Joon 10:11 - Luwo

¹¹ “A naa ngad kwaah me ne cohg ge gwaay ree yi thoo ke nying diehg.

Joon 10:11 Iomraidhean Croise

Matheewo 20:28

Unaa wa gihn nu keehd wun wa kwaad mara, a ge adoohng ne dhaano utaahngo, ge abeehn upiny kan ne tiihj yihr nyoge ne baahng. A kuu abeehno beere giih nyepinye ge ke tiihyo yihra e a apiih kar bahba, a abeehno beere wahya dhiila kaa cub oogo ne boadh nyoge me thoohdh.”

Joon 10:2

Ngaan mon yi roog ke dhe wod ni e naa ngad kwaah me ne cohg.

Joon 15:13

Kwaad nhyaaro gihn nu room kaa nhyaaro gihr ngaa maa acub wahye yi thoo ke nying gome.

Epicoj 5:2

Kedea cubu cwihnyu yi nhyaahro wa kaa anhyaar Jeacuue won, uwiie ree yi thoo ke nyingo. Wahye acube yi thoo ne gihr remo yihr Juog ke dhe yooh me nhyaar Juoge. Juog gihn atiihy Jeacuue ngo anhyaare.

Tiihtuj 2:14

Jeacuu athow ke nyingo ne lwahg won oogo yi cing gihn me raaj kedea ne wuuny awuohje giiho oogo. Noono e naa kaa adoohngo ne nyoge maa joe me nhyaar yug giih me beeye.

Judea 13:20

Jeacuu Kriihjto e naa ngaa ngahy wahyo ke koalo kedea e ne koar won oogo yi gihn me raaj. Ngo ameehg Juoge cahro naa acube ree ne gihr kweehr me nweehd won ke Juog ne naang ke dhe yoohn reme naa awoj piny. Kwayu Juog ngaan doohr nyoge uyabe yooh me beer yihru beere gihn daahde tiihyu tiihyo wa kare. Juog daahd won ke boadho uwaahdho ne jo yiiho. Jeacuu ke ngude e naa ngaan acub Juog ne boadh won. Wa maano e ngo uke wuoro ke wong ke wong. E noono.

1 Piihter 5:4

Kaahnu gen beer mee beere muuny me guge tooro yoadu yoado bang Jeacuu ngad kwaag wun.

1 Joon 3:16

Jeacuu Kriihjto ree agwaaye yi thoo ke nyingo, ne nyoadh ngo yihro ne cohg ka dhiilo nyoge ke nhyaaro. Nea wa gihn nu e wo keá kweer ke gwaay rogo thiow ke nying joe ge yaa akuud.

Giih Anyoadh Juoge 7:17

Bang gihn Roomo gihn buud koom ruohdh e ne kwaag gen kedea e ne kedh gen kar wahy beere kihd piih wong ge wuuny Juoge ke oogo yi nying gen.”