Thitto 21:9 - LON ILOPOROT LOKAPIK NATHAM NꞌREK NNONATHAM NOMAꞌROT

⁹ Ana uꞌrupa wothothïlettat woKapik wulukku nti iuꞌrupa ieꞌreꞌrapuruk ionat maththak imeꞌreꞌrapuruk imoppappathe llon lothoꞌrarot cik ileꞌreꞌrapuruk ilocothothe akkakat aiꞌrekathin itti, “Omakothin ana mpakeneng ukul iathoka pari pothungkat.”

Thitto 21:9 Iomraidhean Croise

Thitto 1:1

Thitto lon ncik thoIeccuo itha Kapik kokenerok nan itti akwittine ul ncik ioccokothe lon loKapik lon ilaik lathokaik nomaꞌri motte imanthan. Kwokenet lon len nthothïnthet pul ipaik parekinok oIuanna uꞌrupa wothothïlettat woKapik wung

Thitto 17:1

Opilin pulukku nti iuꞌrupa wothothïlettat woKapik ieꞌreꞌrapuruk ionat mpaththak meꞌreꞌrapuruk painin apiꞌrekathin itti, “Aꞌrik, mpakeneng thakkmako ithaik thaine pul ipopari ipaꞌro nul nuthuk ipakaꞌran ikonat ngiꞌri ngoppot. Kwaik ngkꞌran koul appik iopaꞌrinet Kapik cik.

Thitto 19:7

Ton opira noka ana iththrako cannan ana ethok thrïk. Akka caꞌri caat cokamuthe kothïpa thothungkat, ana pari pung pokuccekotheik.

Thitto 21:17

Auꞌrupa wothothïlettat woKapik ennekkekat kunthong ana waththiat itti kokat miththir arrial wꞌrapuruk (60) thape then nthennekke thopul iponyi.

Thitto 21:2

Mpimmakathe pothok ipie ipupupure poUruccelim apuo ntan ntothiꞌrot noKapik pokuccettatheik ere iꞌre ittat ana worrongkiettanthet olle.

Thitto 22:1

Ittina uꞌrupa wothothïlettat woKapik wokenekathin tue ironu ngꞌri tit ngothikkoik, ngoꞌrillir ere ngaꞌra allo noprrok poKapik ana pothungkat

Thitto 22:17

Kanang ana ul wung thiꞌret itti, “Aꞌrik.” Ana okkwi ipoccïkothe elli akwiꞌre itti, “Aꞌrik.” Okkwi ipapica okkwot akwanthan, ana okkwi ipongothe itti kwïkko noiꞌri ngothikkoik nuthuk.

Thitto 22:6

Uꞌrupa wothothïlettat woKapik wiꞌrekathin itti, “Aꞌrupu ia ngkwimmat ana occïkot waik ïcat ana wonu itti wanekkettat cïkït nan. Ili Kapik iangwot ul wothernte lon loKapik wothïothe uꞌrupa wothothïlettat wung athokene ul iarekinok lon ilaik lanthan accokkot nomaꞌri emmi.”