Joon 6:7 - Luwo

⁷ Maa abeehr Pihlihbe ngo yihre kobe, “Beere e dhaano acielo uyihdo ke nye goan amono e ngo daahd kar ngiihny tiihj cahng acielo me cub yihr nyoge jiehabiihje ariow ge ne rom ngeew amune.”

Joon 6:7 Iomraidhean Croise

Matheewo 18:28

“Abea ge a'aaye uwahdhe yi yooh, e ake roohmo ke ngaa moogo me ge tiihyo ke ka maa acielo keehde, maa anaa akaab ngiihny me noog mee naa amihdho bange. Naa aniid nyine ngaa anaa akaab ngiihny me noog mee naa amihdho, e anaa meen meen te ngud ngo e daahd ngud ngo ke deeyo kejea dhiile amihdho ke coalo kaa awaahn kan.

Maarko 6:37

Maa abeehr Jeacuue ngo yihr gen kea, “Maa cubu gihn me cam yihr gen.” Maa abeehr gene ngo kejea, “Amahr ngiihny ge uyoad wane kee me rom ngeew cam me yaahng amahr jo ni?”

Joon 1:43

Ruuwow keehdo e Jeacuu wiihe apare ne ci yi piny Gaalili. Maa ayoade Pihlihb kedea urube yihr ngo kea, “Mahd rih batiena.”

Joon 1:44

Pihlihb anahg ngad geen Bedhceada ka beed Andrya kedea Piihtere.

Joon 1:45

Naa ayoad Pihlihbe Nathaneel, e kobe yihr ngo kea, “Ngaan akwany Juoge ne Ngad Boadh nyoge naa agweehd Moaje ke nyinge yi kitaab Juog kedea ge agweehd agamloohngjuoge ke nyinge ngo beehda Jeacuu waahd Jocebe e ngad geen Naajaread.”

Joon 1:46

Maa apeehy Nathaneele, “Ne gihn me kony nyoge, me beehn oogo ke yoohn Naajaread ne?” Kob Pihlihbe, “Beehn uniidi ngo.”

Joon 1:48

Maa apeehy Nathaneele kea, “Angeyi ke ne diih kejea a kwaad ngaa me wa gihn nu?” Maa abeehr Jeacuue ngo yihre kobe, “Yih aniida e yih apiih yi tubo thar dhuuro maano e Pihlihb yih poohd keá naa acuohno.”

Joon 12:5

“Gihn ge bahnge mown ni be ne ngeew oogo beere amahr ngiihny me thoohdh ge yoad ge ke paahngo yihr nyoge maa angoohng? Ngiihny ne yoad ge ne nahg kar koog gihr dhaano yi wong acielo.”