Thiththoc 1:9 - LON ILOPOROT LOKAPIK NATHAM NꞌREK NNONATHAM NOMAꞌROT

⁹ Kwonu itti kwaccokot ana oꞌrumo nolon ilaik ïcat loIeccuo ammakka kwongkenettat othakka itti akwittarot opilingon nthongkene thoporot ana okene okkwion ithaik thaꞌretto nolon loIeccuo.

Thiththoc 1:9 Iomraidhean Croise

Ngre 18:28

Akka kwokat palkothe ul woIouth nthopllarot akwokenekat kin tokït koul appik llon nti iatham ipupure itti oIeccuo ook oMiccie.

1 Kurunthuc 14:24

Anaruk amma pul ipakorronno occokot lon loIeccuo ana manna pul pꞌrek ipomma karru ikaik keretta piꞌrikot ntan akka anon ere lon loKapik, kwaccïkot lon loul appik ana kwina itti kwonu lon ilokithak ana kwakkmako llon ilerettat appik,

Atham iaine ul woThocculunukkia 1 5:21

Nennekke lon len appik. Noccokot lon iloporot.

2 Thocculunukkia 2:15

Ittina, pangkingon, onoccokot kït ana oꞌrumo nothongkene ithanïn thongkenet non, antoka manna llon ana nthokurro.

1 Thimiththaoc 1:10

ana ul iaꞌro nul iari ittat, ana ul iomura iaꞌro nnul iomura, ana ul iakette pangken ana ul wokarra ana iakkwe mio ngkarra, ana lon lꞌrek ilakannomakot thongkene ithaik ïcat thoKapik.

1 Thimiththaoc 1:15

Lon elli iliꞌrettat laik ïcat ana lonu itti laccokittat papenang itti, “OMiccie oIeccuo paat nocapu ncik appik itti akwathoꞌret ul wolon ilokithak.” Ana oun akkokithak cannan ntiakin.

1 Thimiththaoc 1:19

Oꞌrumi nolon lothoccokot lon loIeccuo nocïkït ana ella lon noucce ilokithak akka opilingon thꞌrat lon len ana okin thopaꞌranthet lon loIeccuo cik nomïkït.

1 Thimiththaoc 4:9

Lon elli laik ïcat, lonu itti laccïkakot.

1 Thimiththaoc 6:3

Okkwi ipongkenet thongkene ithakannocoꞌrot cik ana ꞌra occïkot lon iloporot loIli oIeccuo oMiccie ana thongkene ithakeneron itti oron thikkoik tat,

2 Thimiththaoc 1:13

Oꞌrungkothe ilon ilocoꞌrotheik ila ngkwoccot naun ana aꞌrungkot ithoccokot lon loKapik ana ithongat thoIeccuo oMiccie.

2 Thimiththaoc 2:2

Ana lon ila ngkwoccïkothin aneret tokït koul woppot ngngin awimmat ngkït ken, ongkene ul iaꞌrumo nolon ana inangka itti angkene ul wꞌrek cakuruk.

2 Thimiththaoc 2:25

Pul ipangkene ponu itti paka poporot llon amma akwongkene ul iꞌrat lon loKapik. Akka Kapik kikko kaprtto kin cik akin ina lon ilaik ïcarïcat.

2 Thimiththaoc 3:14

Anaruk oung, omakothe ila ngkwongkenettat ana ila ngkwoccokothe akka ngkwina itti nti inyaun nyokkwen akka ngkwongkenettat.

2 Thimiththaoc 4:3

Caꞌri canthan ica ul okonnoccïkot thongkene ithaik ïcat, akin omakot lon lolon ilokithak ilakin thongothe. Okin thaꞌrntot ul iangkene woppot iccik ken aerenekin lon ilakin thongothe itti okin thaccïkot.

Thiththoc 1:11

Okin thonu itti okin thangkiettaik akka okin thaik thakïttine ul woruan lon nomïkït, akin ongkene thongkene ithonu itti thakorronno ongkenetta ana ilen akka akin iot akucci ngngin.

Thiththoc 2:1

Anaruk oung oThiththoc, ongkene thongkene ithocoꞌrotheik ana ithamakot lon loMiccie.

Ioutha 1:3

Pangkingon, loporot cannan itti mpakurrinenon lon lothoꞌrettat itharon thaik tit aththut, anaruk mpokathat itti mpakurrinenon anomereket non itti onon thrrot nothoccokot lon loKapik nocïkït ila Kapik kethet ul wung caꞌri culukku ana pꞌrin thupuththuput.

Thitto 2:25

Anaruk noccokot lon ilanon thonu puccuk anakkakat.

Thitto 3:11

Mpakko napuththut paik panthan, noccokot lon ila nthonu kiththik othakka itti apul ella ipanekot non thokketta thon.

Thitto 3:3

Nokwarttikot, thongkene ithanon thongkenettat ana kathar ikanon thoccïkothe ngngin, noccokot kiththik ana opaꞌrine lon len cik ilokithak. Anaruk amma onon thakannoꞌrumoik ana mpanthan ere pul pothuꞌran ana onon thakinnina itti mpaik panthan nocaꞌri cia.