Joon 18:4 - Luwo

⁴ Ngo beehd e angahy Jeacuue e gihn ubeehn ne yug ree. Noono maa acuunge nyum gen ce peehye kea, “Wu daahd ngaa?”

Joon 18:4 Iomraidhean Croise

Matheewo 16:21

Ke wong cahng nu e Jeacuu ake thubo ke rob yihr jo waahdhe kea, “A dhiil ci Jeruucalem, abea acaa ne pahdh yi bahng me duohng me wahya ge dhiile kaa kano, bang gihn jo doong paajo kedea jo doong yaa lam maa yaa loohng Juog ge nii koar an piny. A unahg gene abea a ucahr batien nihn adahg.”

Matheewo 26:2

“Ngahyu kejea adoohnge nihn ariow cog ubeehn Yaan Amono. Abea yi yaay gihn nu e nuu uluom an, a ge adoohng ne dhaano utaahngo, kedea ugur gene an rih yaadh maa ariihw.”

Matheewo 26:21

Nye kaa acahm gene cahmo, e Jeacuu ake rubo kea, “A rob gihn maa adiehr yihru! Dhaano acielo kiinu daahd uluome an.”

Matheewo 26:31

Kaano e Jeacuu arubo yihr gen kea, “Wu noono cang, wu ugoohd oogo riha uwiiu an piny wa kaa agweede yi kitaab Juog ke nyinga naa, ‘Ngad kwaah unahga, ubeehn diehge ulog gene keedho.’

Luka 24:44

Jeacuu arobo yihr gen kobe, “Giih ni rog gen ayug gene wa kwaad kaa anaa aroba yihru umodho ge apoohde e a ubeehdo tiehd keehd wun. Kwaad giih anaa agweed yi kitaab loohng gihr Moaje ni kedea muu anaa agweed yaa agamloohngjuoge ni maa muu ne yihdh kitaabe giih Wahy Apoong Juog. Kwaad giih nu cang ge anaa anahg giih me ne dhiil rog gen ke tiihyo wa kaano anaa agweed gen piny unahg gene athere ne cohg.”

Joon 13:1

Ke wong thiehno, ge ruuwow e naa cahng Yaan Amono, e ngo angahy Jeacuue kejea cahng aaye oogo wiih piny ne dog bang wahn ngo awahnho. Nhyaahro gihre anyoadhe yihr jo waahdhe ke yoohn thone ge ugure ngahy yaadh maa ariihw.

Joon 13:11

Ngo beehde e ngo ngahy Jeacuue e ngaan uluom en. E naa lum yea gihn akoohbe kea, “Dhaano acielo kiinu e ne ree ne nyooro.”

Joon 18:5

Maa abeehr gene ngo kob gene, “Jeacuu ngad Naajaread.” Maa arube yihr gen kea, “A naa Jeacuu.” Juudo ngaa aluohmo ake cuungo tiehd keehd gen.

Joon 18:7

Maa apeehy Jeacuue keehdo kea, “Ngaa e ne daahdu?” Maa akoohb gene kejea, “Wa daahd Jeacuu ngad Naajaread.”

Joon 19:28

Batiene e ngo abeehn Jeacuue ne ngeyo kejea giih anaa arob ke nyinge ge atiihy rog gen cang beere giih agweed yi kitaab Juog ge pahdh kar gen ne rihb e ngo arubo kea, “A anahg riowe.”

Joon 6:64

Abea keehd maano, e nyoge mooge kiinu ge poohd be yiih.” (Beehd e ngo ngahy Jeacuue ke coon e yaa ukweer ke yiih lume kedea ngaa uluom ngo.)

Tiihy Jo Oohr 2:28

Adiehr muon, Juog gaahn Jeacuue gaahno kejea ngo umeehg Juog cahro keehdo kedea ukedhe ngo Paare ka ubeehd Jeacuue ke mihn cwihny me duohng.’ Ge naa giih arob Jeacuue ge agweed Deabide yi Wahy Apoong Juog.

1 Piihter 4:1

Wa kaa ayoad Jeacuue raahm rog, e wu thiow gwiiru rogu uparu giih raahm rog wa mar Ngad Boadh nyoge. Bang gihn ngahyu ngo kejea raahm kuohm e ne kahl dhaano oogo yi cing adhemuohm.