Roma 9:33 - LON ILOPOROT LOKAPIK NATHAM NꞌREK NNONATHAM NOMAꞌROT

³³ Ammakka lokurrakot itti, “Katha mpanekket pothok nokaꞌran koCiun ipamukkwie ul ana kancang ikallekkie ul. Ana okkwi iponekkethe cïkït nolon lung ana kwakannothiettaik kirrkkir.”

Roma 9:33 Iomraidhean Croise

Maththa 21:42

AIeccuo iꞌrekat kin itti, “Onon thakannakkakkaro lon ilaik iatham woKapik? Iliꞌre itti, ‘Pothok ipa ul iuno wꞌrat nti ipangken pothakkakathe cillang icaceꞌret kunthong tan, Ili Kapik akkokkothe elli ana loprttakietheron tit.’

Maththa 21:44

Okkwi ipꞌrat lon lin kwikkoik ere ul iapukkot nopothok apocottakat, ana okkwi ipa pothok papothe nan kwakakꞌrakot cik.”

Roma 10:1

Pangkingon, lon ila mpongothe nci nocïkït cannan ana aꞌrane Kapik ngaꞌrama itti aul woIccereil iot thoꞌrettat.

Roma 10:11

Ana ammakka atham wiꞌret itti, “Okkwi iponekkethe cïkït naak kwakorronno othiettaik.”

Roma 5:5

Ana thoꞌrïkot cik thakonnothieron cik akka Kapik konekkethe thongat thung nomïkït monnon ngKanang ikupupure ika kwethet ton.

Kalaththia 5:11

Pangkingon, amma oun akkaik peret lon lothokekkot, ngintha akka onon appoccokienthattet thiak? Ittina thokkwet ana thokkwot nothapak thella lon cik.

Pilippi 1:20

Mpongothe ana mpaik paꞌrïkot cik itti mpakannapiet ngre ngꞌrek cik ana mpakannokkot ngre iathien cik. Amma mpantikkoik ana manna io, mpongothe itti mpaka pinangka ammakka mpaik inenni anothikkie oMiccie pothiakinet cik nnul appik.

2 Thimiththaoc 1:12

Ilen akka anoccokinthet thiak anaruk mpakonnothiaik, akka mpina itti okkwen akka mpoccokothe lon len ana mponekkethe cïkït nak papenang akka mpina itti kwaccot kït nolon papenang ila kwethin puccuk acaꞌri akkakat ica akwao nan.

1 Iuanna 2:28

Ana inenni nyukul nyin, noꞌrungkot naak, othakka itti amma kummothe ncik, anon ella nꞌre tokït kung amma akwao.