Joon 1:1 - Luwo

¹ Coon umodho e piny poohd kuu acag, Lubo abeehde e nud e ngaa moogo ke rode: Lubo anaa bang Juog kedea ngo Juog.

Joon 1:1 Iomraidhean Croise

Matheewo 1:23

“Nyaakow maa tongo unyuol ucag nying nyethiin ne Emanwel.” (Lum yea teed ngo kejea Juog ubeehdo ke won).

Luka 24:53

ubeehd gene e ge kwaay ci yi Wod Juog ne wuor Juog.

Joon 1:14

Lubo adoohng ne dhaano kedea ngo abeehdo tiehd ke won. Amahr muuny Juog kedea adiehj yoad bang Juog ge giih me ne yihre. Kaa amoar Juoge wiihe ne ngaa me duohng ngo aniido. Moar wihj gihn acub Wahne yihr Waahd Acielo.

Joon 1:18

Bekihd ngaa maa akuong wonge ke keehl rih Juog. Ngaa ameehg ngo ngeyo beehda Waahde ge Aciel cog e beehda Juog kedea ge beehdo ke Wahn.

Joon 1:2

Lubo anaa bang Juog kuu umodho coon e piny poohd kuu acag.

Joon 16:28

A aay ke bang Wura kedea ubeehna wiih piny kan. Kedea awaahn a uaay wiih piny kedea udoga bang Wura.”

Joon 17:5

Abea awaahn ni, yih Abaa nyoadh kaa amoari wiiha me neehn ka cuunga nyumi kan. Moar wiiha ke moar wihj gihn anaa yihro maano e wiih piny poohd kuu anaa acag.

Joon 20:28

Maa abeehr Thoamaje ngo yihre kea, “Yih naa ruohdha kedea yih naa Juog wuora.”

Joon 8:58

Kob Jeacuue yihr gen, “Beehda gihn maa adiehr e ne roba yihru. Ge apoohd Abraahme kuu anyuol e a anudo ke Juog neehn Juog.”

Roama 9:5

Ge nyoge me tien gen aay ke bang kuow yaa Yijarael ge anaa umodho. Kedea Ngad Boadh nyoge, me neehn kaano nahge dhaano utaahngo, tiene aay ke bang gen. Beehn nyoge leey gene Juog, ge e naa ruohdh nyepinye cang, ke wong ke wong. E noono.

Epicoj 3:9

Juog muuny acube yihra thiow ne nyoadh ka ubeehne umeehge gihn kuu anaa anyoadhe pahdh kare. Juog ge acag giih nyepinye cang, naa athube ke coon, e gihre naa agweehge ke tiihyo keá nyoadho yihr nyoge. Keá nyoadho, beere awaahn ni, e akuud yaa yiiho, jaah kedea ruohdhe yi dhaahr maalo meehge ke ngahy ka nahg Juoge ngaa me ngahy luube ke dhog yiehdhe beehd.

Pihlihbi 2:6

Jeacuu e yihre ne cahdo gihr Juog ni, naa adoohng ne dhaano, e ngo kea tero kejea wiihe rome romo ke Juog.

Kloajya 1:15

Kriihjto e naa cahd Wahn yihro keehd me bahnge Juog be niido, e ngo romo kaa ngahyo ke yoohn Jeacuu. Kedea en e ne wiihe ne maalo kiin giih acag Juoge cang,

Kloajya 1:17

Ngo anudo umodho maan e giih nyepinye ge poohd kuu acag, kedea giih nyepiny ge acub Juoge yi cinge ne maa beere ge ucaahdh beer mee.

1 Timodhy 3:16

Beehda adiehr me cwihny be daag, e giih ngahyo ke nying Jeacuu Kriihjto kedea giih ne kiino ke en ge beey. Jeacuu Kriihjto abeehno ubeehde wa dhaano now. Wuohde giih Juog ge anaa buude kaa abeehde wiih piny. Abea naa anahge Waahd Juog e ngo atiihy athere ke dhe yoohn teeg Wahy Juog. Kedea naa athowe e acahr kedea utihng Juoge ngo maalo batien kaa athum tiihye. Ciig Beer gihre puohnyo puohnyo yihr nyoge cang ke bang wiih piny kedea ngo amag gene ke cwihny acielo.

Tiihtuj 2:13

E wo ugaahno kedea e wo koar Cahng Lug. Cahng uniid teeg Juog kedea ka uduu Jeacuu Kriihjto Ngad Boadh won.

Judea 13:8

Wudhu keá meehgu loo yihr kwaad yaa toohd me puohny luube me ne keede, me be roohm ke loohng Juog. Kwaad luub nu koany tooro rog gen bang gihn ge weng wudh nyoge oogo kejea cam ke wuoro. Yaa anaa alihng luub nu ge abeehn ne doohng yi tarwaa e adiehr maa ayoad gene tooro. Caahn e wu awaahn ni, weehgu lum Juog mon yaa aduunu umagu ngo teeg mee, bang gihn Jeacuu Kriihjto cog e naa Ngad Duohng yaa lam yihru ne naang. Noono e kare tooro uteede naa ne ngaa me rom beehno ke lubo me ne keede.

Judea 7:3

Abea keehd maano e Melkiijideg ngaa maa anahg ngad lam giih kweehr yi tien paar gen ngo atooro bang gihn tien paan cuohn ne paar Leabi ge naa yaa doohng ne yaa lam. Thiow cahng anyuole kedea run anahge Ngaa Duohng ge kwihj. Ke nying gihn nu e ne kobe kejea Melkiijideg adoohng wa abeehdo e ngo Ngaa Duohng wa mar Waahd Juog e beehda Ngaa Duohng ne naang.

2 Piihter 1:1

A Cimoan ge nying tuoda, Piihter a ge aoohr Jeacuu Kriihjte ne ngad tiihye kedea ne ngaa me oohre. A ne gweehd yihru wu yaa ayoad yiiho me wiihe ne maalo me neehn mar wan. Ngo ayoadu kaa dhe yoohn nahg Juoge, gihn wuoro, abiohgrwaal kedea unahg Ngad Boadh nyoge Jeacuu Kriihjto abiohgrwaal thiow.

1 Joon 5:20

Ngo ngahyo thiow kejea Waahd Juog abeehn wiih piny kan kedea umeehge won ngahy Juog Aciehg ge rob gihn maa adiehr. Wo beehda anweehd keehd Juog Aciehg ge rob gihn maa adiehr bang gihn wo beehda anweehd keehd Waahde Jeacuu Kriihjto. E noono, e naa Juog Aciehg, Juog moogo tooro, kedea e ne cub kuowo me ne cohg.

1 Joon 5:7

Nud ke nyepinye adahg me meehg won ngey gihn maa adiehr ke nying Jeacuu.

Giih Anyoadh Juoge 1:11

Duol gihn ngo arubo yihra kea, “Gweed kwaad giih niidi kan cang piny uoohri warga gihn agweedi ge yea yihr akuud yaa yiiho giih yihdh geedhe giih cuohn ne Epicoj, Cemiirna, Peargamum, Theatiira, Caardij, Pilaadealpya maa Loadiihcya.”

Giih Anyoadh Juoge 1:17

Naa aniida ngaan nu, e a adwiid lwahre upahdha piny ne riehb thaahdh tiene wa ngaa maa athow. Kaano e cing kwiihye acube wiiha urube kea, “Yih keá tudo, beehda an, an ngad awiidh kedea ngad dhecaahn.

Giih Anyoadh Juoge 1:2

Noono ubeehn Joone upiihe ne gweed gen piny. Luub anaa arob Juoge kedea muu arob Jeacuu Kriihjte ge agweede piny kedea giih aniide ge agweede thiow.

Giih Anyoadh Juoge 1:8

Juog ge teeg, e nud awaahn ni kedea ke coon maa unud ne naang arubo kea, “A naa ngad awiidh kedea ngad dhecaahn.”

Giih Anyoadh Juoge 19:13

Ngaan ni anaa angahbo ke waaro maa aruodh ke remo kedea nyinge Lum Juog.

Giih Anyoadh Juoge 2:8

“Yihr wuohnjuog gihr akuud yaa yiiho gihr geen Cemiirna gweed gihn: “Ngaa beehda ngad awiidh kedea beehda ngad dhecaahn ge athow ucahre ateede yihra kejea oohra dhog gihn yihru.

Giih Anyoadh Juoge 21:6

Maa arube yihra kea, “Ngo athum ke tiihyo. A naa ngad awiidh kedea a naa ngad dhecaahn, nyepinye cang ge thub wiiha kedea ge thum wiiha. Ngaa anahg riowe e piih me cub wahy ge cuba cubo yihre now e akweehne tooro.

Giih Anyoadh Juoge 22:13

A e rubo kan, a naa ngad awiidh kedea a naa ngad dhecaahn, nyepinye cang ge thub wiiha kedea ge thum wiiha.

Giih Anyoadh Juoge 3:14

“Yihr wuohnjuog gihr akuud yaa ayiiho gihr geen Loadiihcya gweed gihn. “Ngaan rob e noono yi gihn arob Juoge ne nyoadh ngo kejea gihn arob Juoge pahdh kare kedea e ne rob adiehj lum Juog wa kare, maa e naa athub giih acag Juoge ree, ateed ngaan nu yihra kejea oohra dhog gihn yihru.