1 Joon 4:3 - Luwo

³ Abea ngaa kweer ke yiih adiehj nu, e ngaan nu Wahy Juog tooro ree, kedea beehda ngad mahn gihr Jeacuu. Ngad mahn Jeacuu ge bange alihngu kejea ngo ubeehn, awaahn ni ngo abeehno maa ngo nud wiih piny.

1 Joon 4:3 Iomraidhean Croise

Matheewo 24:5

bang gihn amahr nyoge me dwaahng wun ke nying giih uyug rog gen ge ubeehn ke batiena e ge rubo kaa nyinga e ngaa man ukoohbo kea, ‘A naa Jeacuu Ngad Boadh nyoge.’ Yaan nu, thoohdh nyoge urom gene ke dwaahngo.

1 Joon 2:18

Nyethena, aroba yihru kejea rahny piny adoohng cahng. Ngahyu kejea anaa arob wane yihru kejea ngad mahn Jeacuu ngo ubeehn nea rahny piny adoohng cahng. Wa kaa arob wane ngo yihru, ngo aniidu ke nyingu awaahn ni, kejea jo mahn giih Jeacuu me thoohdh ge atuohl. Gihn nu e ne nyoadh ngo yihru kejea cahng rahny piny ngo adoohng cahng.

1 Joon 2:22

Abea aroba yihru kejea ngad toohd raaj ni beehda ngaa koohbo kejea Jeacuu ngo padh Ngad Boadh nyoge naa aoohr Juoge wiih piny. Ngaa me rubo kea Jeacuu ngo padh Ngad Boadh nyoge, e beehda Juog Wuur kedea Jeacuu Waahd Juog ge naa akweere ke gen. Kedea gihn nu nyoadh ngo kejea ngaa nu e ne room keehd ngaan ngahj e wiihe ne mahn keehd Jeacuu.

2 Joon 1:7

Giih ni ge aroba bang gihn paajo yea apaahng ke yaa ucahb. Ge apiih ne puohny giih toohd kob gene kejea Jeacuu Kriihjto kuu abeehn wiih piny kan e yihre ne kuohm wa mar dhaano utaahngo. Kwaad ngaa me puohnyo wa maano, ngo beehda ngad ucahb me dwaahng nyoge kedea e naa ngad mahn gihr Jeacuu.