1 Joon 2:3 - Luwo

³ Gihn nyoadh ngo yihro ne cohg kejea wo nyoge me Juog ngahyo beehda tiihj gihn arob Juoge kea dhiilo ngo ke tiihyo.

1 Joon 2:3 Iomraidhean Croise

Luka 6:46

“Beehda ke nying gihn e ne cuohnu an ne ruohdh, abea kwaad giih teeda yihru ge be lihngu, utiihyu keehd gen?

Joon 14:15

“Nea a anhyaaru, kea yiihu luma.

Joon 15:10

Nea loohnge giiha ge amagu beer mee, e wu nhyaara nhyaaro wa kwaad ka nhyaar Wura an bang gihn loohnge giihe ge maga mago.

Joon 15:14

Wu beehda goma nea gihn teeda yihru yugu yugo.

Joon 17:3

Gihn e naa dhe yoohn yoad kuowo me be gug: ubeehn gene ungahy gene yihn, yih ge beehda Juog acielo cog juog moogo tooro. Kedea ubeehn gene ungahy gene Jeacuu Kriihjto naa aoohri.

2 Korindh 4:6

Bang gihn Juog ngaa arob ngo kea, “Beehn daahre nude yi muudho,” e naa ayab wudh wan ungey wane ngo kejea daahr gihre kedea teege ge niid ke rih Jeacuu.

Judea 5:9

Naa athum Jeacuue cang ke yug tiihy anaa tiihye wiih piny utoor gihn moogo me tiihye, e nyoge cang ge adoohng e dhe yoohn boadh wahy yoad gene kaa nyinge.

1 Joon 2:13

Wu jo ayiih lum Juog coon, loohnge giih ge agweeda yihru bang gihn wu adoohng ne nyoge me ngahy Jeacuue. Jeacuu ge abeehdo e nud ke coon umodho e piny poohd kuu acag. Wu yaa nyaahn ge ayiih lum Juog, loohnge giih ni ge agweeda yihru bang gihn atiihb ukeehg ngo ataaju. Wu nyethena loohnge giih ni ge gweeda ke yihru bang gihn wu adoohng ne nyoge me Juog Wuur ngahyu.

1 Joon 3:14

Abea won, ngo ngahyo kejea wo tooro yi cing atiihb ukeehg ge kahl thoo, bang gihn yihro ne kuowo me guge tooro. Ngo ngahyo kejea wo tooro yi cing atiihb ukeehg bang gihn yaa ayiiho ge nhyaaro nhyaaro. Kwaad ngaa be nhyaar wade maa ngad akuud, e ngaan nu poohd nii yi cing atiihb ukeehg ge kahl thoo.

1 Joon 3:19

Nea rogo anhyaaro ke dhe yoohn nu, e ngo ungahyo ne cohg kejea wo beehda nyethea Juog. Juog ge e ne nyoadh gihn adiehr yihr nyoge. Thiow nea rogo nhyaaro nhyaaro e aduuno naa yum ge kwahyo yihr Juog,

1 Joon 3:6

Nea ne maano e ngaa maa anweehd tiehd keehd Jeacuu keá beehdo e yug giih adhemuohm. Ngaa beehd e yug giih adhemuohm, nyoadh ngo kejea gihn me rome ke deado ke nying Jeacuu tooro, kedea Jeacuu kwihye ne weey weey.

1 Joon 4:13

Ngahyo kejea wo anweehd ke Juog kedea Juog anweehd ke won kaa nying gihn abeehne ucube Wahy Juog yihro.

1 Joon 4:7

Jo'a maa anhyaara, dhiilo beehdo e rogo nhyaaro nhyaaro. Gihn ni aroba yihru bang gihn beehda Juog e ne meehg won nhyaar nyoge. Kwaad ngaa nhyaar nyoge kiinu, e ngaa nu beehda nyethiin Juog kedea Juog ngahye.

1 Joon 5:19

Ngo ngahyo kejea wo beehda nyethea Juog kedea ngo ngahyo thiow kejea atiihb ukeehg e naa ruohdh yaa beed wiih piny ge kuu ayiih lum Juog.

1 Joon 5:2

E naa ka ngahyo ngo ne cohg kejea nyethea Juog ge nhyaaro nhyaaro nea Juog anhyaaro ke dhe yoohn yug giih arobe yihro.

1 Joon 5:3

Ka nhyaaro Juog kii ngo beehda ne tiihy giih arobe kejea yugo gen. Giih arob Juoge kejea dhiil gen ke yugo, ge padh giih me teeg ke yugo.

Giih Anyoadh Juoge 12:17

Noono, maa arahny cwihny dangnwaaye rih dhaago maa a'aaye ne ci ne liny keehd kwaay dhaar ni ge amag loohng Juog maa uyiih gene lum Jeacuu.

Giih Anyoadh Juoge 14:12

Gihn nu daahd uguum yaa akwany Juoge ge tiihyo ke loohng Juog kedea ge poohd beehda nyoge maa ayiih Jeacuu.

Giih Anyoadh Juoge 22:14

“Mihn cwihny beehda gihr yaa aluog waay gen, bang gihn ge umeehg yoad wahy bang yaadh kuowo kedea ge mon yi geew ke dhog paahnye.