Giih Anyoadh Juoge 13:7 - Luwo

⁷ Ngo awij ukage ke yaa ayiih lum Juog kedea utaaye gen. Tee acub yihre me tiihye ke kar wiihe rog tien miehr cang kedea thaahy kedea nyoge cang wa kaano nahg gene nyoge me dhog gen be room.

Giih Anyoadh Juoge 13:7 Iomraidhean Croise

Luka 4:6

Urube yihr Jeacuu kobe, “Yih uyuga ne ruohdh yihdh giih nu cang. Giih anyoadha yihri ge beehda giiha maa acub yihra. Caahn e beehda kar cwihnya ucuba gen yihr ngada me daahda me nhyaar cwihnya.

Joon 19:11

Maa abeehr Jeacuue ngo kea, “Tee mar ngudi tooro nea padh Juog e ne cub ngo yihri. Abea awuohj me duohng me wiihe ne maalo naa rog yaa akahl an nyumi ne kihmo.”

Giih Anyoadh Juoge 10:11

Batien gihn nu, e arob yihra naa, “Bar maalo ke tiihyi e nahgi ngad agamloohngjuog yihr nyoge me thoohdh ke bang thaahy cang kedea ke bang yaa yihr gen ne dhoy kedea ke bang ruohdhe.”

Giih Anyoadh Juoge 11:18

Yaa nhyaar giih wiih piny cwihny gen arahnyo kedea e naa caang rahny cwihnyi kedea beehde e naa caang lug gihr yaa athow kedea e naa caang koog yaa agamloohngjuog ge tiihy yihri. Kedea e naa caang koog yaai cang kedea yaa tud yi nyingi uwuor gene yihn, keehd me nahge ngaa maa ruohdh wale ngaa me padh ruohdh. Ngo beehda caang nahg yaa araany giih wiih piny.”

Giih Anyoadh Juoge 11:7

Cahng uthum gene ke puohny lum Juog, e laahy maa angeeny me beehn oogo ka me thuudh thaahdh ngoom utaahny rog gen ke liny. Yi liny gihn nu, ge udhiile ke taayo unahge gen.

Giih Anyoadh Juoge 12:17

Noono, maa arahny cwihny dangnwaaye rih dhaago maa a'aaye ne ci ne liny keehd kwaay dhaar ni ge amag loohng Juog maa uyiih gene lum Jeacuu.

Giih Anyoadh Juoge 17:15

Wuohnjuog abar maalo ke rob yihra kea, “Nahme giih aniidi e ajaba apiih buud gen beehda yaa upiny cang ke dhaahre giih gen maa dhoy gen.

Giih Anyoadh Juoge 5:9

Noono uthob gene wahr me nyaahn kob gene, “Yih naa abiohgrwaal me rom kaab warga ukahli duo oogo bang gihn yih anaa anahg kedea remi e naa aduog nyoge bang Juog. Dhog wuude kedea tien miehr maa nyoge cang ge aboadhi ke remi.