Thitto 11:18 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁸ Ul wonomothok appik wokat wua ka ana thua ka thang thaat. Caꞌri caat cothakkma ul iokat willet ana okke ul iorekinung wothernte lon loKapik ana ul wang iupupure ana okin appik ithapellene kꞌran kang, ithopoꞌrot than ana ithakannopoꞌra than. Caꞌri caat icapaꞌre ul cik nocapu iokat cik angwo ul nocapu.”

Thitto 11:18 Iomraidhean Croise

Maththa 5:12

Nopira noka ana iriko, akka thokketta thon ithrïk thaka tothiꞌrot, nina nan itti okin thocciccokiethe ul wothernte lon loKapik thiak tokït nanon.”

Lukka 1:50

Thiak thung thaine ul iothianok cik thiki thiki.

Ipranin 9:27

Ana ammakka pul iponyi ponu itti pio caꞌri culukku apantoꞌrïkot thakkmako thung

Thitto 10:7

Nomaꞌri ima uꞌrupa wothothïlettat woKapik ieꞌreꞌrapuruk watheet thïpïl thung nan, kumitta koKapik ikommakot nan kacothakot ammakka kwerenet ul wung iarekinok wothernte lon loKapik.”

Thitto 11:2

Anaruk akorronno ekkie kaꞌran kothapat akka keettathe ul appik iakannoka woIouth. Okin thacukkarot kaꞌran ikupupure ken cik anok arrial weꞌra ana ikken keꞌra (42).

Thitto 13:10

“Amma oplin ponu itti kwaeo ikorrkkor, kwonu itti kwaeo ikorrkkor. Amma oplin ponu itti kwio ngkꞌrittang ikukwit, kwonu itti kwio ngkꞌrittang ikukwit.” Elli lakeneron itti ul woKapik iupupure wonu itti waꞌrungkot ilon nthoccokot cïkït ana oꞌrungkot nothoꞌrumo nolon.

Thitto 13:16

Kwokkiethe ul lon mpuꞌran appik, iprïk ana ipotte, ipapaꞌrthan ana ipakannoka papaꞌrthan, ana ipa piak ana ipakannoka papiak, akin onekkettanthet urret nonyaun nyothothari ana manna nomuthu.

Thitto 14:10

kwïkko ngapak ngothua ka thoKapik, iuntathe nocaththak icoppathe nthua ka thoKapik. Ana kwakkiettat thiak nthik thalparut tokït kouꞌrupa wothothïlettat woKapik iupupure ana kothungkat.

Thitto 15:1

Mpimmathe lon lꞌrek tothiꞌrot lommaththik ana laprttakiettot tit. Mpimmat uꞌrupa wothothïlettat woKapik weꞌreꞌrapuruk awonu lon lothoꞌrarot cik leꞌreꞌrapuruk ilocothothe akka thua ka thoKapik thacothakot llon len.

Thitto 15:7

Ana papu pꞌrek nti aꞌrupu iocoꞌrin iaik ngkït thapat eekat uꞌrupa wothothïlettat woKapik ieꞌreꞌrapuruk maththak meꞌreꞌrapuruk imokkattathe nothaap moppapathe nthua ka thoKapik ikaik thupuththuput.

Thitto 18:6

Nokkinthok ammakka kwokkinthet opilingon, nopakkenthok lon tit maꞌri meꞌra ilokithak ila kwokkothe. Noppenthok cakkolok cung coungkak ngngapak maꞌri meꞌra.

Thitto 19:15

Kiꞌrittang ikukwit korre kaat nti ithon thung akongwo ul wonomothok appik. “Kwakkma kin ncuꞌrang conili copaponte.” Kwakene thua ka thoKapik ika akannalkakot ana kwakakꞌrot thoꞌrak than cik ammakka pul okakꞌrot maa nokaꞌran kothokakꞌrot maa icna.

Thitto 19:18

othakka itti annathoꞌrko ka konili ana ul ittïttïk woul worithoꞌrak ana ul ionthomat worithoꞌrak ana mapprththa ana ul iaurrotheran ana ka koul ionyi appik ia iak ana iakannoka iak, iarran ana ittïttïk.”

Thitto 19:5

Ana poꞌre pakkakathe noprrok apiꞌre itti, “Nopirane Kapik konnon noka onon appik itharekinok, onon ithothianok cik, itharran ana ithïttïttïk.”

Thitto 20:12

Ana mpimmakathe ul iokat willet ittïttïk ana iarran acoꞌro tokït koprrok poili ana natham nokat nanyattatheik. Atham wꞌrek wokat cik wanyattatheik ana ien atham wothikkoik. Ul iokat willet wokat cik akkmakot nolon ila akin thokkothe ammakka lokurrakot inatham.

Thitto 20:15

Ana okkwi ipakꞌran kakinnicat iatham wothikkoik, ana kwarrettat irok tothik.

Thitto 22:12

“Nokkwo kunu ncik, mpaik panthan nomaꞌri motte, anathokke ul appik kurekkurek nti ire ia akin thokkothe.