Joon 9:5 - Luwo

⁵ A naa daahr gihn meeny piny cang yihr nyoge ka poohde e a nud wiih piny kan.”

Joon 9:5 Iomraidhean Croise

Matheewo 4:16

Noono e yaa padh Judea gihn maa adiehr ke nying Juog ulihng gene thiow kedea udoohng gene ne nyoge maa ayiih lum Juog. Ge udoohng wa nyoge maa anaa yi muudho ke nying lwahy thoo. Naa ameeny gen e ge ake niido.”

Matheewo 5:14

“Doohngu ne lama umeenyu piny yihr nyoge. Geew maa ageer wiih good maalo rom kaa kano ubahnge ngo be niid ne?

Luka 2:32

Nyethiin gihn e nuu ubeehn ne meeny piny yihr thaay aduuno udoohng wudh yaa Yijaraele mor keehde uyahb wong lwaage ne dug.”

Joon 12:46

A beehda daahr gihn abeehn ne meeny wiih piny kedea kwaad ngaa ayiih luma be cahg beehdo yi muudho keehdo.

Joon 8:12

Maa adog Jeacuue rob yihr Paarijea kea, “A naa ngaa meehg nyoge ngahy Juog wa gihr maaj ge meeny yi muudho ungahy dhaane ka cea yea. Ngaa buodh batiena yihre unaa kuowo kedea kaa cea yea ngo ungahye.”

Tiihy Jo Oohr 13:47

Lum arob Juoge yihr wan teeg mee yea be woj wane piih. Ateede kea, ‘Lubo aroba yihru ne cidho ke bang wudh geedhe me bahye. Teedu ngo yihr yaa yihdh geedh nu kejea kihd ngaa uyiih luma ngo uboadha.’ ”

Tiihy Jo Oohr 26:18

Yih nuu uyab nying gen uyiih gene luma ubahnge ge be beehdo yi muudho yi cing atiihb ukeehg kedea ukahli gen yihr Juog Wura. Ke nying yiiho mar gen nuu uyiih gene an, e anyoohne giih gen uwii piny beere kar piih ke cubo yihr gen neehn mar yaa akwany Juoge.’

Tiihy Jo Oohr 26:23

Anaa ateed gene kejea Jeacuu Ngad Boadh nyoge guohbe urahmo maa ngo uthow kedea unahge e nuu ukuong cahro umodho ne nyoadh dhe yoohn uboadh nyoge wahy gen kii ngo.”

Epicoj 5:14

Bang gihn, gihn nii daahr ngo uneehno ne dahr. Ke nying gihn nu e ngo arob naa, “Yih ngaa aneno ni, tahngi uduu wahyi rihi keehdo kedea Kriihjto daahre yih umeenye.”

Giih Anyoadh Juoge 21:23

Cahng wale dwaahy me daahd umeeny gene piny yi geew tooro, bang gihn kaa amoar wiih Juog e ne meeny yi geew kedea Roomo en naa maaj me meeny yi geew.