Joon 21:5 - Luwo

⁵ Maa arube yihr gen kea, “Goma maa anhyaara! Ne rej maa amagu ne?” Maa abeehr gene ngo kob gene, “Kihd wong acielo maa amag wane tooro.”

Joon 21:5 Iomraidhean Croise

Matheewo 14:15

Ge abeehdo kaano uwahdhe thiehno. Abea naa acej cahng kwaar piny, e jo waahdh ge acaa bang Jeacuu ukoohb gene kejea, “Ngaa duohng, wo ne dom kedea cahng noono kwaar piny, abea nea kare nud, e kea oohr nyoge yihdh miehr ne ngiew ke caame me cam gene.”

Maarko 8:7

Thiow yihr gen anaa nye rej me noog. Maa acahg Jeacuue gen ke kaabo kedea udooje gen maa ucube gen ne paahngo yihr nyoge.

Pihlihbi 4:19

Juog gihn ni wuora ni ge yihre ne kwaad gihr ukuom cang deeh muunye ge duohng ucube yihru utoor gihn me daage bang wu anweehd ke Jeacuu Kriihjto.

Judea 13:5

Dhaano cwihnye keá loge ne nhyaar ngiihny, abea muohje koohr Juog ke nying gihn ne yihre, wa kaa ateed Juog ngo kea, “A buu uaay uwiia wun yi ngoohngo ne bango yihr jo mahnu.”

1 Joon 2:13

Wu jo ayiih lum Juog coon, loohnge giih ge agweeda yihru bang gihn wu adoohng ne nyoge me ngahy Jeacuue. Jeacuu ge abeehdo e nud ke coon umodho e piny poohd kuu acag. Wu yaa nyaahn ge ayiih lum Juog, loohnge giih ni ge agweeda yihru bang gihn atiihb ukeehg ngo ataaju. Wu nyethena loohnge giih ni ge gweeda ke yihru bang gihn wu adoohng ne nyoge me Juog Wuur ngahyu.

1 Joon 2:18

Nyethena, aroba yihru kejea rahny piny adoohng cahng. Ngahyu kejea anaa arob wane yihru kejea ngad mahn Jeacuu ngo ubeehn nea rahny piny adoohng cahng. Wa kaa arob wane ngo yihru, ngo aniidu ke nyingu awaahn ni, kejea jo mahn giih Jeacuu me thoohdh ge atuohl. Gihn nu e ne nyoadh ngo yihru kejea cahng rahny piny ngo adoohng cahng.