Giih Anyoadh Juoge 10:6 - Luwo

⁶ ukuohnge ree nyum Juog ge nud ke wong ke wong ge naa acag maalo ke giih ne yea cang kedea upiny ke giih ne yea cang, kedea nahme ke giih ne yihdh gen cang. Ree akuohnge kejea, “Gihn moogo me cahg ke koaro tooro.

Giih Anyoadh Juoge 10:6 Iomraidhean Croise

Giih Anyoadh Juoge 1:18

Beehda an e acahr yi thoo ni! A anaa athow abea awaahn ni a acahr kedea a be cahg thoo keehdo ne naang wa maano. Awaahn ni thoo kedea kuohn beed yaa athowe ge naa yi cinga.

Giih Anyoadh Juoge 12:12

Nea maano, e wu yaa ne Paar Juog cwihnyu dhiil mihno! Abea mar upiny ke nahme giih gen raaj ne weey weey bang gihn atiihb ukeehg ne wiih piny. Ngo abeehn upiny e cwihnye arahnyo bang gihn ngahye ngo kejea e be beehdo wiih piny keraahyo.”

Giih Anyoadh Juoge 16:17

Noono, e beriown wuohnjuog gihn ne yaa alay mare awoje yi yamo. Kaano e duol me teeg abeehn oogo ke yoohn Wod Juog wiih koom kobe, “Ngo apahdh kare!”

Giih Anyoadh Juoge 21:6

Maa arube yihra kea, “Ngo athum ke tiihyo. A naa ngad awiidh kedea a naa ngad dhecaahn, nyepinye cang ge thub wiiha kedea ge thum wiiha. Ngaa anahg riowe e piih me cub wahy ge cuba cubo yihre now e akweehne tooro.

Giih Anyoadh Juoge 4:10

e jo doonge giih adhaano aduuno wonge angween ge apahdh wudh cong gen nyum ngaan apiih wiih koom ge kuow ke wong ke wong kedea uthoohr gene ajahme giih gen nyum koom ne wuor ngo e ge ukoohbo,

Giih Anyoadh Juoge 4:11

“Juog ruohdh wan! Yih naa ngaa wiihe rom ke moaro kedea ke wuoro kedea yih ne yihri ne tee bang gihn yih naa acag nyepinye cang kedea yih naa adaahd ucag gen kedea unahg gene giih me nud.”

Giih Anyoadh Juoge 4:9

Giih kuow angween wahy poong awahr gene ne moar wiih Juog kedea ne wuor ngo maa ne muohj koohre e ge apiih wiih koom kedea ge kuow ke wong ke wong. Ge yug giih kuowe giih nu,

Giih Anyoadh Juoge 6:11

Gihn nu, e ge amuoj ke jalaabie me tar kedea urobe yihr gen kejea kur gene ka me thiin ubeehn yihdh gen ne jwaa keehd nyoge me wa gen muu uthow ke dhe yoohn kaa athow gene beere dhe ka daahd uthuohm.