Joon 1:4 - Luwo

⁴ Ngaan nud ke rode e ne cub kuowo yihro. Kuowo gihn nu ke rode e ne meehg won ngahy Juog.

Joon 1:4 Iomraidhean Croise

Matheewo 4:16

Noono e yaa padh Judea gihn maa adiehr ke nying Juog ulihng gene thiow kedea udoohng gene ne nyoge maa ayiih lum Juog. Ge udoohng wa nyoge maa anaa yi muudho ke nying lwahy thoo. Naa ameeny gen e ge ake niido.”

Luka 2:32

Nyethiin gihn e nuu ubeehn ne meeny piny yihr thaay aduuno udoohng wudh yaa Yijaraele mor keehde uyahb wong lwaage ne dug.”

Joon 11:25

Maa abeehr Jeacuue ngo yihre kea, “A naa ngaa meehg nyoge cahro kedea an ne cub kuowo yihr gen. Ngaa yiih luma e ngo udoohng ne ngaa me kuow keehd maa athowe

Joon 12:35

Noono e ngo arob Jeacuue yihr gen kea, “Daahr meeny piny ngo poohd ubeehdo ke wun ka me thiin mee. Baru maalo ke waahdhu ka poohde daahr nud ke wun beere muudho wu be moale piny. Bang gihn ngaa caahdh kii yi muudho ka cea yea ngo kwihye.

Joon 12:46

A beehda daahr gihn abeehn ne meeny wiih piny kedea kwaad ngaa ayiih luma be cahg beehdo yi muudho keehdo.

Joon 14:6

Maa abeehr Jeacuue ngo kea, “A naa yooh a naa gihn maa athiir maa a naa kuowo. Ngaa me rom wahdh bang Wura tooro nea ngo be kahnh kaa banga.

Joon 3:19

Wa kaano e naa ka kihm Juoge nyoge kii ngo, ne ngey yaa rog gen naa awuohj kedea yaa rog gen tooro awuohj. Daahr ge beehda adiehj Juog yoad ke bang Juog kedea ngo abeehn wiih piny. Nyoge adiehj Juog ngo angey gene. Abea keehd maano e ge nhyaar giih anyoohne ukweer gene kaa adiehj beehn ke bang Juog.

Joon 5:21

Wa kwaad ka beehn Wure utahnge yaa athow kedea ucube kuowo me ne cohg yihr gen, ke dhe yoohn nu thiow e Waahd, kuowo me ne cohg ucube yihr ngaa me daahde.

Joon 5:26

Me neehn ka nahge Juog e ne cub kuowo me ne cohg yihr nyoge, ke dhe yoohn nu thiow e Juog Waahde ameehge cub kuowo me ne cohg yihr nyoge,

Joon 8:12

Maa adog Jeacuue rob yihr Paarijea kea, “A naa ngaa meehg nyoge ngahy Juog wa gihr maaj ge meeny yi muudho ungahy dhaane ka cea yea. Ngaa buodh batiena yihre unaa kuowo kedea kaa cea yea ngo ungahye.”

Joon 9:5

A naa daahr gihn meeny piny cang yihr nyoge ka poohde e a nud wiih piny kan.”

Tiihy Jo Oohr 26:23

Anaa ateed gene kejea Jeacuu Ngad Boadh nyoge guohbe urahmo maa ngo uthow kedea unahge e nuu ukuong cahro umodho ne nyoadh dhe yoohn uboadh nyoge wahy gen kii ngo.”

1 Korindh 15:45

Wa kaa agweede yi kitaab Juog naa, “Ngad umodho e nyinge Adam ngo anaa acag ukoadh wahy yi yea,” abea Kriihjto ge cuohn ne Adam gihr dhecaahn, unahg e naa Wahy ke ngude ge ukoadh wahy yihdh nyoge.

Epicoj 5:14

Bang gihn, gihn nii daahr ngo uneehno ne dahr. Ke nying gihn nu e ngo arob naa, “Yih ngaa aneno ni, tahngi uduu wahyi rihi keehdo kedea Kriihjto daahre yih umeenye.”

Kloajya 3:4

Cahng uduu Ngad Boadh nyoge ge anweehd ke wun, e wiihe amoar ne ruohdh e wu unaa yi ruohdhe.

1 Joon 1:1

A gweehdo yihru kaa nying ngaa beehda Ciig Juog naa acub Juoge yihr nyoge. Ngaan nu e ne cub kuowo me ne cohg yihr nyoge. Ngo ngaa maa anudo umodho e piny poohd kuu acag. Abea wa jo aoohr ngo aniid wane uboar wane ngo. Duone alihng wane e ngo urubo kedea giihe anaa atiihye ge aniid wane uboar wane en. Ngo amaahdh wane ke cing wan.

1 Joon 1:2

Ngaa cub kuowo me ne cohg ameehg Juoge doohng ne dhaano beere ngo niid nyoge niido. E naa kaa aniid wane ngo noono. Gihn teed wane yihru beehda gihn maa atiihy ree kedea uniid wane ngo. E naa gihn koohb wane yihru kejea ngaa cub kuowo me ne cohg ngo anudo tiehd coon ke Juog Wuur. Abea ngo abeehn Juoge ne nyoadho yihr wan.

1 Joon 5:11

Cwihnyo be diiw ke nying gihn maa arob Juoge bang gihn kuowo me ne cohg acube yihro. Kuowo me yoad ke bang Waahd Juog.

Giih Anyoadh Juoge 22:1

Batiene, e naam me piihe kwel ne wij wij anyoadh wuohnjuoge nyoadho yihra e ngo tuohl oogo kaa yoohn kur koom ruohdh Juog maa Roomo. Ngo beehda naam kuowo.

Giih Anyoadh Juoge 22:16

“An, a Jeacuu a naa aoohr wuohnjuog gihra ne nyoadh giih ni yihru ne baar gen yihr akuud yaa yiiho. A beehda ngaa me tiena aay ke bang Deabid kedea an naa ciehj ruu piny e meeny piny.”