Pihlmon 1:1 - Luwo

¹ Yihri yih Pihlmon. Warga gihn ni aay ke banga a Poal. Awaahn ni a nii thijin ke nying gihn nahga ngad batien Jeacuu Kriihjto. An kedea Timodhy ge beehda umiiho ke nying Jeacuu kedea ge beehda ngad akuud yaa yiiho yih amaahdh wane. Yih beehda gom wan me ne cohg yi tiihj ke nying Jeacuu wa kwaad gihn tiihy wane.

Pihlmon 1:1 Iomraidhean Croise

Tiihy Jo Oohr 16:1

Ubar Poale ke waahdhe ucea Derba, batiene e ci Lijtera. Yi geen Lijtera e naa ayoade Timodhy. Timodhy wahn anahg Ugriihg, e men beehda nyaar yaa Judea. Miih Timodhy anahg ngaa maa ayiih lum Jeacuu.

1 Korindh 3:9

Wa nyoge me tiihyo yihr Juog. Wu ne room ke puohdh Juog kedea wu ne room ke wode.

2 Korindh 1:1

Beehda an, a Poal e akwany Juoge ne ngad oohr gihr Jeacuu Kriihjto wa ka daahd Juoge ke kar cwihnye. An maa Timodhy wado, wa naa aoohr dhog gihn yihru wu akuud yaa yiiho giih Korindh kedea yihr jo ayiiho cang giih beed yi piny Akaayo.

Galaadya 3:26

Beehda ke dhe yoohn yiiho e naa gihn nahgu nyethen Juog cang kedea e ne nahgu anweehd keehd Jeacuu Kriihjto.

Epicoj 3:1

Ke nying muuny Juog e naa gihn kwaya Juog a Poal ge amag yi thijin ke nying puohny Ciig Beer yihru wu yaa padh Judea.

Epicoj 4:1

Nea maano e a Poal ge amag yi thijin ke nying gihn nahga ubaahng Jeacuu Ruohdh ngo ateeda yihru ne cohg kejea baru maalo ke beehdo me room ke ka anaa arob Juoge kea beehdu ke dhe yoohn anyoadh Juoge yihru naa ayiihu lum Juog.

Epicoj 6:20

Keehd maa anaa yi thijin awaahn ni, a beehda ngaa maa akwany ne rob Ciig Beer gihr Dhaahr Juog. Caahn e kwahyu ke nyinga beere Ciig Beer roma kaa puohnyo e gihn me diera ke nyinge tooro.

Pihlihbi 1:1

A Poal kedea Timodhy wa ge yaa tiihj giih Jeacuu Kriihjto, wa ne gweehdo yihru wu yaa nii cing Juog ge anweehd ke Jeacuu Kriihjto. Wu ge beed Pihlihbi, ge ayiiho ke dhe yoohn Jeacuu Kriihjto kedea yihr jo doonge giih ne kiin yaa yiiho maa jo kony gen yi tiihy gen.

Pihlihbi 2:25

Ngo apara kejea ngweehn uoohra ngadu ge cuohn ne Epabrodiitoj bangu. Ngo beehda ngad wuohdo gihru maa anaa aoohru banga kedea ngo acuungo ke an yihdh giih me teeg ne kony an yi tiihy Ciig Beer.

Pihlihbi 4:3

Kedea yih thiow ge beehda ngada me tiihy ke an tiehd kedea me cwihnyi gaahna gaahno a daahd ngo ukonyi maahn giih ni ariow bang umahd gene naa acielo, bange a akony gene keraahyo ke puohny Ciig Beer gihn ni yihr nyoge. Gen maa Kelmen kedea jo atiihyo cang ke an, ge abuohj ke puohny Ciig Beer noono e nying gen amad keew yaa nying gen nii kitaab kuowo.

Kloajya 1:1

A Poal ngad oohr gihr Jeacuu Kriihjto naa akwany Juoge ke kar wiihe an maa Timodhy umiiho, wa ne gweed warga gihn yihru wu jo wan naa anweehd keehd Jeacuu. Wu ge tiihyo yihr Ngad Boadh nyoge ke cwihnyu acielo wu ge beed yi geen Kloajya. Beehn Juog Wuure kedea Jeacuu Kriihjto Ruohdhe cub gene muuny kedea doohr mar gen yihru ke karu cang.

Kloajya 4:11

Jocwa ge cuohn ne Jujtuj wu amaahdhe thiow. Jo ni adahg ge naa yaa Judea maa ayiih Jeacuu me tiihy keehd an. Ge ne meehg nyoge yiiho udoohng gene ne yaa Dhaahr Juog. Yaa ni adahg cwihnya aciihm gene ne cohg.

2 Thecaaloanika 1:1

Beehda an, a Poal wa ke Cihla kedea Timodhy, wa ne gweehdo yihru, wu yaa yiiho giih ne geen Thecaaloanika, wu ge ayiih lum Juog Wuro kedea Jeacuu Kriihjto Ruohdho ge aoohr Juoge.

2 Timodhy 1:8

Nea lum Juog ayiiho beer mee e wiihi be laahy ne rob ke nying Jeacuu yihr nyoge kedea ne rob ngo kejea a beehda gomi. Yih kea tud nea yih ke maa neehn ka beehda kan yi thijin. Dhiil guum neehn mara ke nying Juog bang gihn Juog yih umuoje ke tee me guumi giih me reje.

Pihlmon 1:23

Eparuj wu amaahdhe, ngo nii thijin banga ke nying gihn tiihye ke nying Jeacuu Kriihjto.

Pihlmon 1:24

Thiow Maarko, Arijtarkuj, Demaj kedea Luka ge tiihy ke an, yi puohny Ciig Beer wu amaahdh gene.

Pihlmon 1:9

Abea ke nying nhyaahro gihn ayoado bang Jeacuu e ne kwaya wongi beere ngo tiihyi tiihyo. Wongi akwaya, a Poal ge beehda ukiihj e amag yi thijin ke nying puohny lum Jeacuu Kriihjto, kejea konyi Onecimuj. Ge anaa yi thijin e ngo akonya udoohnge ne ngad yiiho noono uroome wa nyethiin yeya.