Giih Anyoadh Juoge 3:3 - Luwo

³ Awaahn ni paru wudhu ne cohg utiihyu kaa giih apuohny yihru kedea giih alihngu kedea nahg gene ne magu kedea rahny cwihnyu rog anyoohne giihu. Abea nea wu be tiihyo ke giih apuohny yihru e a ubeehn ne lwaahd rogu e kwihyu wa beehn ngad kahw kedea ngaa muu ungahy cahng ubeehna keewu tooro.

Giih Anyoadh Juoge 3:3 Iomraidhean Croise

Matheewo 25:13

“Nea maano e wu keá gwaahg bang gihn cahng ubeehn Dhaahr Juoge ngo kwihyu.

Maarko 13:33

Koaru rogu, wu keá neno bang gihn kwihyu cahng ngo ubeehn weehne.

Maarko 13:36

Wu dhiil koar beere nea ngo guo beehno e wu be yuude e wu aneno.

1 Timodhy 6:20

Yih Timodhy, cub wiihi piny ne cohg ne mag giih acub Juoge yi cingi. Yi keá, piih ne rob ke nyoge me rob giih me maahn ke robo. Yaa peem toohd kejea ge nyoge maa apuohny.

2 Timodhy 1:13

Dhe yoohn puohny maa athiir gihn alihngi banga ngo kea wii. Puohny yaai ke puohny maa athiir. Puohny nyoge ne cohg ke dhe yoohn me yiih gene Jeacuu Ngad boadh won unhyaare.

Judea 2:1

Nea kare e wudho dhiilo kaa cub piny awaahn ni ne lihng luub ateed yihro, beere wo be cidh ke dhe yooh me raaj.

2 Piihter 1:13

Gihn nud, ngo anyoadh Ruohdho Jeacuu Kriihjte kejea nihna wiih ngoom ge cahng ke thumo. Abea ge poohd wonga nud, e giih ni ge roba robo yihru beere wudhu be wul rog gen.

2 Piihter 3:1

Goma maa anhyaara gihn e naa riown wargahng gweeda yihru. Ge agweeda yihru ne meehg wun par giih me beeye kedea beere wudhu be wul rog giih agweed yaa agamloohngjuoge kedea giih arob wane yihru ne tiihyo wa jo oohr. Giih arob wane yihru ge beehda luub Ruohdho ge Ngad Boadh won.

2 Piihter 3:10

Abea nea cahng akob Juoge kea Jeacuu uduu, e ngo uduu keehd maa akoohb Juoge kea e koar wun. Jeacuu uduu ne kwaan wa beehn ngad kahw. Cahng uduu Jeacuue e maalo une mad e ngo umahro udoohng kare ne weehny. Juog, giih ne yi maalo ge uwaange utoor gene. Thiow piny, kedea giih ni yea, giih acag Juoge kedea giih ayug dhaane ke cinge ge uwaange cang utoor kihd gihn me doohng.

Giih Anyoadh Juoge 16:15

Kaano e duon Jeacuu alihnga e urubo kobe, “Lihngu gihn roba do! Beehna ukwihj wa beehn ngad kahw. Mihn cwihny unaa yihr yaa buu unen ge beehdo ke waay gen rog gen. Bang gihn ge buu uyuud e waare tooro rog gen ulaahy wudh gene.”

Giih Anyoadh Juoge 2:25

Deedu cwihnyu teeg mee ubeehdu wa maano uwahdhe ka ubeehna.

Giih Anyoadh Juoge 2:5

Paru wudhu umaanyu kaa anaa awahdhu yea kedea kaa aduu yea awaahn ni. Wiiu tiihy giih anyoohne beere wu ubeehdo beer wa ka na beehdu coon. Nea anyoohne giihu ge be maanu, e teehd lama gihru kahla ke oogo kare noono acube yea.

Giih Anyoadh Juoge 22:7

Jeacuu arubo kobe, “A ubeehn ka me cahnge. Mihn cwihny beehda gihr ngaa alihng luub anyoadh yi kitaab gihn ni.”

Giih Anyoadh Juoge 3:11

“Duuo gihra buu ugaali keehdo, noono e wu keá paahr caahn yi yiiho gihru umeehgu rogu dwaahngo yihr yaa reje beere wu be daar ke ajahm gihn cuba yihru ke nying gihn adeedu cwihnyu.

Giih Anyoadh Juoge 3:19

“Kwaad yaa nhyaara cang ge caya cayo nea ge awaahj kedea ge puohnya puohnyo wa ngaa me puohny nyethen. E noono arumo paru wudhu umaanu anyoohne giihu.

Giih Anyoadh Juoge 3:2

Nea maano yabu nyingu ukonyu gihn poohd nud beere be thow. Bang gihn ngo ayoada kejea giih atiihyu gihn me daag rog gen nud yi wong Juog.