Roma 4:13 - LON ILOPOROT LOKAPIK NATHAM NꞌREK NNONATHAM NOMAꞌROT

¹³ Aprein ana opeon thakannonekkettanthet lon cik itti okin thapakkot nocapu, othakka itti akka okin thokat akin ommakot lon lothonceꞌret lon cik anaruk nthoporot tokït koKapik ithanthan nthoccokot lon loKapik nocïkït.

Roma 4:13 Iomraidhean Croise

Ngre 13:32

Onïn therenenon lon iloporot loIeccuo, ila Kapik konekkenthet ongappan thonnon cik

Roma 4:12

Ana ook oththan poul iokekkothe appik ana iakonnokekkot anaruk oththan poul iaik wammakot kathar kothoccokot lon nocïkït thongappa Aprein itha kwonat akkwarthuk okekkot.

Roma 9:8

Elli lonu itti nyukul inyokwontat ngkathar koul ionyi akkakannoka thiki thoKapik anaruk nyukul inyonekkettanthet lon cik akkathiki thAprein.

Kalaththia 3:29

Ana amma onon akkulukku ilon loMiccie menik onon more mAprein ana onon akkapakkot nothethiekot cik itha Kapik konekkenthet Aprein cik.

Ipranin 11:7

Nthoccokot lon loKapik nocïkït, Kapik kaꞌrettot naNua akiꞌrekathok lon ilathokaik ilakinnimmako ana nthothia cik ithupupure, kwokkathe kuppuꞌrung konoiꞌri akwoꞌret ul woruan thanung. Nthoccokot lon loKpaik nocïkït oNua pakkmakakathe capu ncik appik ana kwothakkakathe poporot tokït koKapik.

Ipranin 7:6

OMelikkicathik pokat pakannoka nothiki thoLaui anaruk kwoccot aꞌrupu wululuk naꞌrupu iAprein pokat ponat nti ithoꞌrak. Ana oMelikkicathik pethïekathe Aprein ipa Kapik konekkenthet lon cik.