Roma 12:13 - LON ILOPOROT LOKAPIK NATHAM NꞌREK NNONATHAM NOMAꞌROT

¹³ Nittarot ul iupupure woKapik naꞌrupu iakin ipitto ana okkinthet lon loporot.

Roma 12:13 Iomraidhean Croise

Maththa 25:35

Akka mpokat piamat ana onon thethin aꞌrupu wꞌrek ampoꞌrkot, ana pica pappokkwothin ana onon thethin ngꞌri ampïkkot, ana mpokat pakwat ana onon thikkierin cik.

Ngre 10:4

AKurnilioth okathakat uꞌrupa nnꞌre ana kwiꞌrekathe itti, “Ili, ngintha akkaik?” Ana uꞌrupa wothothïlettat woKapik wothïanthok itti, “Ngaꞌrama ngang ana lon iloporot ilakkinthet ul appik lainet Kapik tothiꞌrot.

Ngre 4:35

akin ipot tokït ken aikkettat okkwion ithella aꞌrupu cik.

Roma 12:8

ana amma thomereket ul llon iloporot, akwomereket ana amma thaꞌrintinthet ul aꞌrupu iella aꞌrupu cik akwethet nycïkït coporot ana amma thoka ili akwoka okkwi ipakkot lon nthiak ana nthongat nocïkït ana amma okene thiak akwokene nthongarot.

1 Kurunthuc 16:15

Onon thina itti ul woruan toCiththippanac wokat ul wocittokït ioccokothe lon loIeccuo noththok poKrik ana okin thangkathe itti okin tharekine ul iupupure woKapik.

2 Kurunthuc 9:1

Lon lella ilakorronnon anokurrinenon lon lothittarot ul iupupure woKapik.

2 Kurunthuc 9:12

Ngre ngang engi iangkwaik pakkot, ngaik ngakorrnno okinthet ul woKapik lon ilakin thongothe tulluk anaruk ngaik ngakorrnno okin akin opirane Kapik ngkathar koppot.

Kalaththia 6:10

Ittina inenni akka oron thonu caꞌri tun okkinthet ul lon iloporot appik ana anganna ul ioccokothe lon loKapik nomïkït men.

1 Thimiththaoc 3:2

Pul iponu lon ikkun loul ioccokothe lon loIeccuo ponu itti paka pul ipella thorukwettat cik ana apona pari pulukku ana oka poꞌrumot noka kung ana oka pinaik nti ica ana oka pothiakinet cik ana oka pongothe itti ul wainok appik ana akwina ongkene ul.

1 Thimiththaoc 5:10

Curuma cen conu itti cinako nan nul appik ngre ioporot ammakka itti thupotho nyukul nyung papenang ana ikkie ul cik ana omene ul woKapik tacok ana ittarot ul iaik waccokot thiak ana ongat itti careko ngre ioporot ncik appik.

Thiththoc 1:8

Kwonu itti kwaka pul ipongothe ul itti wainok ana ongat lon appik iloporot ana oka pul ipaccokot ka nti ilon ilokithak ana ipinaik nti ica ana oka pocoꞌrothe lon cik ana oka pupupure.

Thiththoc 3:14

Ul wonnon wonu itti wina itti okin thakkot lon iloporot othakka itti akin iot aꞌrupu iakin thongothe ana okorronno oka ul ikkoik nuthuk.

Pelemun 1:7

Thongarot thang thopirierin noka cannan ana thopoꞌrierin than akka onon thopiriet mïkït moul iupupure woKapik noka.

Ipranin 13:16

Ana nokorronno urenan itti onon thakkot lon iloporot ana okkinthet opangkangon thꞌrek, akka nthokkot lon len onon thapirie Kapik noka.

Ipranin 13:2

Nokorronno urenan itti nthikkie ul wonokwat cik lon loporot, akka opilingon thikkiet uꞌrupa wothothïlettat woKapik cik tuan thanen akin thomma.

Ipranin 6:10

Kapik kakannokwïet lon ana kakannure nore ngon ana thongat ithanon thokenerok nthittarot ul wung ana nthittarot ithanon thoꞌrungkothe nan ittarot kin.

1 Poththuruc 4:9

Nikkiettoik papenang ana okorronno aꞌrettakot.

1 Iuanna 3:17

Amma opilin ponu aꞌrupu mono akwimma opang paik pakkot paik nothiak thaꞌrupu wen mono akwella thiak itti kwethok, thongat thoKapik thaka iaak taththa?

3 Iuanna 1:5

Pangkin, ngkwoꞌrumot nolon ila ngkwaik pakkinthet opangkangon, okin thantoka manna kwat kang.