Roma 8:16 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁶ Kanang ikupupure koKapik ngkanang konnon thakene itti oron thanyukul nyoKapik.

Roma 8:16 Iomraidhean Croise

Maththa 5:9

Thethïetta thaka noul iakkot kuꞌri, akka okin thamettat itti nyukul nyoKapik.

Lukka 20:36

Akka okin thikkoik ere uꞌrupa wothothïlettat woKapik ana okin thannille ana okin nyukul nyoKapik akka okin thuroko nti ithio.

Iuanna 1:12

Anaruk okkwion ithikkierok cik ana ithoccokothe lon lokꞌran kung nomïkït, kwokorronnathekin akin othakka nyukul nyoKapik,

Ngre 5:32

Onïn thimmat lon appik ngkït kïn ana cakuruk Kanang ikupupure kimmat ika Kapik kethet ul iaccïkothok.”

Roma 8:14

Ana okkwion itha Kanang koKapik kaik nan, okin thanyukul nyoKapik.

Roma 8:19

Aꞌrupu wonocapu waik waꞌrïkot nyukul nyoKapik cannan itti wakenetta kin.

Roma 8:23

Okorronno oka menik tulluk, anaruk oron ngka konnon ithonu Kanang koKapik, thaik thaccokot thiak aron thaik thaꞌrikot thelikkako thoka konnon cannan ana thoka konyukul nyoKapik.

Roma 8:26

Menik, Kanang koKapik kittarot ton ithommaik thonnon. Oron thomma lon ilaron thaik thaꞌrane ngaꞌrama anaruk Kanang ikupupure akkaꞌraneron ngaꞌrama llon ilommakot.

Roma 9:26

ana, “Elli lakaik nokaꞌran na lokat liꞌrettathekin itti, ‘Onon thakannoka ul win,’ anaruk itti okin thakkaroko itti, ‘nyukul nyoKapik kothikkoik.’”

Roma 9:8

Elli lonu itti nyukul inyokwontat ngkathar koul ionyi akkakannoka thiki thoKapik anaruk nyukul inyonekkettanthet lon cik akkathiki thAprein.

2 Kurunthuc 1:12

Elli akka anïn ipot ka thoura ngngin, itti mïkït mïn miꞌre itti thikkoik thïn cene nocapu ncik appik ana cannan kuꞌri ikaron thonat ithun ikaat noKapik kokat kupupure ana kellat karra. Onïn thokkothe ittina okorronno oka ammakka thinaik thonocapu anaruk ammakka thoporot thoKapik.

2 Kurunthuc 1:22

akwonemat ton cik ana ethet ton Kanang kung nomïkït monnon othakka itti akokene lon ilaik lanthan.

2 Kurunthuc 5:5

Ittina Kapik akkokuccenthet ton lon len ana kethet ton Kanang kung kolon len ikakene lon ilaik lanthan.

2 Kurunthuc 6:18

Ili ialkothe cik wiꞌret itti, “Ana mpakanenon oththe pon ana onon thakanin nyukul nyin inyomura ana inyari.”

Kalaththia 3:26

Onon thanyukul nyoKapik appik nthoccokot lon loIeccuo oMiccie.

Kalaththia 4:6

Ana akka oron thanyukul nyung, Kapik kothinthet ton Kanang kokkul wung ikupupure nomïkït monon, kiꞌrethe ton itti, Appa, ngappa ponnon.

Apuccuc 1:13

Onon cakuruk thothakkat ul woMiccie nci ammakka onon thoccïkothe lon ilaik ïcat iloporot loIeccuo lothoꞌrettat thang. Kapik kokkothe kurret nanon ngKanang ikupupure ikonekkettanthet ton cik onon ithoccokothe lon loMiccie.

Apuccuc 4:30

Nokorronno uet Kanang ikupupure koKapik ka cik, ikanon thonemittathe ngngin annoꞌrïkot caꞌri cothopakkettat.

1 Iuanna 3:1

Nantokatha tat akka oNgappa ponnon porothiꞌrot pongotheron puccuk mono aron akkarakat itti nyukul nyung, ana ïcat oron thanyukul nyoKapik. Lon ila capu ncik appik commanet ton akka commak.

1 Iuanna 3:10

Ittina oron thina itti nyukul nyoKapik nyia ana nyukul nyopul pothopulut nyia ngkathar itti okkwi ipakanno okkot lon ilocoꞌrotheik kwakannoka ukul woKapik ana cakuruk okkwi ipakannongat opang.

1 Iuanna 3:2

Pangkingon, oron thanyukul nyoKapik inenni anaruk itti oron thaka tat, lon len larthuk okenettaron. Anaruk oron thina itti amma oMiccie pummothe ncik ana oron thaka ammakka ook akka oron thimmak ammakka kwaik.

1 Iuanna 4:13

Oron thina kicce itti oron thaik uraththut ana kwaik uraththut, akka kwethet ton Kanang ikupupure.

1 Iuanna 5:10

Okkwi ipoccokothe lon lokkul woKapik nocïkït kwonu lon len nocïkït. Ana okkwi ipakannoccokot lon ila Kapik kerethe ukul nocïkït, Kapik kakathak itti kwonu karra akka kwakannoccokot lon nocïkït ila Kapik kerethe ukul wung.

Thitto 21:7

Okkwion ithalkothe lon ilokithak, okin thapakkot nolon ana aꞌrupu enni appik ana mpaka Kapik ken ana okin thaka nyukul nyin.