Giih Anyoadh Juoge 5:9 - Luwo

⁹ Noono uthob gene wahr me nyaahn kob gene, “Yih naa abiohgrwaal me rom kaab warga ukahli duo oogo bang gihn yih anaa anahg kedea remi e naa aduog nyoge bang Juog. Dhog wuude kedea tien miehr maa nyoge cang ge aboadhi ke remi.

Giih Anyoadh Juoge 5:9 Iomraidhean Croise

Matheewo 20:28

Unaa wa gihn nu keehd wun wa kwaad mara, a ge adoohng ne dhaano utaahngo, ge abeehn upiny kan ne tiihj yihr nyoge ne baahng. A kuu abeehno beere giih nyepinye ge ke tiihyo yihra e a apiih kar bahba, a abeehno beere wahya dhiila kaa cub oogo ne boadh nyoge me thoohdh.”

Matheewo 26:28

bang gihn gihn ni beehda rema. Rem nweehd won ge awoj piny ke nying nyoge me thoohdh ke nying wii adhemuohme piny.

Tiihy Jo Oohr 20:28

Koaru rogu beer mee kedea maanyu yaa ayiiho giih acub Wahy Juoge yi cingu beer mee thiow. Nahgu yaa kwaag akuud yaa ayiiho. Ngahyu ngo kejea Jeacuu athow beere yaa ayiiho ge boadhe boadho.

1 Korindh 6:20

bang gihn akweehn acube piny ke nying gen. Kea noono nahg koohmu dhe yoohn ka moaru wiih Juog kii ngo.

1 Korindh 7:23

Juog wu angeewe ucube akweehn gihru piny, caahn e wu keá doohng ne baahng gihr dhaano utaahngo keehdo.

Epicoj 1:7

Rem Jeacuu adhemuohme giiho aluoge oogo uduoge won bang Juog. Diih muuny gihr boadh wahy

Epicoj 5:19

Ge mahd wudhu kea rubu e wu puoj Juog e wu wahr wahy apoong Juog ke gen yi kitaab Juog kedea wahy poong Juog mooge. Kiidu wahr giih nu kiido e aduunu athoohru ne puoj Juog ne cohg.

Kloajya 1:14

Beehda ke nying gihn atiihy Waahde e naa abeehn Juoge ulwahge won oogo yi cing atiihb ukeehg kedea uwiie adhemuohme giiho piny.

Kloajya 1:23

Baru maalo ke yiih Ciig Beer beere wu be pahdh yaa adhemuohm kedea rogu keá yugu ne lwag lwagi uwiiu yiih Ciig Beer. Thiow baru maalo ke gaahn gihn anaa arob yihru ge anaa apuohny Ciig Beer yihru. Ciig Beer gihn ni e naa apuohny ke bang wiih piny cang kedea Ciig Beer e naa tiihya a Poal.

Tiihtuj 2:14

Jeacuu athow ke nyingo ne lwahg won oogo yi cing gihn me raaj kedea ne wuuny awuohje giiho oogo. Noono e naa kaa adoohngo ne nyoge maa joe me nhyaar yug giih me beeye.

Judea 11:14

Yaa teed ngo kejea ge beehda aleye nyoadh ngo kejea ge gaahn piny mar gen me beed gene ne paar gen.

2 Piihter 2:1

Wa kaa anaa anud yaa agamloohngjuoge maa yaa ucahb kiin nyoge coon, ke dhe yoohn nu thiow yaa puohny lum Juog maa yaa ucahb ge unud kiinu. Ge upiih ne puohny giih toohd ke piny me raany lum Juog kedea ngo upiem gene kejea Jeacuu Ruohdh kuu athow kaa nying gen ne boadh wahy gen. Ke nying giih nu e naa gihn uguo gihn me raaje pahdh wudh gen urwaahny nying gene.

1 Joon 1:7

Abea nea wo beed yi daahr gihr beey Juog wa kaano nahg Juoge abiohgrwaal ke dhe yoohn beeye nu, e nyoadh ngo kejea wo anweehd ne cohg, kedea e rem Jeacuu Kriihjto Waahde naa awoj piny ke nyingo adhemuohme giiho ge luoge ke oogo udoohngo ne nyoge me beeye yihr Juog.

1 Joon 2:2

Jeacuu athow beere ukihm gihr Juog pahdh wiie ke nying adhemuohme giiho. Kaano e Juog adhemuohme ge uwiie piny; padh adhemuohme giiho cog abea keehd adhemuohme giih nyoge me beed kuohn mooge wiih piny beehd.

Giih Anyoadh Juoge 10:11

Batien gihn nu, e arob yihra naa, “Bar maalo ke tiihyi e nahgi ngad agamloohngjuog yihr nyoge me thoohdh ke bang thaahy cang kedea ke bang yaa yihr gen ne dhoy kedea ke bang ruohdhe.”

Giih Anyoadh Juoge 11:9

Yaa yihdh dhaahre giih upiny cang kedea amahr thaahy mooge kii thaay aduuno, ge ubeehn ne niid koohm yaa nu ariow piny yi laaro ke kar nihn adahg ke nuuj maa umahn gene kuohm gen ke koanyo.

Giih Anyoadh Juoge 13:7

Ngo awij ukage ke yaa ayiih lum Juog kedea utaaye gen. Tee acub yihre me tiihye ke kar wiihe rog tien miehr cang kedea thaahy kedea nyoge cang wa kaano nahg gene nyoge me dhog gen be room.

Giih Anyoadh Juoge 13:8

Ngo uwuor duud dhaano utaahnge cang, unahge ke yaa nying ge agweed yi kitaab kuowo gihr Roomo umodho coon e upiny poohd kuu acag ge ne buu uwuor ngo. Roomo ge reme awoj piny ke nying anyoohne giih nyoge.

Giih Anyoadh Juoge 14:6

Batiene e wuohnjuog moogo adoga kaa niida e upaahr ke yi yamo. Ngo akahl dhog yihr yaa upiny ne nyoadh Ciig Beer e guge tooro. Ngo abeehn ne rob dhog gihn ni yihr yaa beed upiny yihr thaahy nyoge cang wa kaano nahg gene nyoge me dhog gen be room.

Giih Anyoadh Juoge 15:3

Maa awahr gene wahy Moaje e ubaahng Juog kedea Wahy Roomo. Ge awahr gene kob gene, “Yih Juog Aciehg yih Ruohdh kedea tiihyi awuob ne cohg maa ngo gaahy nyoge! Yih abiohgrwaal me caahdh ke dhe yooh maa adiehr. Yih ruohdh me ruohdhi guge tooro.

Giih Anyoadh Juoge 17:15

Wuohnjuog abar maalo ke rob yihra kea, “Nahme giih aniidi e ajaba apiih buud gen beehda yaa upiny cang ke dhaahre giih gen maa dhoy gen.

Giih Anyoadh Juoge 4:11

“Juog ruohdh wan! Yih naa ngaa wiihe rom ke moaro kedea ke wuoro kedea yih ne yihri ne tee bang gihn yih naa acag nyepinye cang kedea yih naa adaahd ucag gen kedea unahg gene giih me nud.”

Giih Anyoadh Juoge 5:12

Noono maa awahr gene e doohn gen atihng gene maalo kob gene, “Roomo gihn anahg e naa ngaa rom ruohdh ke yoado kedea lonyo kedea ngahy luube kedea tee maa wuohro kedea moar wihj.”

Giih Anyoadh Juoge 5:6

Noono naa amaahnya e a niid Roomo maa adoohng wa ngo anahg. Roomo acuung yi diehr buud koom e ngo atieg giih kuowe angweene piny kedea utieg jo doonge ngo piny thiow. Yihre anaa tung abiihjberiow kedea nying abiihjberiow thiow. Nying giih nu ge naa Wahy Juog abiihjberiow naa aoohr ke bang upiny cang.