1 Makolinte 8:9 - Luyana Bible Translation

⁹ Kono mu tokomele nji oku lukuluha kwenu ku lese oku futuka esi sisataliso kwawo afokola.

1 Makolinte 8:9 Iomraidhean Croise

Mateu 18:10

Mu tokomele, mulese okunyefula mumweya kwa nukana awo, kakuli kame namba kwaanyi nji ku wilu amangeloi oo kame a mona mu nako yonje olubala lwa sitange woyo oli ku wilu.

Maloma 15:1

Aaci no kongola mu tumelo kame tufanena okutusa nawo noku fokola oku shimba emishimbo yoo. Katufanene okuku wabetwa twemboci.

1 Makolinte 10:24

Omunu alese okusaela ouwa waye yomboci kono ni uwa no akwaye.

1 Makolinte 10:28

Kono omunu kame aamba kwawene nji, “Esi na silitiwa mu sitabelo,” abo olese okulya mulibaka lyawoyo ona kwambele ni mulibaka no lizwalo.

1 Makolinte 10:29

Kame nitalusa elizwalo lyaye kasa elizwalo lyowe olese okusilya. Kakuli ngasibine etukuluho yange aba yatuliwa ku lizwalo no munu munjili?

1 Makolinte 10:32

Mulese okuba omubonda ku Majuda, simba ku Mangelike, simba ku keleke ya Nyambe.

1 Makolinte 8:10

Kakuli nji omunjili kame amona nji wene kame oli ni zibo, kame wikalile ba tafule mu keleke no milimu, katamba oku susuweziwa nji elizwalo lyaye lya kufokola okulya esilya sina beekelwa emilimu?

1 Makolinte 8:12

Cwale aba mu foseza abeenu ngeso ni kulemeka amazwalo oo aba afokola, abo kame mu foseza Kilesite.

1 Makolinte 9:22

Kwawo no kufokola kame niku tendile kanyi kame nifokolile, nji ni luwe awo afokolile mu mebo. Kwanu onje kame ni ku tendile einu yonje, nji ni yoyise anjili.

2 Makolinte 11:21

Mu kweena kwange kame naamba nji natuku fokola onene kweeyo! Kono eso sonje atenda omunu okuyeema naso, kame naamba kanyi omweelo ni mene kame nitwesa okuyeema ngeso.

2 Makolinte 11:29

Anyini no kufokola, mi mene si fokola, anyine sokwisetwa mu sibi mi mene sitini?

2 Makolinte 6:3

Ka tubekela omunu esi sitataliso mu mundila yaye nji cwale tulese okuwaniwa ni mubonda mu musebezi wetu.

Magalata 5:13

Kakuli aanyi, abaange, kame mu na isanenwe etukuluho. Kono fela mulese okutusisa etukuluho yenu kanyi namuwana esibaka no lutu, kono okukumanena ni lilato mukutenda omubika no munjili.

Makolose 2:8

Mu tokomele nji omunu alese omilema ni tuto no kushangama neyi na mbulwa tuso, okukumanena ni zibo no unu okuta ni mebo no inu no litunga eyo ibusa kasa eyi itunda kwa Kilesite.

1 Pitolosi 2:16

Muyoye kanyi aanu no kulukuluha, kono cwale mulese oukutusisa etukuluho yenu okutenda eyi no kwiiba, kono cwale muyoye kanyi abika a Nyambe.

2 Pitolosi 2:19

Kame asepisiwa okwalukulula kono onyene kame ali abika no inu no ulyangelino, kakuli kweyo yonje iiya eyo ikoma omunu kumubeeka mu ubika.

Sinulo 2:14

Kono kame ni kwite einu icana eyo sisingi kwa wene, kwaali anjili mukaci kenu awo akon̄a etuto ya Balaami, woyo ona kwiiyeta Balaki okubeeka esi sitataliso kwaana a Isilaele mu kwa susuweza okulya eilya eyo ina tendelwe esitabelo emilimu mi kame ayoya mu wozwa.