Pihlmon 1:7 - Luwo

⁷ Cwihnya med keraahyo kedea cwihnya ameehgi ngahmo ke nying nhyaahro gihri kedea ke nying kony ge konyi yaa ayiiho.

Pihlmon 1:7 Iomraidhean Croise

1 Korindh 16:18

Yaa nu, cwihnya ameehg gene mihno, wa kaa ameehg gene cwihnyu mihno thiow. Nyoge me wa giih nu, gihn tiihy gene dhiil pahdh yi cwihny, kedea ge nyoge me ke wuoro.

2 Korindh 7:13

Giih ni akwaana cang, ge naa ameehg cwihny wan ngahmo. Cwihny wan kuu angahmo kaa nying giih nu keed gen! Cwihny wan angahmo thiow naa aniid wane mihn cwihny Tiihtuj, bang gihn, wun cang ngo akonyu utoor gihn maa adiere keehd ngo.

2 Korindh 7:4

Cwihnya be diiw ke wun. Wiiha mor ke nyingu. Giih bahng ge guuma guumo ke med cwihny me duohng ke nyingu.

1 Thecaaloanika 1:3

Juog Wuro koohre muohj wane muohjo ke nying nihn bang gihn wu adoohng ne yaa Jeacuu Kriihjto ke dhe yoohn kaa acubu rogu yihr Jeacuu. Thiow koohr Juog muohj wane muohjo bang gihn wu adoohng ne nyoge maa anahg rogu ke tiihj ke nying Jeacuu bang gihn ngo anhyaaru. Kedea Juog koohre muohj wane muohjo thiow bang gihn lum Juog amagu teeg, e ngo be wiiu keehd me yoadu giih ajohr bang gihn wu ugaahno kejea Jeacuu Kriihjto Ruohdho uduu kedea beeyu aniid Juoge.

1 Thecaaloanika 2:13

Juog koohre beehde e ngo muohj wane muohjo ke nyingu. Koohre muohj wane muohjo bang gihn, naa akahl wane lum Juog yihru cahng ca, e ngo alihngu kedea uyiihu ngo. Ngo ayiihu ke cwihny acielo bang gihn angahyu ngo kejea beehda luube me Juog ke ngude e naa arob gen. Ngo angahyu kejea ge padh luube me wan naa apar gen wa keed wan. Luub nu ge naa alog wun kedea ucub gene tee yihru ke nying yiiho gihru.

1 Thecaaloanika 2:19

Wu gaahn wane gaahno bang gihn wu nyoge me beeye muu ubar maalo ke yiih Ciig Beer. Giih me beeye ge arob wane ke nyingu yihr yaa kan. Thiow wa koar cahng uduu Jeacuu Kriihjto Ruohdho ne rob kaa aguumu kii ngo ke cwihny wan me med. Kaano e Jeacuu wa upuoje ke nyingu. Wa daahd ngo ubeehdu ke beehdu noono uwahdhe cahng uduu Jeacuue upuoje wan ke nyingu.

1 Thecaaloanika 3:9

Deeh mihn cwihny maa ayoad wan do! Mihn cwihny ke nying gihn abaru maalo ke mag lum Juog. Ka maa amuohj wane koohr Juog do!

2 Timodhy 1:16

Abea Onecipoaruj gihn me beer atiihye yihra. Beehn Juoge dooje Onecipoaruj kedea yaa paare ke nying gihn beer e ayuge. A aliewe tiel me thoohdh kedea umeehge aduuna ngahmo. Wiihe kuu alaahyo ne liew an keehd maa anaa yi thijin,

Pihlmon 1:20

Nea kare nud kea tiihy gihn kwaya yihri yih umiiha ke nying ruohdh. Tiihy gihn kwaya bang gihn wo beehda yaa batien Jeacuu.

2 Joon 1:4

Joi mooge me bang gen alihnga cwihnya amihno rog gen keraahyo. Cwihnya amihno bang gihn ge beehdo kaa dhe yoohn giih beeye ge anyoadh Juoge, maa wa kaa arob Juoge ngo yihro kejea dhiilo gen ke yugo.