Roma 8:38 - LON ILOPOROT LOKAPIK NATHAM NꞌREK NNONATHAM NOMAꞌROT

³⁸ Akka mponu noucce itti papu pella ipapettoron nti ilon loKapik, lakonnoka manna thio ana manna thikkoik ana manna uꞌrupa wothothïlettat woKapik ana manna uꞌrupa iokithak ana manna puꞌran pꞌrek.

Roma 8:38 Iomraidhean Croise

Iuanna 10:28

Mpethet kin thikkoik thothupuththuput ana okin thakorronno intat cik ana pul pella panekothin kin.

Roma 14:7

Akka pul pella ipakkine ka kung cik pellek ana pul pella ipine ka kung pellek.

Roma 14:8

Akka amma oron thakkoik oron thakkine Ili cik ana amma oron thille ana oron thillene Ili. Ittina amma oron thantikkoik ana manna ille oron thoIli.

Roma 4:21

ana kwinat nan kicce itti Kapik kakkot lon ila konekketheik itti kakkot.

Roma 6:23

Akka lon ilokithak lana thio anaruk thethet nuthuk thoKapik thana thikkoik thothupuththuput iaMiccie oIeccuo Ili wonnon.

1 Kurunthuc 15:24

Ana thocothakot thocapu thao, amma oMiccie pethet oththan ngili ikkun amma kwokïttot ngili ana puꞌran popul pothopulut ipaik nocapu appik.

2 Kurunthuc 11:14

Elli lakorronno oprttakiettot tit akka pul pothopulut cakuruk pinnikot itti paꞌrupa wothothïlettat wokꞌran ikaccieik.

2 Kurunthuc 4:13

Lokurrakot itti, “Mpoccokothe lon loKapik nocïkït ana ilen akka mperenet.” llon len ilulukku lothoccokot lon loKapik nocïkït oron cakuruk thaccokot lon loKapik nomïkït ana erene

Apuccuc 1:21

Kapik konu lon ikkun appik antoka manna nili ana puꞌran ana ul wꞌrek ana okorronno oka noluput elli tulluk ana manna noluput ilanthan cakuruk.

Kulucci 1:16

Akka aꞌrupu appik wokuꞌrettat ncik ook ngngin, iaik ithiꞌrot ana nocapu ana ia ul okathacce ana iaul wakirrnnimma antoka manna ngili ana nili inïttïttïk ana inarran ana ul ionu lon ikkun, aꞌrupu appik wokuꞌrettat ncik ook ngngin ana wokuꞌrettanok ncik.

Kulucci 2:15

Ana nthapak then oMiccie palkathe nili ana ul ionat puꞌran ikkun pꞌrek ipokat cik. Kwothiekathekin cik tokït koul ana alkot kin nthiot thung nothapak.

2 Thimiththaoc 1:12

Ilen akka anoccokinthet thiak anaruk mpakonnothiaik, akka mpina itti okkwen akka mpoccokothe lon len ana mponekkethe cïkït nak papenang akka mpina itti kwaccot kït nolon papenang ila kwethin puccuk acaꞌri akkakat ica akwao nan.

Ipranin 11:13

Ul enni appik woccot lon ilonekkettanthet kin cik nthoccokot lon loKapik nomïkït. Okin thillet akin thakannokkattanthet lon lꞌrek nti ilon ilonekkettatheik anaruk Kapik kokenet kin nolon len nciththan ana okin thangkathe. Okin thangkathe itti okin thokat kwat nocapu.

1 Poththuruc 3:22

okkwi ipeot tothiꞌrot ana kwaik thokkun wothothari woKapik ana uꞌrupa wothothïlettat woKapik ana nili ana puꞌran ncik appik thaccïkothok.