Thitto 20:2 - LON ILOPOROT LOKAPIK NATHAM NꞌREK NNONATHAM NOMAꞌROT

² Auꞌrupa wothothïlettat occokat papu ipokithak ipungkot pre ipa pinyil ipïpe ana kwoccot kꞌran cakuruk itti okkwi ipammikkot ul ana pul pothopulut. Ana aꞌrupa wothothïlettat wïꞌrïkïkkathe pul pothopulut luput kathar.

Thitto 20:2 Iomraidhean Croise

Maththa 19:29

Ana okkwi ipoththet nokaman ana napangon ithomura ana ithari ana naththangon ana nannangon ana nonyukul ana opon nti ilon lin kwiot aꞌrupu wen woppot ana Kapik kethok thikkoik thothupuththuput.

Maththa 8:29

Aul wen iꞌrekat lon mpoꞌre cittan itti, “Ukul woKapik, ngintha akka ngkwongothe nanïn? Ngkwaat cene itti ngkwathokkiet nïn thiak acaꞌri cothakkmako carthuk aoi?”

Markkoc 4:15

Ul wꞌrek waik ammakka mïl imothithiekotheik ikathar. Amma okin thoccïkothe lon, pul pothopulut panthan accokkot aponekat kin lon ilakin thoccïkothe nnomïkït men.

Markkoc 5:7

Kwiꞌrekathe mpoꞌre cittan itti, “Ngintha akka ngkwimmathe naun, Ieccuo, ukul woKapik korothiꞌrot, arrma ngkꞌran koKapik itti ngkwakannokkiethin thiak.”

Iuanna 12:31

Inenni caꞌri cothakkmako cene nocapu ana inenni pul pothopulut ili wonocapu enci wakïccettat thapat.

Iuanna 16:11

Ana kwakenekin lon lothakkma thoKapik akka Kapik kakkmat pul pothopulut ntit ili wonocapu.

Roma 16:20

Kapik kothomicco kakakꞌrot pul pothopulut cik iracok ton nomaꞌri motte. Athoporot thoIli wonnon oIeccuo oka nanon.

Ipranin 2:14

Ana inakka nyukul nyaul ionyi ngka ana ngüccük, oIeccuo pothakkat cakuruk karkken ngka ana ngngüccük othakka itti nthio thung akwokïtto puꞌran popul pothopulut iponu puꞌran ikkun pothio

1 Poththuruc 5:8

Nangwot ka kon annokathaccekat cik kicce. Pul pothopulut ipanon thꞌrarot paik panyarakot cïnang apoakot ere thepa ithaik thakwariccat pul pꞌrek athoꞌrko.

2 Poththuruc 2:4

Antokatha Kapik kakannipo thiak thouꞌrupa wothothïlettat woKapik wung iokkothe lon ilokithak anaruk kwokïccet kin akworekat kin thothïrïn iꞌrïmak ana iꞌrikikkot kin than akin oꞌrïkot caꞌri cothonceꞌret lon cik.

Ioutha 1:6

Ana uꞌrupa wothothïlettat woKapik wokat cik woppot iaKapik kethet puꞌran tothiꞌrot. Anaruk wakannaꞌrungkat nan itti wakkma mpuꞌran pen. Uꞌrupa woththekathe nokaꞌran ikaKapik kethet kin itti okin thikkoik nan tothiꞌrot. Ittina Kapik kiꞌrikikkot uꞌrupa wothothïlettat nynyol thupuththuput iꞌrïmak nyothothïrïn. Wikkoik than acaꞌri akkakat ica Kapik athakkma kin nan.

Thitto 12:13

Anakka papu ipokithak ipungkot pre paththiot itti porrettathe nocapu pikkatheik apommakot pul ipopari ipokwonot ukul iocura appua ka.

Thitto 12:15

Ana papu ipokithak ipungkot pre puttekathe ngꞌri cik ere ngꞌri ngonorue othakka itti athoneko pul ipopari.

Thitto 12:17

Ana papu ipokithak ipungkot pre puakathe ka nopul ipopari ana poingkathe apothrro inyukul nyopul ipopari ana okkwion ithaccïkot lon loKapik ana occokot lon ileret oIeccuo.

Thitto 12:3

Alon lꞌrek appummat ncik tothiꞌrot ilommaththik ana lon len lokat itti, papu ipokithak ipungkot pre poꞌre ittiang ana ponu ma meꞌreꞌrapuruk ana lipil attul ana mupul moili meꞌreꞌrapuruk noma imeꞌreꞌrapuruk.

Thitto 12:4

Kuththik kopapu pen kollakathe mothot appꞌrut nti ithiꞌrot amapukkat nocapu. Papu ipokithak ipungkot pre pen pocoꞌrathe tokït kopul ipopari ipokat cik pathokwono othakka itti amma ukul wokwontat apothurukkwe.

Thitto 12:9

Papu ipokithak ipungkot pre iprïk porrettakathe nocapu. Kwokat pinyil ipïpe ipoccot kꞌran itti pul pothopulut okkwi ipurttet ul cik nocapu appik. Kwokat porrettathe nocapu nnuꞌrupa wothothïlettat wung.

Thitto 13:2

Papu poripira ipa mpimmat pungkot papokira, anaruk ponat tacok tungkot tongun ana thon thungkot thothepa. Ana papu ipokithak ipungkot pre pekathe papokira puꞌran ana prrok poili ana ngili irïk.

Thitto 13:4

Ul appik wꞌrakanthet papu ipokithak ipungkot pre ngaꞌrama akka pethet papu poripira puꞌran ana nthaꞌrakanthet papu poripira ngaꞌrama cakuruk. Okin thipittathe itti, “Oththa akkammakka papu poripira ana okkwen akkrro iaak?”

Thitto 20:10

Ana pul pothopulut ipammikkothekin porrettakathe irok tothik thalparut, na papu poripira ana pul pothernte lon loKapik ngkarra thorrettathe. Okin thaccokot thiak ngkoꞌra ana icïngkï thupuththuput.

Thitto 20:7

Ana amma luput kathar lomttathe, pul pothopulut pamelikkako nti ikorrkkor,

Thitto 9:11

Ili wen wokat uꞌrupa wothothïlettat woKapik iangwot cürük cothothïrïn, kꞌran koili wen ngkarru koIpranin itti Apathun (ikonu itti okkwi ipakïttoik) ana ngkarru koul woKrik itti Apolion.