Thitto 21:22 - LON ILOPOROT LOKAPIK NATHAM NꞌREK NNONATHAM NOMAꞌROT

²² Mpakinnimma tupan toKapik nokaꞌran ken akka Ili Kapik ikakannalkakot ana thungkat okin tharupan taꞌrama.

Thitto 21:22 Iomraidhean Croise

Maththa 24:2

AIeccuo ipittat kin itti, “Onon thimmat aꞌrupu enni appiki? Mpiꞌret non lon ilaik ïcat itti pothok pella pulukku pakwentako nopangken, müntat nocapu mulumuluk appik.”

Iuanna 10:30

Oun ana ongappa onïn thulukku.”

Iuanna 13:32

Ana amma Kapik kothikkiettat krïk iaak ana Kapik kathikkie ukul wrïk iaak ana kathikkiek prïk accokkot.

Iuanna 4:21

AIeccuo iꞌrekat itti, “Pul ipopari, occïkothe lon lin, caꞌri cꞌrek caik canthan ica anon okorronno aꞌranthet Kapik ongappa ngaꞌrama nocoꞌrong enci ana manna nokaꞌran koUruccelim.

Iuanna 4:23

Anaruk caꞌri caik canthan ana cei caat amma ul iaꞌra ngaꞌrama ïcarïcat aꞌrane ongappa ngaꞌrama ngkanang ana llon ilaik ïcat akka okin ithaꞌra ngaꞌrama ammakka enthi akka ongappa paik pakwantot.

Kulucci 1:19

Akka Kapik kokat kopirat noka itti kaka okin oIeccuo

Kulucci 2:9

Akka Kapik ngka kung appik kaik ika koMiccie ika pul iponyi,

Thitto 1:8

Ili Kapik wiꞌret itti, “Oun Alppa ana Omeka, okkwi ipaik, ana ipokat cik ana okkwi ipaik panthan, ook ipakannalkakot.”

Thitto 11:17

akin iꞌre itti, “Onïn thopiranung noka, Ili Kapik iakannalkakot, okkwi ipaik ana ipokat cik, akka ngkwonekot puꞌran pang iprïk ana ngkwaik pakkma ngngin.

Thitto 14:4

Okin then thakannaꞌro nul iari kirrkkir ana okin thangwathe ka ken kupupure. Okin thammakot thungkat na akweo. Okin ithokettat nti iul wonocapu ana okin thettakathe Kapik ana thungkat akin othakka then ammakka aꞌrupu karkko thuꞌrit thonomun ithettathe Kapik.

Thitto 15:3

ana okin thongwathe kinye koMucca pul iparekine Kapik ana kinye kothungkat akin iꞌre itti, “Ngre ngang ngommaththik ana ngaprttakiettot tit, Ili Kapik ialkothe cik. Athar wang wocoꞌrotheik ana waik ïcat, Ili womothok appik.

Thitto 16:14

Okin thokat uꞌrupa iokithak ana wokat akkot lon ilommaththik ana okin thaine nili nonocapu ncik appik athaꞌrntot kin othakka itti akin athorro nocaꞌri icrïk coKapik ikalkothe cik.

Thitto 16:7

Ana mpoccïkathe poꞌre noruꞌrot taꞌrama ariꞌre itti, “Ili Kapik ikalkothe cik, kathar ika ngkwaik pakkma ul ngngin kaik ïcat ana kocoꞌrotheik.”

Thitto 19:15

Kiꞌrittang ikukwit korre kaat nti ithon thung akongwo ul wonomothok appik. “Kwakkma kin ncuꞌrang conili copaponte.” Kwakene thua ka thoKapik ika akannalkakot ana kwakakꞌrot thoꞌrak than cik ammakka pul okakꞌrot maa nokaꞌran kothokakꞌrot maa icna.

Thitto 4:8

Aꞌrupu appik aurocoꞌrin iaik ngkït thapat wonat uꞌruccu kurekkurek wꞌrakkuruk wꞌrakkuruk ana wonat kït nan appik, manna ciki icuꞌre couꞌruccu. Ana aꞌrupu wen wokat angwo nokkꞌrokkꞌra ana nokkonokki itti, “Thupupure, thupupure, thupupure, thaIli Kapik ikalkothe cik, okkwi ipaik ana ipokat cik ana ipaik panthan.”

Thitto 5:6

Ana ittina mpimmakathe thungkat athacoꞌro ithoꞌrkït thoprrok aththokkwettathe ithoꞌrkït naꞌrupu iaik ngkït thapat iocoꞌrin ana ul ittïttïk ere thathokkuttat. Ana thonat lipil leꞌreꞌrapuruk ana kït keꞌreꞌrapuruk, ikokat kanang koKapik ika Kapik kothïllethe nocapu ncik appik.

Thitto 7:15

Ilen akka, Okin ocoꞌrine tokït koprrok poKapik, akin orekinok nokkonokki ana nokkꞌrokkꞌra noppan toKapik tung. Ana okkwi ipaik pikkoik noprrok pangwot nthokaik thung.

Thitto 7:17

Akka thungkat ithaik ithoꞌrkït thoprrok thangwot kin, kwipot kin nomakuꞌrang moiꞌri. Ana Kapik kukukkot kin ngeme nti ikït.”