Joon 15:4 - Luwo

⁴ Madu rogu banga beere riha mada ke bangu. Bad yaadh keede be rom nyuol ke nyethen nea ngo tooro rih yaadh. Keehd wun thiow gihn me romu ke tiihy wu keedu tooro nea wu be mahd banga unahgo anweehd.

Joon 15:4 Iomraidhean Croise

Matheewo 12:33

“E naa gihn dhiilu kwaad giih tiihya ke niido ne ngej ngo kejea a beehda ngaa. Bang gihn keehd yaadh e yaadh me beer kedea me raaj ngej kaa nyethiine.

Luka 8:15

Abea koohdhe muu apahdh kar piny me beer ge wa lum Juog yihr nyoge me lihng ngo uyiih gene ngo ke cwihny gen beehde beer mee, udeehj gene cwihny gen yi ngo, uwahdhe ka beehn lum Juoge utiihye yi cwihny gen keehd giih me beey.

Joon 14:20

Cahng ucahra, e naa ka ungahyu ngo kejea a beehda anweehd keehd Wura kedea wu anweehd keehd an kedea a beehda anweehd ke wun.

Joon 17:23

Bang udoohngo naa acielo tiehd keehd gen lum yea beehda: a atiihyo yi koohm gen kedea yih utiihyo yi kuohma beere ge umahdo ne cohg naa acielo. Ke nying beere yaa wiih piny ngo ngey gene ngeyo kejea beehda yih naa aoohr an kedea ge anhyaari wa kwaad maa anhyaari an ni.

Joon 6:56

Kwaad ngaa cam kuohma kedea umaadhe rema, e ngaan nu a anweehd keehde.

Joon 8:31

Kob Jeacuue yihr yaa ayiih lume kea, “Nea wu bar maalo ke tiihj keehd luube giih nu apuohnya yihru nu, e wu beehda jo batiena me ne cohg.

Tiihy Jo Oohr 11:23

Naa awahnh Barnabe Antiog e cwihnye ake mihno bang naa aniide kaa abeehn yaa ayiiho umag gene lum Juog teeg kii ngo. Noono urob Barnabe giih tee aduulo yihr gen ne mag lum Juog ke cwihny gen acielo.

Tiihy Jo Oohr 14:22

Noono e ge acaahdho e ge urubo yihr yaa ayiiho kejea mag gene lum Juog ke cwihny gen me teeg mee bang gihn ngaa ayiih lum Juog giih ajohr me teeg ge dhiile kaa guumo beere Dhaahr Juog yoade yoado.

2 Korindh 13:5

Wu do, tumu rogu ne caadh yaa aduunu ne ngey ngo nea Jeacuu ayiihu ne cohg wale kuu ayiihu. Niidu niido kejea Jeacuu ne rogu ne? Nea kuu aniidu kejea Jeacuu ne rogu, e utum gihru naa acaadhu yihdhu kuu acidh kare.

Galaadya 2:20

Wahy giih ne riha padh giiha, abea ge beehda giih Jeacuu, bang gihn a kuow awaahn ni kaa nying gihn ayiiha Waahd Juog ngaa anhyaar an keraahyo adhaahr uthowe ke nyinga.

Epicoj 3:17

Juog akwaya thiow umeehge Ngad Boadh nyoge beehdo yaa aduunu ke dhe yoohn ayiihu kedea a ukwahyo beere nhyaahro bieye nieng piny.

Pihlihbi 1:11

Awuohj utooro rogu bang gihn wu ayug Jeacuu Kriihjte, naa abiohgrwaale beere e nying Juog ke leeyo kedea upoonge.

Kloajya 1:23

Baru maalo ke yiih Ciig Beer beere wu be pahdh yaa adhemuohm kedea rogu keá yugu ne lwag lwagi uwiiu yiih Ciig Beer. Thiow baru maalo ke gaahn gihn anaa arob yihru ge anaa apuohny Ciig Beer yihru. Ciig Beer gihn ni e naa apuohny ke bang wiih piny cang kedea Ciig Beer e naa tiihya a Poal.

Kloajya 1:27

Ngo arob Juoge yihr yaa padh yaa Judea kejea nyoge cang ge udooje keraahyo kedea ge unahg anweehd keehd Ngad Boadh nyoge beere ge caa Paar Juog ge amiihr.

Kloajya 2:6

Me neehn maano ayiihu Jeacuu Kriihjto ne ruohdhu, kea noono kaahnu rogu wa mar nyoge maa anweehd keehde.

1 Thecaaloanika 3:5

Kuu aniido e gihn aoohra Timodhy ke nyinge? Kar guum atooro yihra. Noono ngo aoohra ne maany kaa abaru maalo ke yiiho gihru kii ngo. Be kaahnge e atiihb ukeehg wu aleele oogo yaage! Kedea gihr nying puohny gihr wan unahg gihn!

Judea 10:39

Abea wa wo abar maalo e wo be dhaahr ke yiih lum Juog! Nea neehn maano, ke nying yiiho gihro, e Paar Juog uyoado.

1 Joon 2:6

kwaad ngaan koohbo kejea e anweehd tiehd ke Juog kea dhiile beehdo ke dhe yoohn kaa abeehd Jeacuue kii ngo.

2 Joon 1:9

Aroba yihru kejea ngad mad giih mooge yihdh giih apuohny Ngad Boadh nyoge ge ayiihe kedea be bar maalo ke yiih puohny Ngad Boadh nyoge padh ngaa maa anweehd keehd Juog. Abea ngaa bar maalo ke yiih puohny Jeacuu, ngo beehda anweehd keehd Juog Wuur kedea Jeacuu Waahde.