Thitto 16:7 - LON ILOPOROT LOKAPIK NATHAM NꞌREK NNONATHAM NOMAꞌROT

⁷ Ana mpoccïkathe poꞌre noruꞌrot taꞌrama ariꞌre itti, “Ili Kapik ikalkothe cik, kathar ika ngkwaik pakkma ul ngngin kaik ïcat ana kocoꞌrotheik.”

Thitto 16:7 Iomraidhean Croise

Thitto 1:8

Ili Kapik wiꞌret itti, “Oun Alppa ana Omeka, okkwi ipaik, ana ipokat cik ana okkwi ipaik panthan, ook ipakannalkakot.”

Thitto 13:10

“Amma oplin ponu itti kwaeo ikorrkkor, kwonu itti kwaeo ikorrkkor. Amma oplin ponu itti kwio ngkꞌrittang ikukwit, kwonu itti kwio ngkꞌrittang ikukwit.” Elli lakeneron itti ul woKapik iupupure wonu itti waꞌrungkot ilon nthoccokot cïkït ana oꞌrungkot nothoꞌrumo nolon.

Thitto 14:10

kwïkko ngapak ngothua ka thoKapik, iuntathe nocaththak icoppathe nthua ka thoKapik. Ana kwakkiettat thiak nthik thalparut tokït kouꞌrupa wothothïlettat woKapik iupupure ana kothungkat.

Thitto 14:18

Ana icci uꞌrupa wothothïlettat woKapik wꞌrek ionat lon lothik ikkun, akkakat nnoruꞌrot taꞌrama aiꞌrekat okkwi iponat kiꞌrittang ikakiako ngngin korre mpoꞌre cittan itti, “Oneki kꞌrittang kang ikorre akeccet maa monocapu akka moꞌriat”

Thitto 19:2

akka thakkma thung thaik ïcat ana thocoꞌrotheik. Kwakkmat pul ipopari ipalle nul nuthuk okkwi ipokïttot ul wonocapu nthaꞌro thung nul nuthuk. Kwokkwothok othakka itti akwokke ngüccük ngoul wung iarekinok.”

Thitto 6:9

Anakka thungkat thokwet ngaꞌra natham iunukkakot ngaꞌra iukuluk, animmakat utha woul ionguttat nti ilon lon loKapik ana nti ilon ilakin therethe oIeccuo ngngin thoceken coruꞌrot taꞌrama.