Roma 4:18 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁸ Aprein poccokothe lon loKapik nocïkït ana manna kwellat lon cik, ana oꞌrïkot cik itti kwathakka oththan poul appik, ammakka liꞌrettathok itti, “Nyukul nyang nyathakka ittina”

Roma 4:18 Iomraidhean Croise

Lukka 1:18

ACekkeria ipittat uꞌrupa wothothïlettat woKapik itti, “Mpina itti laik ïcat taththa? Mpukkwat ana opari pin pukkwat.”

Ngre 27:25

Ittina nokorronno irro mïkït nti ikarak akka mpoccokothe lon nocïkït loKapik itti lakaik ammakka kwiꞌrethin.

Roma 4:17

Ana ammakka lokurrakot itti, “Mpothikkierung oththan poul woppot.” Ook ongappa ponnon tokït koKapik ika kwoccokothe lon len nocïkït, Kapik ken ikethet ul thikkoik iillet ana ikakkot aꞌrupu iellat cik.

Roma 4:19

Thoccokot lon nocïkït loKapik thAprein thakannoropat cik antoka manna itti kwinat nan itti kwocokkat pꞌrin ponat luput arrial ukuluk pakannokwono, ana opari oCcara pokat pocoꞌrot cakuruk nti inyukul.

Roma 5:5

Ana thoꞌrïkot cik thakonnothieron cik akka Kapik konekkethe thongat thung nomïkït monnon ngKanang ikupupure ika kwethet ton.

Roma 8:24

Akka ithoꞌrïkot cik enthi oron thoꞌrettathe. Anaruk thoꞌrïkot cik ithimmako thakannoka thoꞌrïkot cik. Oththa akkaꞌrïkot lon ila kwimmat ngkït?

Ipranin 6:19

Thoꞌrïkot cik thonnon enthi thaꞌrumo naron ana thonthomat ere paponte ipaccokot kuppuꞌrung konoiꞌri irok akokorronno eo imakkren. Thoꞌrïkot cik then akkanekot ton nokaꞌran ikupupure cannan ikaik thoꞌrathan kret ikollikinetton cik,