Thitto 1:5 - LON ILOPOROT LOKAPIK NATHAM NꞌREK NNONATHAM NOMAꞌROT

⁵ ana naIeccuo oMiccie ook iperet lon ila kwimmat okorronno ocukko nalꞌrek, ana ook ponothon ipurokot nti ithio ana Ili wonili nonocapu. Lon elli laine okkwi ipongotheron ana okkwi ipelikkot ton nti ilon ilokithak lonnon ngngüccük ngung.

Thitto 1:5 Iomraidhean Croise

Maththa 20:28

Ammakka ukul wopul iponyi wakannao itti wathorekakine anaruk waat itti wathorekine opilingon ana manna ethet thikkoik thung othakka itti aelikko ul woppot nti ilon ilokithak.”

Maththa 28:18

OIeccuo pothakkarathe iccik ken akwiꞌrekat kin itti, “Ongappa pethin ngili ikkun appik ngolon lorothiꞌrot ana lonocapu.

Iuanna 13:1

Anakka kamuthe koThaurrot kaman kꞌrek cik kokuntakinet caꞌri culukku, oIeccuo pinat itti caꞌri cung caat itti kwaththe nocapu ncik appik akwoine oththan. Kwokat pongothe ul wung immakothok nomaꞌri ima kwokat cik nan nocapu, ana inenni kwongothekin kirrkkir.

Iuanna 13:34

Lon lin ilonthomat ilie ila aniꞌret non itti nongarot. Ammakka mpongothenon, onon thonu itti nthangarot cakuruk.

Iuanna 15:9

Ammakka ongappa pongothin, mpongothenon. Ittina noꞌrungkwot ithongat thin.

Iuanna 18:37

APilaththoc omekat itti, “Ittina ngkwailina.” AIeccuo othïat tit itti, “Ngkwiꞌre itti mpaili. Ilen akka mpokwontanet ana ilen akka mpainet nocapu appik anathokene lon ilaik ïcat. Ana okkwi ipaik ilon ilaik ïcat, kwoccïkothin.”

Iuanna 3:11

Mpiꞌrethung lon ilaik ïcat, onïn theret lon ilanïn thina ana onïn thacoꞌrot lon ilanïn thimmat anaruk icci onon thakannangkot itti onon thaccïkot lon ilanïn iꞌret non.

Iuanna 3:16

Akka Kapik kongothe ul ncik nocapu appik mono akekat kin ukul wung iulukku, othakka itti amma okkwi ipoccokothe lon lokkul wen nocïkït akwokorronno io anaruk akwikkoik thupuththuput.

Iuanna 3:32

Kwerethe lon ila kwimmat ana occïkot anaruk pul pella poccïkïnthok lon lung.

Ngre 20:28

Noccot kït noꞌron loka kon ana noul ia Kanang ikupupure konekkenthet non cik itti onon thakatha lon len. Noka ul iuꞌre ul ioccokothe lon loIeccuo ia kwokerot ngüccük ngung.

Ngre 26:23

itti oMiccie paccokot thiak ana kwaka pul ipuroko cittokït nti iul iilet ana kwangkene ul woIouth ana ul iannoka woIouth appik kathar kothoꞌrettat.”

Roma 3:25

Akka Kapik konarok othakka itti akwathio nti ilon ilokithak lokkwion ithoccokothe lon lung nomïkït ana Kapik kokkothe elli othakka itti akokene itti thoccokot cïkït ilon thung thokat thoporot ana kwoccïkanthet ul lon ilokithak

Roma 8:37

Aa, iaꞌrupu enni appik oron thonu puꞌran poIeccuo okkwi ipongotheron naꞌrupu ialkotheik.

1 Kurunthuc 6:11

Opilingon nti ianon thokat akin okkot ittina. Anaruk onon thothikkiettat thoporot nti ilon ilokithak, onon thothakkat thoKapik, nthopakkothe ikuꞌri ngKapik ngkꞌran koIli oIeccuo oMiccie ana mpuꞌran poKanang koKapik konnon.

Kalaththia 2:20

Mpokkuttathe nothapak innoMiccie ana ittina oun akkannokat cik ngka kin anaruk oMiccie akkaik iaun. Ana thikkoik itha mpaik pikkoik inenni mpaik pikkoik nti ithoccokot lon lokkul woKapik nocïkït iongothin ana iiothe nothapak nti iaun.

Apuccuc 2:4

Anaruk nti ithongat cannan itha kwongotheron, Kapik okkwi ipapaꞌrthan pothiak,

Apuccuc 5:2

Nikkoik thikkoik ithonu thongarot ammakka oMiccie pongatheron ana kwangkathe itti kwio nti ilon lonnon ere amutha ana papu pothokiot ngüccük poKapik.

Kulucci 1:18

Ana ook ca coka ilonu itti ca coul ioccokothe lon loIeccuo ana ook ipakkie ka cik. Ook ipurokot nti ithio cittokït nti iul illet othakka itti akwoka pocittokït naꞌrupu appik.

1 Thimiththaoc 6:13

Mpethung lon elli ikkun tokït koKapik ikethet aꞌrupu thikkoik appik ana tokït koIeccuo oMiccie ipakannocukkwo nolon ilaik ïcat tokït koPilaththoc poPunththioc,

1 Thimiththaoc 6:15

OIeccuo panthan nocaꞌri icekkot nan, ica Kapik okeneron. Ook Kapik ikïrïk pellek. Ook Ili wonili ana Kapik konili.

Ipranin 10:29

Laka lokitheththak nopul iponu itti pakkmako ipocukkwarothe ukul woKapik cik ana okkwi ipokathat ngüccük ngothonekket lon cik iothikkierok poꞌrillir ere ngella lon cik ana okkwi ipocungkwot Kanang koKapik ikakeneron thiak.

Ipranin 9:14

Anaruk ngüccük ngoMiccie akkoporot noüccük ngaꞌrupu worua enni appik. Kwethet ka kung ngKanang kothupuththuput itti kwio ere papu pothokiot ngüccük cik ipella lon ilokithak. Ngüccük ngung ngathikkieron thoꞌrillir nti ilon ilokithak ilananeron thio othakka itti aron ina akka oron orekine Kapik ikaik thupuththuput.

1 Poththuruc 1:19

anaruk nthelikkakot ngngüccük ngoMiccie, thungkat ithella lon cik ilokithak.

1 Iuanna 1:7

Anaruk amma oron thakkot lon ilocoꞌrotheik ammakka Kapik kokenet ton, oron thana lon lulukku ithun ana ngüccük ngoIeccuo nganekot ton lon ilokithak appik.

1 Iuanna 4:10

Thongarot thakannoka itti akka oron thongothe Kapik, anaruk akka kwongotheron ana kwothïathe ukul wung athio nti ilon ilokithak lonnon.

Thitto 11:15

Uꞌrupa wothothïlettat woKapik ieꞌreꞌrapuruk wekathe thïpïl, anoccïkat poꞌre cittan ntothiꞌrot apiꞌre itti, “Ngili ngonocapu ncik appik ngothakkat ngili ngoIli wonnon ana ngoMiccie pung ana ook akkakkma thupuththuput.”

Thitto 11:3

Ana mpethet ul ieꞌra iimmat lon ngkït lon ikkun atherene ul lon loKapik maꞌri kathar ana arrial ukuluk maꞌri meꞌra ana ikken arrial wꞌrapuruk (1,260) akin thakot eret iakene itti okin thaik ithmeru.”

Thitto 17:14

Okin thrro ithungkat anaruk thungkat thalkot kin akka ook Ili wonili appik ana okkwion ithakkarakot ana ithoꞌrumot nolon thakaik okin aththut.”

Thitto 19:11

Ana mpimmakathe tothiꞌrot tanyot ana capprththa cokat cik acocoꞌro tokït kin cipuk, pul iparrotheran poccot kꞌran itti Thoꞌrumo nolon ana Lon ïcat. Nthopekie lon thung, kwakkma ana okkuꞌre thoꞌrak.

Thitto 19:16

Lokat lokurrakot nokret nocïn ana icïn itti, ILI ÏRÏK WONILI INÏTTÏNÏTTÏK ANA ILI WONILI APPIK.

Thitto 2:13

Mpina nanon thaik pul pothopulut ponu prrok poili nan. Anaruk onon thoꞌrumot nokꞌran kin. Onon thakannoprtto thoccokot lon nomïkït thon cik naun, ana manna cannan nomaꞌri ima Anththipac, okkwi ipokat poꞌrumot nolon lin ana okkwi ipokkuttathe nokaꞌran kon na pul pothopulut paik.

Thitto 3:14

“Laine uꞌrupa wothothïlettat woKapik iaik wakatha lon locungkut coul ioccokothe lon loIeccuo nokaꞌran koLathukkia: Lon elli lolon itti, ‘Amin’ okkwi ipoꞌrumot noꞌron ana okkwi ipimmat lon ngkït ïcat ana okkwi ipaili waꞌrupu nocapu appik ia Kapik kokuꞌret ncik.

Thitto 7:14

Ana mpothïanthok tit itti, “Pït pin, ngkwina.” Ana kwiꞌrekathe itti, “Okin enthi ithokkot cik nti ithokkiettat thiak cannan, okin thimet eret wen ngüccük ngothungkat ana ngothikkiekanthet kin eret woꞌrillir.