Thitto 13:6 - LON ILOPOROT LOKAPIK NATHAM NꞌREK NNONATHAM NOMAꞌROT

⁶ Panyothe thon cik apikkat cik apocungko Kapik ana kꞌran koKapik ana kaꞌran na Kapik kaik ana ul iaik tothiꞌrot.

Thitto 13:6 Iomraidhean Croise

Maththa 12:34

Ul ionu karra iurttet pangken cik, onon there lon loporot taththa anon thokithak? Akka thon there lon nnolon iloppathe nocïkït.

Maththa 15:19

Akka lon ammakka thokwarttikot cik ithokithak ana thokkwot pul ana aꞌro nul iari ittat ana aꞌro nul nuthuk ana thuꞌran ana ammikkot ana thocungkwo, lanthan nocïkït.

Iuanna 1:14

Lon lothakkakathe ka kopul iponyi akikkat cik iaron. Oron thimmat thrïk thung, thrïk thung pulluk pen okkwi ipaat naththan, nthoporot thoppot ana lon ilaik ïcat.

Roma 3:13

“Lon len lakkunako ere utha wonupu noul iillet ana luꞌre len lere karra kulluk.” “Lon len likkoik ere ngee ngoinyil.”

Kulucci 1:19

Akka Kapik kokat kopirat noka itti kaka okin oIeccuo

Kulucci 2:9

Akka Kapik ngka kung appik kaik ika koMiccie ika pul iponyi,

Ipranin 9:2

Cüꞌrük icokat cuntat neret conat kaman icarak than keꞌra. Man mocittokït monat papu pothaap ipoꞌrillir iponu kaꞌran ikanekkettat thik nan, ana kuppuꞌrung kothuꞌrit ana arrakith iothun iettathe Kapik, kaꞌran ken kokat akakkarako itti kaꞌran ikupupure.

Ipranin 9:24

Akka oMiccie pakinniꞌriko iman maꞌrama imupupure cannan ima pul iponyi pokkothe imokat purrut poman maꞌrama imaik ïcat tothiꞌrot, kwiꞌrikot tothiꞌrot ïcat ana kwaik tokït koKapik inenni nti ilon lonnon.

Thitto 11:12

Ana okin thoccïkathe poꞌre ntothiꞌrot apiꞌret kin itti, “Nokuꞌrot ntan cene.” Ana okin thokuꞌrathe tothiꞌrot inuththe athoꞌrak then okathaccekin.

Thitto 12:12

Ittina nopira noka appik onon ithaik tothiꞌrot ana onon ithaik thikkoik than anaruk angkre nocapu ana norok irapangka, akka pul pothopulut poinet non nocapu ana pua ka cannan, akka kwina itti maꞌri mung motte.”

Thitto 15:5

Anakka elli locothakothe anokathakat cik animmakat tupan toKapik irokat cüꞌrük cothonekket lon cik corothiꞌrot accokat ncürük.

Thitto 18:20

Onon ithaik tothiꞌrot, nopira noka, Ul woKapik ana ul wothothïlettat woIeccuo ana ul wothernte lon loKapik wonu itti wapira noka. Akka Kapik kakkmat Papil nti ilon ila pokkinthet non.’”

Thitto 21:3

Ana mpoccïkathe poꞌre cittan noprrok apiꞌre itti, “Nokkwo kunu ncik, man moKapik maik iul wung, kikkoik okin aththungon ana okin thaka ul wung ana Kapik ngka kung kaka nakin ana oka Kapik ken.

Thitto 4:1

Manakka elli locothakothe, anokathakat cik animmakat kathat korothiꞌrot tokït kin akkaik ncürük. Ana poꞌre ipiꞌrethin lon cittokït pokat ere thïpïl apiꞌrethin itti, “Okuꞌrothe ntan cene, ana mpakeneng ilaik lathothakka amma lon elli locothakothe ila mpokat cik anerenthung.”

Thitto 4:4

Ana orrok wꞌrek arrial ana ikken kocoꞌrin (24) wokat wammrththakothe prrok pen ana wonat ul ittïttïk ia arrial ana ikken kocoꞌrin. Okin thokat thakot eret wipuk ana mupul ima mokkattathe nothaap.

Thitto 5:13

Ana ittina mpoccïkathe aꞌrupu appik iaik ithiꞌrot ana nocapu ana ci thothïrïn ana norok irapangka ana aꞌrupu iaik tit appik angwo itti, “Athopira noka oka nakkwi ipikkoik noprrok ana nothungkat, athopira noka oka noung ana thothia cik ana puꞌran thupuththuput.”

Thitto 7:15

Ilen akka, Okin ocoꞌrine tokït koprrok poKapik, akin orekinok nokkonokki ana nokkꞌrokkꞌra noppan toKapik tung. Ana okkwi ipaik pikkoik noprrok pangwot nthokaik thung.

Thitto 7:9

Anakka elli locothakothe animmakat cungkut coul woppot tokït kin comma manna ongantetta noul wonomothok appik ana ul mothok mothok ngkarru ken kurekkurek ana ul appik ana karru akin ocoꞌro tokït koprrok poIli ana tokït kothungkat. Okin thakot eret wipuk ana okin thonat uꞌri wokira kothemur inyaun.