Tiihtuj 1:9 - Luwo

⁹ Ngaa me duohng nyum yaa ayiiho beehda ngaa maa amag lum Juog teeg mee ke cwihnye cang wa ka puohnye, noono e lum Juog cohge kii cwihny nyoge kedea unyoadhe kaa awaahj yaa akweer ke lum Juog.

Tiihtuj 1:9 Iomraidhean Croise

Tiihy Jo Oohr 18:28

Ge akony Apole kaa dhe yoohn ataaye Judea me thoohdh naa akwaan gene yihdh luub Juog nyum nyoge. Maa anyoadhe ngo yihr gen wa kaa agweede yi kitaab Juog kejea Jeacuu e naa ngaan acub Juoge piny ne Ngad Boadh nyoge cang.

1 Korindh 14:24

Abea nea wu cang yuud gene e wu urubo wa mar agamloohngjuog, e lum Juog pahdh yi cwihny gen. Kaano muuny giih cub Wahy Juoge e dhaano me kwihy Juog wale me kwihy muuny giih cub Juoge ree ngeye ngeyo ne ngad anyoohne. Noono e rom nyoge kaa ngeyo nea ngo ngaa me beer, wale ngaa me raaj kedea

1 Thecaaloanika 5:21

Wu keá guo kweer. Abea kuongu yihdh nyepinye ke kweenyo ne ngahy ngo kejea lubo beehn ke bang Wahy Juog. Caahdhu kaa dhe yoohn yaa ayiiho.

2 Thecaaloanika 2:15

Noono jo wan, deedu cwihnyu kedea magu loohng apuohny wane yihru teeg mee, kwaad luub alihngu yi dhog wan kedea kwaad muu akwaanu yi warga.

1 Timodhy 1:10

Loohng paajo ge agweed thiow kaa nying yaa mahj, kedea ke nying cuow me bud ke rog gen; ke nying yaa peej nyoge ne ngeew oogo, kedea ke nying yaa toohd. Ge agweed ke nying kwaad yaa kuohng rog gen ke toohd nyum lug kedea ke nying yaa dhahl lum Juog;

1 Timodhy 1:15

Lum rob kejea Jeacuu Kriihjto abeehn ne kony yaa adhemuohme wiih piny ngo beehda lubo maa adiehr me dhiili kaa maa, bang gihn yej be diiw keehde. An ke nguda, an naa akaal wudh yaa adhemuohme cang

1 Timodhy 1:19

Mag lum ayiihi teeg mee kedea tiihy gihn maa adiehr beere yeyi ubeehdo naa athaar ke nyoge. Nyoge mooge ge akweer ke mag luub ni noono e lum Jeacuu Kriihjto naa ayiih gene awii gene.

1 Timodhy 4:9

Gihn beehda loohng maa athiir me dhiil kaa yiiho. Ngo dhiil nyoge kaa yiiho e diero tooro. Gihn daahda ke teedo e man. Gihn buohjo ke tiihy ke nyinge beehda gihn gaahno Juog Aciehg. Juog Aciehg kar boadh wahy acube yihr nyoge cang kedea yaa ayiiho naa abeehn bange ge aboadhe.

1 Timodhy 6:3

Kwaad ngaan be puohny giih ateed Jeacuu Kriihjto Ruohdh ge rob lum Juog ukweere ke yiih giih ni unahge ke giih mooge me ne keede ge ne puohnye,

2 Timodhy 1:13

Dhe yoohn puohny maa athiir gihn alihngi banga ngo kea wii. Puohny yaai ke puohny maa athiir. Puohny nyoge ne cohg ke dhe yoohn me yiih gene Jeacuu Ngad boadh won unhyaare.

2 Timodhy 2:2

Luube giih anaa alihngi e ge roba robo nyum amahr nyoge puohny gen yihr nyoge me cwihny be diiw rog gen. Puohny gen yihr yaa cwihny be diiw rog gen ne baar gen wong maalo yihr nyoge.

2 Timodhy 2:25

Yaa cuung yi yoohni, rubi ke rob me ngey gene ngo ne cohg kejea nea wudh gen beer e Juog ge umeehge ngey gihn maa athiir, noono uyiih gene puohny gihri.

2 Timodhy 3:14

Abea mari yih Timodhy, mag cwihnyi teeg mee ungeehri yi lum Jeacuu ge alihngi yi dhog wan. Lum Jeacuu ayiihi ne cohg naa athiir bang gihn wan ke ngud wan ngo apuohny wane yihri.

2 Timodhy 4:3

Tiihy giih nu bang gihn cahng ukweer nyoge mooge ke lihng puohny gihn rob athiir yihdh luub Juog ngo ubeehn. Noono udoohng gene e ge cej yaa puohny me puohny kwaad giih daahd gene ke lihngo, giih me be nhyaar Juoge.

Tiihtuj 1:11

Yaa nu, ge dhiil kaa cuowo bang gihn ge beehda nyoge me raany wudh yaa ayiiho ke bang yihdh miehr ke puohny gen noono. Nyoge ge puohny gene kaa giih toohd bang ukoog gen ke ngiihny.

Tiihtuj 2:1

Abea yihn, puohny yaa ayiiho ke puohny maa athiir.

Juud 1:3

Goma maa anhyaara! Keehd maa ayuohd cwihnya ne gweed yihru ke nying boadh wahy ge nywaago, e ngo abeehn yi cwihnya ne gweed yihru ne rob ngo yihru teeg mee kejea cuungu teeg mee batien adiehj yiiho gihn acub Juoge ne cielo yihr joe ubeehde ne naang.

Giih Anyoadh Juoge 2:25

Deedu cwihnyu teeg mee ubeehdu wa maano uwahdhe ka ubeehna.

Giih Anyoadh Juoge 3:11

“Duuo gihra buu ugaali keehdo, noono e wu keá paahr caahn yi yiiho gihru umeehgu rogu dwaahngo yihr yaa reje beere wu be daar ke ajahm gihn cuba yihru ke nying gihn adeedu cwihnyu.

Giih Anyoadh Juoge 3:3

Awaahn ni paru wudhu ne cohg utiihyu kaa giih apuohny yihru kedea giih alihngu kedea nahg gene ne magu kedea rahny cwihnyu rog anyoohne giihu. Abea nea wu be tiihyo ke giih apuohny yihru e a ubeehn ne lwaahd rogu e kwihyu wa beehn ngad kahw kedea ngaa muu ungahy cahng ubeehna keewu tooro.