Roma 13:7 - LON ILOPOROT LOKAPIK NATHAM NꞌREK NNONATHAM NOMAꞌROT

⁷ Nethet ul kamucu ikakin thonu nanon, amma ngkwonu itti ngkwethet akucci wothaꞌrntot aethet, ana amma aꞌrupu arttot nan aethet ana amma thothia cik aethet ana amma thothiakine cik athiane okkwion ithonu itti okin thathiakine cik.

Roma 13:7 Iomraidhean Croise

Maththa 17:25

APoththuruc othïanthok tit itti, “Ïï, kwalekket.” Anakka oPoththuruc paat tuan, aIeccuo ipittathok itti, “Camaan, ngkwiꞌre itti kaththa? Nili nonocapu naꞌrntot thaꞌrntot nakkwengon, noul weni ana amma okorronno oka noul wen, noul wokwaari?”

Maththa 22:21

Akin othïat tit itti, “PoKkaiccer.” Akwiꞌrekat kin itti, “Nethet oKkaiccer aꞌrupu woKkaiccer ana annethet Kapik aꞌrupu woKapik.”

Markkoc 12:17

Nci cïnang aIeccuo iꞌrekat kin itti, “Nethet oKkaiccer aꞌrupu woKkaiccer ana woKapik annethet Kapik.” Ana okin thoprttakatherit naak.

Lukka 20:22

Locoꞌrotheik itti onïn thaꞌrntinthet oKkaiccer akucci ana amma okorronno oka menik locoꞌrotheiki?”

Lukka 20:25

Akin othïanthok tit itti, “PoKkaiccer.” Ittina aIeccuo iꞌrekat kin itti, “Nethet oKkaiccer aꞌrupu woKkaiccer ana woKapik annethet Kapik.”

Lukka 23:2

Ana okin thikkatheik akin oruket oIeccuo lon itti, “Onïn thiothe pul empi apongkene ul lon ilakorronnokin akin okkot lon moloko. Kwiꞌret itti okin thannoccïkot lon lonili, ana akwomet ul itti okin thakorronno aꞌrintinthet oKkaiccer akucci ana akwiꞌret ka kung itti ook oMiccie Ili wonnon.”

Roma 12:10

Nothiarne cik appik karkko nyukul nyoththan pulukku ana othiarneik.

Roma 13:6

Ilen akka anon ikkenthet nili akucci wothaꞌrntot akka nili narekine Kapik amma okin okkot ngre papenang.

Apuccuc 5:33

Ittina, ngkwonu itti ngkwangat pari pang ammakka ngkwongothe ka kang ana pul ipopari ponu itti pathiane olle cik.

Apuccuc 6:5

Iak, noccïkot opït pangon thonocapu nthothiaik ana nꞌre, ana ncïkït cella karra ammakka annoccïkot oMiccie.

1 Thimiththaoc 5:13

Cakuruk okin thipo ngore ana okin thanyarot cik nuthuk ikaman koul, akin iꞌrikikko ilon loul akin eret kin llon ilakin thiraththanneret kin ngngin.

1 Thimiththaoc 5:17

Ul ittïttïk woul ionu lon ikkun loul ioccokothe lon loIeccuo wonu itti wathiakineik cannan ana anganna okin ithere lon loKapik ana ongkene.

1 Thimiththaoc 6:1

Ul appik ioccokothe lon loIeccuo ia iak wonu itti wathiane opingon cik ana okkinthet kin lon papenang appinappin othakka itti akꞌran koKapik ana thongkene thonnon okorronno occirako ngngin.

1 Poththuruc 3:7

Onon ithomura ithipot, onon cakuruk thonu itti onon thaccïkot ari won ngkathar kolon ilanon thina akka onon thina itti ul iari wakannoka wonthomat ana onon thonu itti onon thathiakin akka onon aththuththeꞌra thiot thikkoik thoKapik, amma onon thakannothia ul iari won ngaꞌrama ngon ngakorronno oine Kapik.