mahebelu 1:8

Kono kwa Mwanaye kame aamba nji, “Olubona lowe, wene Nyambe, ni lwakuta oku no kwaabwa! Omulamu wowe Mbumu no kuluka omulamu no mubuso wowe no kuluka.

Mahebelu 13:8

Jesu Kilesite yokame ni bingolwa, ni balelo, ni kuta oku no kwaabwa.

Sinulo 21:6

Kame sebeli wamba kwa mene nji, “Na kupetahala! Time alufa ni Omega, amatatekelo ni mamaneneno. Kwawo afile elinyotwa mba naabi ku liwelu-welu no meyi no moyo no kwatenekiwa.