Thitto 18:23 - LON ILOPOROT LOKAPIK NATHAM NꞌREK NNONATHAM NOMAꞌROT

²³ Kꞌran kothik kakorronno appocco iaung attang. Poꞌre popul ipocura ipipo ana popul ipopari ipitta pakannappoccïkakot iaung attang. Ul iaaꞌrthan wang wokat wittïttïk nocapu ncik appik ana nthurukut thang ngkwammikkothe ul appik ana wurttakatheik.

Thitto 18:23 Iomraidhean Croise

Ngre 8:11

Ana okin thomakathok akka kwocikittinet kin ma llon lothurukut ila akwokkettet thupuththuput.

Thitto 12:9

Papu ipokithak ipungkot pre iprïk porrettakathe nocapu. Kwokat pinyil ipïpe ipoccot kꞌran itti pul pothopulut okkwi ipurttet ul cik nocapu appik. Kwokat porrettathe nocapu nnuꞌrupa wothothïlettat wung.

Thitto 17:2

Nili nonoththok ncik appik naꞌrorok ngngin, ana ul iaꞌrorok ngngin noththok appik wikkoik ere wïkkot ngapak.”

Thitto 17:5

Lon elli lokat lokurrakot nocuthu cung ila kumitta, “PAPIL IPRÏK, ONNAN POUL IAꞌRO NUL NUTHUK ANA OOK AKKONU LON APPIK ILOKITHAK.”

Thitto 18:22

Ngeme ngoperenmperen ana ul iee ereneren ana ul iee uꞌrumpillang ana lïpïl ngakannappoccïkakot iaung attang. Pul pella ipakette aꞌrupu. Poꞌre pocna pakannappoccïkakot iaung attang.

Thitto 18:3

Akka ul wonocapu ncik appik wïkkot ngapak iopun ngopul iponu namat. Nili nonocapu naꞌrorok ngngin, ana ul iakettet ul wonocapu aꞌrupu wothakkat aꞌrthan naꞌrupu wothaꞌrthan thung.”

Thitto 18:9

Amma nili inaꞌrorok ngngin ana ikkoik thikkoik thoul iaaꞌrthan okin aththut nimmarok akka akwokꞌro ngkucuk, nipo thiak thung ana oothok.

Thitto 21:8

Anaruk ul ionat nꞌre ana iakannoccokot lon nomïkït ana iakkot lon ilokithak ana iangwo ul ana iaꞌro nul nuthuk ana iaꞌrthuththo ul ana iakkot thamit ana iaꞌrane aꞌran ngaꞌrama ana ul ionu karra warrettat irok tothik iraik tacco nthik thalparut. Thio enthi itheꞌra.”

Thitto 22:15

Ana okkwion ithaik thapat nti icarak coman thokithak, okin ithaꞌrthuththaro ana okkot thamit ana okin ithaꞌro nul nuthuk ana okin ithangwo ul ana okin ithaꞌrane ꞌran ngaꞌrama ana okkwion ithongothe karra ana ammikkot.

Thitto 22:5

Ana ngkoꞌra ngella pꞌrin. Okin thakannangkot kꞌran kopapu ipacceik ana manna kꞌran kocïngkï, akka Ili Kapik wethet kin kꞌran. Ana okin thakkma thupuththuput.

Thitto 6:15

Ana nili nonocapu ana ul ittïttïk woul irro ana ul iathaꞌrthan ana ul ionu puꞌran ikkun ana ul iaiak ana iakonnoka iaiak tharuko imuꞌrol ana imopong momuꞌrol.

Thitto 9:21

Ana manna okin thakannopaꞌrine thongwo ul cik ana thurukut ana thaꞌro nul nuthuk ana manna thuꞌran.