Pilippi 2:3 - LON ILOPOROT LOKAPIK NATHAM NꞌREK NNONATHAM NOMAꞌROT

³ Nokorronno okkot ngre nthipot ka thoura anaruk noccïkarot ana okatha ul itti okin akkoporot nanon.

Pilippi 2:3 Iomraidhean Croise

Lukka 18:14

Ittina aIeccuo iꞌrekat itti, “Mpiꞌret non itti pul ipaꞌrntot akucci akkeot tuan poporot tokït koKapik, akka okkwi ipathikkie ka kung prïk kwathikkietta potte ana okkwi ipathikkie ka kung potte kwathikkietta prïk.”

Roma 12:10

Nothiarne cik appik karkko nyukul nyoththan pulukku ana othiarneik.

Roma 13:13

Ntrun okkot lon ngkathar ikoporot ilonu itti lakkattat icïngkï, kirrnni okorronno ngapak itti ngakkwothung ana okorronno aꞌro nul nuthuk ana manna llmoꞌre ana illillakorit nnul ana okorronno okkinthet ul lon ilokithak ana noꞌre.

Roma 2:8

Anaruk okkwion ithongothe lon lokaken ana ꞌra lon ilaik ïcat akin ommakot lon ilamoloko, Kapik kua ka ken.

1 Kurunthuc 15:9

Akka oun akkotteik noul wothothïlettat woIeccuo appik ana manna mpakorronno oka pekkot nan itti mpakkarako itti pul pothothïlettat poIeccuo akka mpokkikkiethe ul ioccokothe lon loIeccuo thiak cannan.

1 Kurunthuc 3:3

onon tharthuk thaik ilon lonocapu. Ana inakka onon thanyirane ana aꞌrettakot, elli lakene itti onon thaik ilon lonocapu ana okkot lon loul ionyi wonocapui?

2 Kurunthuc 12:20

Akka mpapelle akka anathiot non ngkathar ika mpꞌrat itti onon thikkoik ngngin ana mpapelle akka annathiohtin ngkathar ikanon thꞌrat itti nthiothin ngngin. Mpapelle akka athaꞌretto okaik ana thonyira ana thocungkaro ana therettot ana thipot ka thoura ana okorronno occïkarot.

Kalaththia 5:15

Amma onon thaik thathittettarene cik ana ikkoik tothun ella thongarot cik, noꞌrumoik akka onon okittaro.

Kalaththia 5:26

Oron thonu itti oron thannipot ka thoura ana urttet ka cik ana onyirarane.

Apuccuc 4:2

Nokorronno ipot ka thoura, noka thoporot ana occokot mïkït ilon ana ocoꞌrarot nthongarot.

Apuccuc 5:21

Noccïkarot nthothiak thoMiccie.

Pilippi 2:14

Nokkot lon appik ella thaꞌretto ana manna thopllarot.

Kulucci 3:12

Ittina onon enthi itha Kapik kocumot ana kothikkiet non thupupure ana itha kongothe. Ana ittina onon thonu itti thana thiak ana oka thoporot ana okorronno ipot ka thoura ana occokot cïkït ilon.

Kulucci 3:8

Anaruk inenni onon thonu itti onon thacoꞌro nti ithua ka ana okkiet ul thiak ana ocungko ꞌran wen ana eret ul wꞌrek llon lokithak.

1 Thimiththaoc 6:4

kwaik pipot kathoura noka kung nuthuk ana kwomma lon lꞌrek. Kwaccot kït nolon nocapu tulluk ilana thaꞌretto ana thothatto ana elli appik lanekarot nothonyira ana thopettaro tit ana thokwarttikot pul ilon ilokithak ana okarranno onekket cïkït noul.

1 Poththuruc 3:8

Ittina pꞌrin mpiꞌret non itti nikkoik tothun appik, niparo thiak then, nongarot, nokarne thoporot, nokorronno iparnthet ka thoura.

1 Poththuruc 5:5

Uꞌrit, ammakka menik noccïkot ul iocokkat won. Nikkoik thoporot ithun nthongarot, akka, “Kapik kꞌrat ul ipot ka thoura, anaruk kipo thiak thokkwion ithakinnipot kathoura.”