Giih Anyoadh Juoge 15:3 - Luwo

³ Maa awahr gene wahy Moaje e ubaahng Juog kedea Wahy Roomo. Ge awahr gene kob gene, “Yih Juog Aciehg yih Ruohdh kedea tiihyi awuob ne cohg maa ngo gaahy nyoge! Yih abiohgrwaal me caahdh ke dhe yooh maa adiehr. Yih ruohdh me ruohdhi guge tooro.

Giih Anyoadh Juoge 15:3 Iomraidhean Croise

Joon 1:17

Loohnge ge acub Juoge yihr Moaje ne cohg wudh nyoge. Abea gihn maa adiehr beehda thon Jeacuu Kriihjto e naa muuny Juog ne meehg won cidh Paar Juog.

1 Timodhy 1:17

Poongo kedea wuoro Juog, ke wong ke wong. E naa Ruohdh be niid ni kedea be thow. E naa Juog Aciehg e ngahy yihdh giih nyepinye cang. E noono.

Judea 3:5

Moaje atiihyo ke cwihnye acielo nyum Juog ne lwahg yaa Yijarael oogo Micihr. Bang gihn Moaje atiihyo ke cwihnye acielo ne lwahg yaa Yijarael, e naa gihn bahnge Juog cwihnye kuu adiiw rih ngo kedea Moaje, e naa ngaan na rob ciig na beehn Juoge ne robo yihr nyoge. Abea keehd maano, e ngo anahg ngaa maa anaa akwany Juoge now yi tiihj.

Giih Anyoadh Juoge 1:8

Juog ge teeg, e nud awaahn ni kedea ke coon maa unud ne naang arubo kea, “A naa ngad awiidh kedea ngad dhecaahn.”

Giih Anyoadh Juoge 11:17

kob gene, “Yih Juog Aciehg ke ngudi, yih aleej wane keraahyo. Yih anudo ke coon kedea awaahn ni. Bang gihn ruohdhi ngo akaabi kedea uthobi tiihj ne ruohdh.

Giih Anyoadh Juoge 14:3

Ge awahr tien wahr me nyaahn nyum ruohdh gihn apiih wiih koom maa nyum giih kuow giih angween kedea nyum jo doonge. Yaa alihbe jiehabiihj wonge jiehariow wonge angween ge naa yaa arom wahr giih ni ke kwanyo cog bang gihn ge naa yaa aduog bang Juog kiin nyoge ne dug.

Giih Anyoadh Juoge 14:8

Keehdo e wuohnjuog moogo batien mar umodho abuodhe buodho e urubo kea, “Geen Baabihloanya e duohng ke ngude atoar! Ngo atoar naa akedhe thaahy yihdh giih me reje utiihy gene giih reje ge atiihy yaa geen Baabihloanya. Giih nu reje ge naa ayug cwihny Juog urahnye rog yaa Baabihloanya.”

Giih Anyoadh Juoge 17:14

beere Roomo maahd gene maahdo ke liny. Abea ge utaay Roome bang gihn en naa ruohdh ruohdhe cang ke bang wiih piny kedea yihre ne jo yiiho giihe naa akwanye me buodh batiene me gaahn ngo.”

Giih Anyoadh Juoge 19:16

Gihn ni anaa agweed rih waahre kedea yi aahme, “Ruohdh ruohdhe Cang wiih piny.”

Giih Anyoadh Juoge 19:2

Lubo maa athiir angol Juoge ke piny ne kew naa akihme diih ajaba gihn anaa alyaahb upiny ke giih bal. Rem jo ayiiho naa awoj piny ke nying ajaba gihn ni kar ge acoal Juoge.”

Giih Anyoadh Juoge 4:8

Ge noono angween cang kihd dhaano kiin gen yihre ne boohm abiihjbeciel kedea rog gen apahng ke nying keehd thaahdh boohm e nying me maahnyo anudo yihdh gen. Ge abuohj kaa rob ke bang decahngo kedea dewaahr e ge be cuung kob gene, “Juog Aciehg ge Juog moogo tooro ngo anudo, kedea ngo nud awaahn ni kedea ngo unud.”