Joon 13:2 - Luwo

^2-3 Kaano anaa apiih Jeacuue maa jo waahdhe ne cam ke thiehno e atiihb ukeehg lubo arobe coon yihr Juudo Yijkaariod waahd Cimoane kejea dewaahy nu e nu uluome Jeacuu. Ngo beehde e ngo ngahy Jeacuue kejea tee acub Juoge yihre ne yug kwaad giih nyepinye cang kedea ngo ngahye kejea e abeehno ke yoohn bang Juog kedea udo bang Juog.

Joon 13:2 Iomraidhean Croise

Matheewo 10:4

Cimoan kedea Juudo Yijkaariod, ge anaa abeehn ne luom Jeacuu.

Luka 22:3

Muudhe e kaano thiow, ruohdh atiihb ukeehge abeehn rih Juudo Yijkaariod ukedhe gihn me raaj yi cwihnye. Juudo anahg dhaano acielo kiin jo oohr giih Jeacuu ge apaar wonge ariow ni.

Luka 22:31

“Cimoan! Atiihb ukeehg wu anaa adaahde beere wu nea kuoro wa gihr ngaa me kuor beel?

Joon 13:11

Ngo beehde e ngo ngahy Jeacuue e ngaan uluom en. E naa lum yea gihn akoohbe kea, “Dhaano acielo kiinu e ne ree ne nyooro.”

Joon 13:4

Noono e Jeacuu a'aj maalo kedea uthube ke kahl waahny athoohr gihn anaa ree oogo kedea uriiwe waaro moogo yi badhe.

Tiihy Jo Oohr 5:3

Naa alihng Piihtere rob Anaanya e ake rubo yihre kobe, “Anaanya! Yih ngad toohd! Gihn e meehgi rihi dwaahngo yihr atiihb ukeehg adhaahr urobi toohd nyum Wahy Juog? Nea yihn kii kwihj Wahy Juoge e goan ngiihny ge akani!

2 Korindh 8:16

Juog koohre amuohj wane naa ameehge Tiihtuj kony wun neehn kaa anhyaar wane kony wun.

Epicoj 2:3

Wo cang, wo anaa ke roomo ke yaa nu dhahl Juog ge na beehdo ke dhe yoohn giih adhemuohm ge yuohd cwihnyo rog gen. Noono upiiho ne log cwihnyo ne tiihy giih daahd guohbo maa giih mooge me paro ke cwihnyo. Caahn e ke nying cahd dhaano utaahngo ge yuohd yi tiihy giih me reje, e kare anudo urahny cwihny Juoge rogo wa kaa arahny cwihnye rog nyoge mooge.

Giih Anyoadh Juoge 17:17

Beehda kare kejea wudh ge alog Juoge beere gihn daahd Juog en ne tiihy gene. Ngo ayug Juoge wa maano kejea par gene gihr nyepiny acielo naa acub gene tee gihr gen yi cing laahn ngeeny beere lum Juog naa arobe pahdh kare.