Thitto 3:21 - LON ILOPOROT LOKAPIK NATHAM NꞌREK NNONATHAM NOMAꞌROT

²¹ Okkwi ipalkothe lon ilokithak mpakorronnok ïnikkoik ïnaththut noprrok pin, ammakka mpalkothe lon ilokithak ana mpikkatheik onïn ongappa noprrok pung.

Thitto 3:21 Iomraidhean Croise

Maththa 19:28

AIeccuo iꞌrekat kin itti, “Mpiꞌret non lon ilaik ïcat, nocaꞌri ica ongappa athoprtto lon cik ilie ana ukul wopul iponyi ikkoik noprrok pothrïk thung, onon ithommakothin thikkoik norrok iattul ana ikken keꞌra cakuruk, ana akkma ul woIccereil mothok mothok imattul ana ikken keꞌra.

Maththa 25:21

Ana opït pothïanthok tit itti, ‘Ngkwokkothe lon loporot, oung pul ipareko ipoporot ana ipaꞌrumo nolon. Ngkwoꞌrumot nolon laꞌrupu wotteik, mpethung lon laꞌrupu woppot ikkun. Aꞌrik athopira noka nopït pang.’

Maththa 28:18

OIeccuo pothakkarathe iccik ken akwiꞌrekat kin itti, “Ongappa pethin ngili ikkun appik ngolon lorothiꞌrot ana lonocapu.

Lukka 22:30

ittina oron thaꞌrkoik ana ïkkoik uraththungon nokuppuꞌrung kin kothuꞌrit ingili ngngin ana annikkoik norrok annakkma ul mothok mothok moul woIccereil iattul ana ikken keꞌra.”

Iuanna 13:32

Ana amma Kapik kothikkiettat krïk iaak ana Kapik kathikkie ukul wrïk iaak ana kathikkiek prïk accokkot.

Iuanna 16:33

Mpiꞌrethenon lon elli itti annapot mïkït cik. Onon thaccokiettat thiak cene nocapu ncik appik anaruk nopoꞌrathan, akka mpalkothe lon lonocapu appik.”

2 Thimiththaoc 2:12

Ana amma oron thonongkwothe ithiak unoIeccuo oron thaccokot ngili uraththungon. Ana amma oron thiꞌret itti oron thommak ana kwiꞌre cakuruk itti kwommaron.

Thitto 1:6

Kwothikkiet ton thongili ngung ana ul wonoppan toKapik arekine Kapik kung ana oththan ipa thrïk oine ana puꞌran thupuththuput. Amin.

Thitto 12:11

Okin thalkathok ngngüccük ngothungkat ana nthere lon ïcat loKapik, okin thellat lon lothikkoik then nti ilon loMiccie.

Thitto 17:14

Okin thrro ithungkat anaruk thungkat thalkot kin akka ook Ili wonili appik ana okkwion ithakkarakot ana ithoꞌrumot nolon thakaik okin aththut.”

Thitto 2:7

Okkwi iponu unu akwoccïkot lon ila Kanang erene ul ioccokothe lon loIeccuo. Ana okkwi ipalkot lon ilokithak mpakorronok akwoꞌrko nopira pothikkoik ipaik itharak thoKapik.”

Thitto 20:4

Ana mpimmakathe orrok ana ul iikkot cik nan wettathe lon ikkun itti okin thakkma. Ana mpimmakathe utha wokkwion ithokeccettathe ma cik akka okin thimmat ana ere lon loIeccuo, ana akka okin thokat akin erentene ul lon loKapik. Okin thokat thakorronno aꞌrane papu poripira ngaꞌrama ana purrut pen ana okurrakinthet urret wung nomuthu ana nonyaun. Okin thokat thillet ana nthokkot cik ana okin thakkmakathe okin oMiccie luput kathar.

Thitto 20:6

Okkwion ithokat ithuroko thonomun thethïettat. Akka thio itheꞌra thella puꞌran nakin, anaruk okin thathakka ul wononupan toKapik ana woMiccie ana okin thakkma okin aththut luput kathar.

Thitto 5:10

Ngkwothikkiet kin ngili ana ul wonoppan toKapik akin orekine Kapik konnon, ana okin thakkma capu ncik appik.”

Thitto 6:2

Anokathakat cik animmakat capprththa cipuk tokït kin. Ana okkwi iparrothe tan ponat onnan pocopok ana copok ana kwakot pakiettat cupul ica ana kweot akwothalkot thoꞌrak ana okïcce ul nokaꞌran.

Thitto 7:17

Akka thungkat ithaik ithoꞌrkït thoprrok thangwot kin, kwipot kin nomakuꞌrang moiꞌri. Ana Kapik kukukkot kin ngeme nti ikït.”