Joon 15:8 - Luwo

⁸ Kea beehnu udoohngu ne nyoge me beeye wa mar yaadh me nyuol kedea unyoadu ngo ke dhe yoohn nu kejea wu jo'a. Gihn nu thiow beehda nyuudho e naa anyoadhu beey Juog.

Joon 15:8 Iomraidhean Croise

Matheewo 5:16

Wa gihn nu thiow, wu ge meeny piny, beehn nyoge niid gene giihu ge beey ge atiihyu ni, noono ubeehn gene uwuor gene Juog ge Maalo.”

Matheewo 5:44

“Abea awaahn ni roba robo yihru kejea nhyaaru jo mahnu kedea kwayu Juog thiow ke nying yaa bang wun beere Juog cwihnye duue ke caahn rog gen.

Matheewo 9:8

Naa aniid nyoge gihn ayug ree, e ge ake gaahy maa apiih gene ne puoj Juog ngaa cub kwaad tee me wa gihn nu yihr dhaano utaahngo.

Luka 6:35

Beehda gihn maa ne cohg, nhyaaru jo mahnu. E thiow tiihyu yihr gen keehd kwaad gihn me beer. Cubu amihdho yihr dhaano abea ngo keá gaahnu kejea ngo uduu yihru keehdo. Kwaad akoohg me duohng mee uyoadu kaa dhe yoohn nu. Keehd dhe yooh ni thiow e naa ka uyugu rogu udoohngu ne nyoge maa nyethen Juog Aciehg. Bang gihn Juog beer thiow keehd kwaad yaa cwihny gen tooro ni, ge beehda kwaad nyoge me reje ni.

Joon 13:35

Nea nhyaahro nud kiin nu, e nyoge cang ngo dhiil gene kaa ngeyo kejea wu beehda jo batiena.”

Joon 15:5

“A ne room ke yaadh kedea wu neehn baahde. Ngaa beehdo naa anweehd tiehd ke an kedea ubeehda naa anweehd tiehd keehde, e naa ngaa me beer wa mar yaadh me nyuol. Ngaa padh anweehd tiehd ke an gihn me rome ke yoado tooro.

Joon 8:31

Kob Jeacuue yihr yaa ayiih lume kea, “Nea wu bar maalo ke tiihj keehd luube giih nu apuohnya yihru nu, e wu beehda jo batiena me ne cohg.

1 Korindh 10:31

Gihn nu rom beehro wa gihn: nea dhaano ucahmo, wale umahdho, wale tiihy kwaad gihn moogo now, kea tiihye ngo yihr Juog ne moar wiih Juog.

1 Korindh 6:20

bang gihn akweehn acube piny ke nying gen. Kea noono nahg koohmu dhe yoohn ka moaru wiih Juog kii ngo.

Pihlihbi 1:11

Awuohj utooro rogu bang gihn wu ayug Jeacuu Kriihjte, naa abiohgrwaale beere e nying Juog ke leeyo kedea upoonge.

Tiihtuj 2:10

Ge keá kwahdo, abea nyoadh gene rog gen ne nyoge me beer maa ayiih lum Juog. Tiihy baahnge ke gihn me beer cog beere lum Juog wiih ngo moar gene moaro ke nying tiihy gen noono beer nu.

Tiihtuj 2:5

Puohny gene maahn thene unahg gene maahn me rog gen koar gene koaro, kedea me nying gen be ne kal kal kedea miehy gen mag gene maa. Nahg gene nyoge me nhyaar tiihy gihn me beer kedea uwuor gene cuow gen. Neehn maano, e ngaa muu udhahl puohny gihro, wo yaa ayiih lum Juog, ngo utooro.

1 Piihter 2:12

Beehdu beer mee kiin yaa kuu ayiiho keehd maano koohb gene kejea wu tiihy giih me reje, bang gihn cahng ungey gene gihn beer ge atiihyu, e Juog uleej gene cahng beehn Jeacuue ne liew won.

1 Piihter 4:11

Ngaa puohnyo e giih robe nahg gene luub Juog kedea ngaa tiihyo dhiile tiihy ke tee acub Juoge yihre. Noono gihn nu e Juog ke leeyo yi kwaad nyepinye cang, ke nying Jeacuu Kriihjto ge e ne wuor kedea e ne yihre ne tee me guge tooro. E noono.