Jakobo 1:1 - Luyana Bible Translation

¹ Okutunda kwa Jakobo, omubika wa Nyambe ni wa Mbumu Jesu Kilesite, Kame ni n̄olela amasika likumi na yiili aa ana hasana mene nji, shaangwe.

Jakobo 1:1 Iomraidhean Croise

Mateu 10:3

Filipi ni Batolome, Tomasi ni Mateu no mutelisi, Jakobo omwana Alufeya, ni Tandeya.

Mateu 13:55

Aaka! kasa kanaye osi kwaaya? Kasa nji inawaye ni Maliya, kasanji ainaye ni Jakobo, Josefa, Simoni ni Juda?

Mateu 19:28

Jesu sebeli otambula nji, “Niti luli kame ni myambela nji, “Cwale elitunga aba salitendiwe oubya, cwale Omwana no munu aba saikale ba lubona no kanya yaye, anyi muna nikon̄o kame sa mwikale naanyi ba mabona likumi na yiili (12), mi mu atule amasika no Isilaele likumi na yiili (12).

Maleka 3:18

Adiliyasi ni Filipi ni Batolome ni Mateu ni Tomasi ni Jakobo omwana Alufea, Tadeya ni Simoni no Mukanana,

Luka 22:30

Kame sa mulye mane ni kunwa ba tafule mu mubuso wange, mane ni kwikala ba lubona lwange okwatula amasika likumi na yiili no Isilaele.

Luka 6:15

ni Mateu, ni Tomasi ni Jakobo omwana Alufeya, ni Simoni wisanwa nji Zeloti,

Jowani 12:26

Omunu aba ani sebeleza ani kon̄e, mi omu nili, woyo oni sebeleza mba ikala mo ni yonyene mi omunu aba ani sebeleza, Sitange mba mukuteke.

Jowani 7:35

Cwale aendisi no Majuda sebeli akwambisa omunjili ku munjili nji, “Kubine sate wuyu munu, nji tu kwangwe oku muwana? Ninji kame sate ku Magelike, aka iyete Amagelike?

Tikezo 1:13

Cwale aba ana kwingena mu mulenen̄i, sebeli ata ku musiyo oli kuwilu omo ana kwikalanga Pitolosi, ni Jowani, ni Jakobo, ni Andiliyasi, ni Filipi, ni Tomasi, ni Batolome, ni Mateu, ni Jakobo omwana Alufeya, ni Simoni Zeloti, ni Judasi omwana Jakobo.

Tikezo 12:17

Kono sebeli waakobeta ni Lyoko nji aondoke, mi sebeli waatolokela omo ana mutundisete Mbumu mu tolongo. Mi sebeli wamba nji, “Mu simwete Jakobo naaasikupumena etaba eyi.” Cwale sebeli waasiya ni kuta ku sibaka sinjili.

Tikezo 15:13

Munyima aba ana kumana okwamba, Jakobo sebeli otambula nji, “Abaange muteetete kwa mene!

Tikezo 15:21

Kakuli okutunda ku nako na kukale mu mulenen̄i ni mulenen̄i kame kuli ao akutaza eyi no milao ya Mushe eli no Pumulo neli no Pumulo mu tindoo no milapelo.”

Tikezo 15:23

ni kwatumena elin̄olo linjili eli lyamba nji, “Abaange, atumiwa bamweya naakulu, nikwaaasikupumena nwa simacaba mu Antiyoki ni mu Siliya ni mu silisiya, mulumele.

Tikezo 2:5

Cwale kame kuna kwikalanga aendisi no Majuda mu Jelusalema, awo ana kucilanga Nyambe aa atundelela mu tinaha tonje na mu litunga.

Tikezo 21:18

Eliywaa lina ku tatamako Paulusi ota naaci kwa Jakobo, mi onje akulu sebeli aikalako.

Tikezo 23:26

“Mene Kilaudiyasi Lisiyasi kwa Felikisi, omubusisi okutekiwa onene, mulumele.

Tikezo 26:7

eyo emishobo yetu likumu ni yiili asepile okawana, abo sa lapele mu niti omunji ni usiku, mi musepiso eyi ya ni nyaza nayo aendisi no Majuda.

Tikezo 8:1

Saule naku pumena olufu lwa Setefani. Cwale ba liywaa elyo sebeli kwinguka okuyandisiwa kunene mu Ndoo ya Nyambe mu Jelusalema, mi onje kame anakuhasanela mu naha no Judeya ni Samaliya sebeli kusiyala fela Atumiwa omboci.

Maloma 1:1

Mene Paulusi, omubika wa Jesu Kilesite ona isaniwa oku tendiwa omutumwa nji aambe eliywi no kuwaba lya Nyambe.

Magalata 1:19

Kono kana sikukumona natumiwa anjili konji Jakobo minaye Mbumu.

Magalata 2:12

Kakuli baweli Jakobo yo kasituma kale alume anjili, Pitlosi kame ana ku lyanga na simacaba. Kono aba ana kukeela sebeli oukela munyima mane sebeli okukauhanya yonyene, mukucila asimupato.

Magalata 2:9

Mane aba ana kulemuha esishemo nina biwi, Jakobo, Kefasi ni Jowani awo ana kwaliketwa nji misumo, sebeli akulema bamweya ni mene ni Banabasi elyoko no silyo oulikani. Nji tute kwa simacaba mi onyene ate kwa simupato.

Mafilipi 1:1

Okutunda kwa mene Paulusi ni Timoteya abika a Kilesite Jesu. Kwa asikupumena onje mwa Kilesite Jesu awo ali ku Mafilipi nabika na asikwatusa.

2 Timoteya 4:21

Weteke omo sotwesete monje okwiiya omubebo owaka sikeela kale. Eubulusi, Pudensi, Linasi, ni Kulaudiya na beetu onje kame akukeeta.

Tite 1:1

Time Paulusi, omubika wa Nyambe ni mutumiwa wa Jesu Kilesite. Oku ongoteteta etumelo ya awo ana ketiwa kwa Nyambe ni tingana no niti yoo eyo yendelela ni mwikalelo no Unyambe,

1 Pitolosi 1:1

Okutunda kwa Pitolosi omutumiwa wa Jesu Kilesite. Kame nin̄olela awo ali mu ukoba ana hasanene mu tinaha no Pontusi, Magalata, Kapadosiya, Asiya ni Biteniya.

2 Pitolosi 1:1

Okutunda kwa Simoni Pitolosi, omubika ni mutumiwa wa Jesu Kilesite. Kwawo ana wana etumelo eyo ikufekile naaci mu kuluka mwa Nyambe wetu ni muyoyisi Jesu Kilesite.

Juda 1:1

Okutunda kwa meene omubika wa Jesu Kilesite ni minaye Jakobo. Kwaawo, aa asingwa ana isaniwa,mwa Nyambe Sitange ni Jesu Kilesite.

Sinulo 7:4

Mi kame nina yupu epalo yaawo abekilwe eliswayo lya Nyambe mu timala omwanda ni makumi anee ni tunee no ikiti (144;000), okutunda mu mushobo wonje no ana no Isilaele,