Joon 7:7 - Luwo

⁷ Yaa wiih piny gihn me maan gene wun ke nyinge ngo tooro. Abea a naa amaan gene bang gihn kwaaya ke rob yihr gen kejea ge tiihy giih me reje.

Joon 7:7 Iomraidhean Croise

Luka 6:26

Thiow rob teeg keehd wun, nea nyoge cang wu puoj gene puojo urub gene ke nyingu keehd kwaad giih me beey. Ngahyu ngo ne cohg kejea gen naa kwaad giih anaa atiihy weehw gene noono rog kwaad yaa padh nyoge maa yaa gamloohngjuog.

Joon 17:14

Giih arobi yihra ge aroba yihr gen kedea ubeehn yaa wiih pinye umaan gene gen bang gihn par gihr gen be room keehd mar yaa wiih piny kan wa ka bahnge para be room ke par yaa wiih piny.

Joon 3:19

Wa kaano e naa ka kihm Juoge nyoge kii ngo, ne ngey yaa rog gen naa awuohj kedea yaa rog gen tooro awuohj. Daahr ge beehda adiehj Juog yoad ke bang Juog kedea ngo abeehn wiih piny. Nyoge adiehj Juog ngo angey gene. Abea keehd maano e ge nhyaar giih anyoohne ukweer gene kaa adiehj beehn ke bang Juog.

Roama 8:7

Kaano e naa ka beehn ngaa wiihe acube rog giih daahd kuohme udoohnge ne ngad mahn ke Juog bang gihn loohng gihr Juog be wuore kedea ngo be rome ke koaro.

Galaadya 4:16

Caahn e a adoohng ne ngad mahnu tihn noon ni ke nying gihn roba athiir yihru ne?

Jeamij 4:4

Wu yaa nhyaar giih wiih piny wu uroomo ke yaa nhyaar budo ke maahn nyoge abea yihr gen ne maahn, bang gihn nhyaar giih wiih piny beehda mahn ke Juog.

1 Joon 4:5

Yaa ucahb ge padh yaa Juog. Noono e ge rubo kaa nying giih wiih piny ge be nhyaar Juoge. E naa gihn beehn yaa wiih piny ge kwihy Juog unhyaar gene lihng giih puohny yaa ucahbe kedea uyiih gene gen.