Joon 4:11 - Luwo

¹¹ Kob dhaare, “Ruohdh! Wa gihn me tuomi piih keehde tooro kedea yi abuulo thuudh! Kee noono e nuu uyoadi piih cub kuowo? Anahg Jeakob kuow wan e naa awii abuun ni piny yihr wan. E ke ngude ke nyethene kedea dhahge maa diehge ge na mahdh kii yea.

Joon 4:11 Iomraidhean Croise

Joon 3:4

Maa apeehy Nikoadiihmuje kea, “Dhaano ucahg ke nyuolo ke ne diih? Kare tooro me cahge ke duog yea men beere dog kaa nyuolo!”

Joon 4:14

Abea ngaa maadh piih cuba, ngo be cahg riowe ke naah. Piih cuba ge udoohng wa aloohn piih yi kuohme. Aloohlo me muoj ngo ke piih cub kuowo kedea umuoje ngo tiehd keehd dhe yoohn kuowo me guge tooro.”

Joon 7:37

Yi cahng thum yaay kedea e naa cahng duohng yi yaay, cahng rub gene ke nying piih me beehn oogo kii Wod Juog ne boadh nyoge e Jeacuu ayedh maalo urube e duone atihnge maalo kobe, “Nea ngaa maa anahg riowe, e kea beehne banga umuoja ngo ke piih me maadhe.

Tiihy Jo Oohr 10:14

Maa abeehr Piihtere ngo kobe, “Kare tooro Juog Ruohdha! Kare tooro ucama caame me kweehr Judea! Wa a ngahyi! A kuu akuong cam keehd kwaad giih me koohb jo paar wane kejea ge reje, ge be cam.”

1 Korindh 2:14

Muuny me beehn ke yoohn bang Wahy Juog ngo be yoad ngaa me ree toor Wahy Juoge. Ngo be yoade bang gihn kwaad muuny gihn nu ngo be yiihe naa athiir kedea ngo niide e gihn me gihr nyinge tooro. Dhaano kwaad muuny gihn nu be rome ke ngeyo nea ngo be kony Wahy Juoge konyo.

Giih Anyoadh Juoge 21:6

Maa arube yihra kea, “Ngo athum ke tiihyo. A naa ngad awiidh kedea a naa ngad dhecaahn, nyepinye cang ge thub wiiha kedea ge thum wiiha. Ngaa anahg riowe e piih me cub wahy ge cuba cubo yihre now e akweehne tooro.

Giih Anyoadh Juoge 22:1

Batiene, e naam me piihe kwel ne wij wij anyoadh wuohnjuoge nyoadho yihra e ngo tuohl oogo kaa yoohn kur koom ruohdh Juog maa Roomo. Ngo beehda naam kuowo.

Giih Anyoadh Juoge 22:17

Noono, maa acuohn nyaakon nyaahn gihr roomo an ge ke Wahy Juog kob gene, “Beehn!” Ngaa lihng ciig ni thiow keá rube kejea, “Beehn.” Kwaad ngaa anahg riowe, beehne. E ngaa daahd maadh kea mahdhe ke piih kuowo e gihn me cub piny ke nyinge tooro.

Giih Anyoadh Juoge 7:17

Bang gihn Roomo gihn buud koom ruohdh e ne kwaag gen kedea e ne kedh gen kar wahy beere kihd piih wong ge wuuny Juoge ke oogo yi nying gen.”