Thitto 5:13 - LON ILOPOROT LOKAPIK NATHAM NꞌREK NNONATHAM NOMAꞌROT

¹³ Ana ittina mpoccïkathe aꞌrupu appik iaik ithiꞌrot ana nocapu ana ci thothïrïn ana norok irapangka ana aꞌrupu iaik tit appik angwo itti, “Athopira noka oka nakkwi ipikkoik noprrok ana nothungkat, athopira noka oka noung ana thothia cik ana puꞌran thupuththuput.”

Thitto 5:13 Iomraidhean Croise

Maththa 6:13

Kirrnni apiet nïn ithenekketta anaruk oꞌrethenïn nti ilon lopul pothopulut.’

Lukka 2:14

“Thrïk thaine Kapik korothiꞌrot cittan ana alon oka loporot nocapu noul ia kwongothe.”

Iuanna 1:29

Ngorrot ngen oIuanna pimmakathe oIeccuo akwanthan naak akwiꞌrekat itti, “Nantokatha, thungkat thoKapik okkwi ipapaꞌre lon ilokithak cik nnocapu.

Roma 11:36

Akka nti iaak ana ook ngngin aꞌrupu wapakkinthok appik. Athrïk oka noKapik thupuththuput. Amin.

Roma 16:27

Thrïk thaka thoKapik pellek ikina cik oIeccuo oMiccie ngngin thupuththuput. Amin.

Roma 9:5

Ul ittïttïk wathiki then ana oMiccie ngka kopul iponyi ana Kapik koul appik pokwontat nti iul wen, aKapik ethïethok cik thupuththuput. Amin.

Apuccuc 3:21

Athrïk oka naak iul ioccokothe lon loIeccuo ana iaMiccie oIeccuo ana ithiki ithanthan appik thupuththuput. Amin.

Pilippi 2:10

Ittina ul appik weene kꞌran koIeccuo toma ncik iaik tothiꞌrot ana iaik nocapu ana iaik thothïrïn.

Kulucci 1:23

Ittina onon thaꞌrungkwot cik ithoccokot lon nomïkït ana othïpoik kiththik ana okorronno opaꞌroik nothoꞌrïkot cik ithiꞌrettat ilon iloporot loIeccuo. Lon iloporot loIeccuo ilen akka onon thoccïkothe ilerettenet ul ncik appik nocapu ana oun oPoluc ipakkarakot anathoreko ammakka pul iparekine Kapik anere lon len.

1 Thimiththaoc 4:16

Okatha akka aikkoik ana tat akka angkene. Oreki llon len akka amma ngkworekot llon len, ngkwaꞌret ka kang ana ul iaik waccïkothung.

1 Poththuruc 4:11

Amma opilin pere kwonu itti kwere lon loKapik. Ana amma okkwi ipaik pareko, kwonu itti kwareko mpuꞌran ipa Kapik ethok othakka itti aKapik omerekettat ilon appik nti iaIeccuo oMiccie. Athrïk oka naIeccuo ana puꞌran thupuththuput. Amin.

1 Poththuruc 5:11

Apuꞌran oka naMiccie thupuththuput. Amin.

Ioutha 1:25

Thrïk ana puꞌran ana ngili thaka thuluk thoKapik konnon ikulukku kothoꞌret thon oIeccuo oMiccie Ili wonnon nci maꞌrot ana inenni ana thupuththuput. Amin.

Thitto 1:6

Kwothikkiet ton thongili ngung ana ul wonoppan toKapik arekine Kapik kung ana oththan ipa thrïk oine ana puꞌran thupuththuput. Amin.

Thitto 13:8

Ana ul wonocapu nci appik waꞌrane papu poripira ngaꞌrama. Okin itha ꞌran wen wakannokurrakot iatham wothikkoik thothungkat ithokkuttathe acapu ncik appik carthuk okuꞌretta ncik.

Thitto 5:1

Ana mpimmakathe atham ioꞌremethekotherit ikkun wothothari wopul ipaik pikkoik noprrok wokurrakot nan nthoccul ana nthocarak ana wunnukkakothe ngaꞌra maꞌri meꞌreꞌrapuruk.

Thitto 5:12

Angwat mpoꞌre cittan itti, “Thungkat thekkot nan, ithokat thokkuttathe, athocco puꞌran ana thaꞌrthan ana thina cik nti ica ana thopoꞌrathan, ana thothiakine cik ana thrïk ana thopira noka.”

Thitto 5:3

Anaruk pul pella ithiꞌrot ana manna nocapu ana manna ci thothïrïn ipekkot nan itti panyot atham enni ana manna kwakatha tit.

Thitto 5:6

Ana ittina mpimmakathe thungkat athacoꞌro ithoꞌrkït thoprrok aththokkwettathe ithoꞌrkït naꞌrupu iaik ngkït thapat iocoꞌrin ana ul ittïttïk ere thathokkuttat. Ana thonat lipil leꞌreꞌrapuruk ana kït keꞌreꞌrapuruk, ikokat kanang koKapik ika Kapik kothïllethe nocapu ncik appik.

Thitto 5:9

Ana okin thongwathe kinye kie itti, “Ngkwekkot nan itti ngkwaneko atham akwe ngaꞌra nan, akka ngkwokat pokkuttathe, ana ngngüccük ngang ngkwokernet Kapik ul noul mothok mothok ngkarru ken kurekkurek ana karru appik ana ul appik ana ul wonomothok appik.

Thitto 6:16

Okin thiꞌret moꞌrong itti, “Napukkot nanïn annoꞌrumot nïn othakka itti akkwi ipaik pikkoik noprrok poili okorronno imma nïn ana nothua ka thothungkat.